ودي معلومة أنا نسيت أذكرها إن فعلاً المثبت مش بيشتغل علي السرعات أقل من 40 كيلو متر,
لأنه معمول للطريق السريع ومفيش طريق سريع بيتمشي عليه بأقل من 40 كيلو متر في الساعة !
الله ينور يا هيثم باشا, :tumb:
مبروك يا باشا .. متابع المعلومات القيمه دي و ربنا يصبرنا علي التوكيل لحد ما نستلم
LeitoSR
تماااام 100%
يعنى المقصود منهم ان ال CC ميقلش السرعه عن كذا اما ال SL متزيدش السرعه عن كذا
صح كده ؟؟
بالظبط CC السرعة بتتثبت علي السرعة اللي بتختارها ومش بتقل ولا تزيد,,
ممكن تدوس بنزين وتزود السرعة, ولما تشيل رجلك هترجع تاني لنفس السرعة اللي كنت مثبت عليها, طالما ملمستش الفرامل ولا ضغطت علي زرار مثبت السرعة اللي بيفصلة,
وال SL بيحط حد معين للسرعة Limit ولنفترض 90 كيلومتر في الساعة مثلاً,
مجرد أنك تشغله عليه, بتسوق العربية عادي تزود وتقلل سرعة تحت ال 90 وممكن تجري وتحرق الغيارات عادي, بس أول ما العربية توصل لسرعة 90 مش هتزيد كيلو واحد بعديه حتي لو دايس علي أخر الدواسة,,
cc اختصار لكلمه cruise control والمقصو بيه مثبت السرعه
اما sL المقصود بيه speed limiter وده محدد السرعه
وفى حاله مثبت السرعه بتقدر تزود بدواسه البنزين او بالزرار وطبعا رجلك متشاله من على دواسع البنزين
اما محدد السرعه بتبقى دايس بنزين بس مش بتقدر تعدى السرعه اللى انت محددها ومش بتقدر تكسر السرعه دى الا عن طريق انك تفصل محدد السرعه او تزود من الزرار بتاعه
وفعلا هو مفيد جدا فى السفر
معلومات قيمة شكرا جزيلا لكم
مبروك عليك و ده بصراحة اكتر حاجة جبتها كان تمنها فيها و هو بيركب على المانيوال كمان و بيشتغل من الرابع فى 307
اعتقد بنسبة كبيرو ممكن تكون 301 المانيوال مجهزة انها يتركبلها الكروز.
و على ما افتكر ان فى حالة speed limiter مو انت كبست بنزين على الاخر بيكنسل تحديد السرعة و ده عشان لو عايز تفادى حاجة مثلا
لو بيركب على المانيوال يبقى ممتاز بجد :)
مبروك