مساعدة في الاختيار: سانديرو اتوماتيك ولا بريليانس كروس اوفر

**nonalaziza** · 14-10-2013 02:46 AM

المشاركة الأصلية كتبت بواسطة dodo_iceman

المقارنه بين الستيب واى و الكروس اوفر ده ظلم للكروس اوفر
يعنى اساسا مفيش مقارنه اصلا
الموتور الكروس تتفوق .. بموتور سعه اقل يعنى توفير فى البنزين مع اداء اقوى
امان الكروس تتفوق .. الكروس فيها abs و abd مع اتنين ايرباج و صاج اقوى بكتير من صاج السانديرو .. السانديرو فيها ايرباج واحده و مفيش abs !
العزل و التقفيل لصالح الكروس بمراجل .. انا مش فاهم ازاى الناس بتنصح بمجرد الاسم .. اللى يقول ينزل من رينو لصينى .. الكروس تقفيل صينى ممتاز .. السانديرو تقفيل مغربى
عيوب السانديرو الثابته و اكيد كمالك للعربيه انتى عارفاها
صوت الموتور العالى - رجه واضحه قوى مع اى كيك داون او دوسة بنزين جامده - و طبعا نتشة الفتيس فى الاوتوماتيك واضحه قوى قوى خصوصا فى اول 3 سرعات - غير كده كمان استهلاك بنزين عالى .. و مفيش عزل .. و طبعا مفيش شنطه مقابل الرحابه الداخليه للمقصوره
السانديرو هي النسخه الهاتشباك من اللوجان .. يعنى مشاكلها نفس مشاكل اللوجان و تقفيل مغربى كمان
فبصراحه مستغرب من التفوق الواضح للسانديرو على الكروس اوفر فى التوبيك ده بس .. و انا شايفه تفوق خيالى مالوش وجود على ارض الواقع

هي مبدئيا المقارنة بين سانديرو الأتوماتيك مش الستيب واي. انا شايفه ان صاج السانديرو كويس معايا مش ورق مثلا زي عربيات تانيه كتير
ممكن حضرتك توضحلي ايه هي عيوب السانديرو الثابته اللي حضرتك تقصدها.
غير ان صوت الموتور عالي.
و بعدين نسيت التوكيل و دي من ضمن الحاجات الأساسية بالنسبالي هي والسحب و تأثير التكييف عالسحب لانها مهمه بالنسبالي

**elmkaneeki** · 14-10-2013 03:07 AM

الكوري فكرتي فيه ؟

**nonalaziza** · 14-10-2013 05:27 AM

المشاركة الأصلية كتبت بواسطة elmkaneeki

الكوري فكرتي فيه ؟

زي ايه

**Maghraby1987** · 14-10-2013 06:02 AM

انا مع البريليانس قلبا و قالبا و عن تجربه

**M I D O** · 14-10-2013 06:04 AM

المشاركة الأصلية كتبت بواسطة khaabas

تصحيح صغنون كلامك كله صح بس موتور ال بى واى دى موش ميتسوبيشى موتورها صينى بتكنولوجيا يابانى وهناك فرق طبعا وارجو تصحيح المعلومة لو انا فاهم غلط

المحرك صيني اة بس تحت اشراف متسوبيشي الصين وعلية علامة متسوبيشي و الفتيس مش عارف نفس الوضع ولا لا لاني سمعت انة ياباني بتاع نيسان تقريبا بس رغم ان المحرك صيني ولو الفتيس برضو صيني بس تحت اشراف كامل من متسوبيشي وليست تكنولوجيا فقط يبقي برضو حاجة محترمة لان متسوبيشي مش هتحط اسمها في حاجة وحشة

**J A G U A R** · 14-10-2013 10:48 AM

المشاركة الأصلية كتبت بواسطة nonalaziza

هي مبدئيا المقارنة بين سانديرو الأتوماتيك مش الستيب واي. انا شايفه ان صاج السانديرو كويس معايا مش ورق مثلا زي عربيات تانيه كتير
ممكن حضرتك توضحلي ايه هي عيوب السانديرو الثابته اللي حضرتك تقصدها.
غير ان صوت الموتور عالي.
و بعدين نسيت التوكيل و دي من ضمن الحاجات الأساسية بالنسبالي هي والسحب و تأثير التكييف عالسحب لانها مهمه بالنسبالي

1 - الفتيس فيه خشونه شويه
2 - استهلاك بنزين عالى نسبيا
3 - صوت البنزين مسموع وبيرج فى العربيه

**J A G U A R** · 14-10-2013 03:51 PM

المانويال افضل بكتير من الاوتوماتيك فى السحب والعزم والتسارع

الموضوع: مساعدة في الاختيار: سانديرو اتوماتيك ولا بريليانس كروس اوفر

LinkBack

أدوات الموضوع

عرض

-

-

المواضيع المتشابهه

اسبيرانزا انفى ولا بريليانس كروس اوفر

بريليانس كروس ولا سانديرو ستيب واي؟؟؟

بريليانس كروس ولا سانديرو ستيب واي؟؟؟

X3 2007 ولا خلينى فى حاجة كروس اوفر زيرو

استفسار من اهل الخبره يعني ايه كروس اوفر

الكلمات الدلالية لهذا الموضوع

المفضلات

المفضلات

ضوابط المشاركة