هيونداي إلنترا ٢٠١٣ gls dab abs - إنطباعاتي بعد أول ١٥٠ كيلو

**Dr.M_baz** · 11-10-2013 09:51 PM

ألف مبروك ... وربنا يبارك لك فيها.

**monamize4** · 11-10-2013 10:39 PM

الف مبروك يا باشا

**saddam** · 11-10-2013 11:49 PM

صديقي المواطن
مبروك وإلى اﻷمام وبالتوفيق وحفظها الله لك ومن نصر إلى نصر
أخي المواطن.تبا للمستحيل بالنسبة لمشكلة النور.المبهر اللي بيسببلك إزعاج في الكاسيت فده أمره بسيط إنت تروح تعمل له قطعة فاميه أسود خفيف جدا جدا وتتقص بحرفنه عليه ويركب والموضوع حينتهي فبريكة وعن تجارب
ودمتم.للنضال

**RimounAdel** · 12-10-2013 02:32 PM

المشاركة الأصلية كتبت بواسطة silent~dream

الف مبروك يا باشا و ربنا يحفظهالك وحاول تركب انذار محترم من التوكيل و قفل دركسيون عشان لقدر الله اى حاجه تجرى و عايزين تقرير كده على شويه صور بعد صيانه الالف ان شاء الله :s_thum1[1]:

الله يبارك فيك يا باشا :)
اللي انا فاهمه انها فيها انذار... جربت من شويه اقفلها و انا جواها و بعدين حتحت الباب العربيه صوتت... هو دا وللا في حاجة زياده بيركبوها؟؟

**RimounAdel** · 12-10-2013 02:34 PM

المشاركة الأصلية كتبت بواسطة hamaka

ربنا يباركلك فيها و عقبال صيانة ال 100000 ان شاء الله ، بالنسبة لموضوع الأمان ده ممكن تركب التسليح بتاع الازاز ده بيعطل الحرامى و بيخليه يصرف نظر عن سرقة العربية دى بدل ما يتمسك عشان بيتعبه فعلاً على ما يكسر الأزاز و يدخل العربية ده غير انه بيبقى باين اثاره و هيخاف يمشى بيها عشان هيبقى واضح انه سارقها ، و الله هو الحافظ أولا و أخيراً....

ربنا يخليك :)
قوللي ايه حكايةتسليح الازاز دا؟ اول مره اسمع عنه

**RimounAdel** · 12-10-2013 02:36 PM

المشاركة الأصلية كتبت بواسطة forex eagle

الف مبرووك وربنا يباركلك فيها .. ويكفيك شرها ..انا معايا الفولي لودد ..بس ركبتلها جهاز جي بي اس بيتصل بيا لو حد حاول يفتح باب العربيه علشان موضوع الازاز دا وكمان بيفصل طرمبه البنزين ..امان اكتر مع الايموبﻻيزر ..ياريت تقولي الكاسيت عندك بيقبل عدد اغاني اد ايه انا عندي للاسف 999 بس .ومبروك مره تانيه ع العربيه

ميرسي با باشا ربنا يخليك... بكام و منين الجهاز دا؟ و ياتري بيركب من غير ما يطلع الضفيره بده الضمان؟؟
بالنسبه لموضوع الأغاني انا ماجربتش الفلاشه بس الايفون ماظنش في مشكله في العدد... :)

**RimounAdel** · 12-10-2013 02:39 PM

المشاركة الأصلية كتبت بواسطة mahmoud_afifi

الف مبرووووك يا باشا وربنا يباركلك فيها.
وبما انك من ملاك الالنترا بقالك 6 ايام يبقى كان المفروض تيجي مقابلة هيونداي النهارده ومالكش عذر :d

ماتنساش تظبط ضغط الكاوتشات لأن ده الي مخلي العربيه ناشفه شوية.

ربنا يخليك يا كبير :) دا شرف ليا و صدقني كنت ناوي اجي بس الظروف لخبطت.. ان شاء الله اشوفك في المقابله الجايه :)

تصدق ماجاش في بالي موضوع ضغط الكاوتشات دا انا قلت هيا اكيد بتيجي كل حاجة متظبطة... هاروح اشوفه ... شكرا علي النصيحة :)

**RimounAdel** · 12-10-2013 02:41 PM

المشاركة الأصلية كتبت بواسطة Samir Elshahawy

أولا .. ألف مبروك علي الالنترا و ربنا يكفيك شرها و يؤتيك خيرها و مبروك أنضمامك لنادي ال md

بالنسبة لموضوع اضائة الكاسيت دي ممكن تتحكم فيها من خلال الكاسيت نفسه مش من المفتاح الخاص بأضائة التابلوه

الله يبارك فيك يا باشمهندس سمير :)
الحقيقة انا دورت كتير في ال settings بتاعت الكاسيت و مالقتش اي حاجة بتعدل اضائته؟ يا تري تعرف منين بالظبط؟

**RimounAdel** · 12-10-2013 02:45 PM

المشاركة الأصلية كتبت بواسطة saddam

صديقي المواطن
مبروك وإلى اﻷمام وبالتوفيق وحفظها الله لك ومن نصر إلى نصر
أخي المواطن.تبا للمستحيل بالنسبة لمشكلة النور.المبهر اللي بيسببلك إزعاج في الكاسيت فده أمره بسيط إنت تروح تعمل له قطعة فاميه أسود خفيف جدا جدا وتتقص بحرفنه عليه ويركب والموضوع حينتهي فبريكة وعن تجارب
ودمتم.للنضال

الله يبارك فيك و شكرا جزيلا علي نصائحك المستمره :)
فكره حلوه هاجربها ان شاء الله