عرض للطباعة
عربيتى ميجان موديل 2008 عايز اركب لها كاوتش مقاس 17 مع العلم ان مقاس الكاوتشات عندى 16
وسمعت اراء كتير فيه اللى قال عادى وفيه اللى قال ان دة هيأثر علي العفشة ولازم مع الكاوتشات تغير العفشة وفى نفس الوقت ناس برضو كتير قالو عادى الفرق مش كبير بين المقاسين ومافيش اى تأثير
وبصراحة الكاوتشات ال 17 شكلها حلو اوى علي العربية فأرجو الافادة عشان لو فيها ضرر اكيد مش هركبهم
وكل سنة وانتم طيبين يا وحوش الميجان وعيد سعيد عليكم
طالما الفرق بوصة واحدة و هاتحافظ على القطر النهائي لعجلة العربية فمافيش مشاكل ان شاء الله
لكن في نفس الوقت انا عن نفسي لا انصح بال17 في مصر
ما شفتش حد معاه 17 الا و متبهدل منه و كل يوم و التاني تطلع له بالونة في فردة و يضطر يغيرها
غير موضوع البهدلة فى المطبات لأنك هتضطر تجيب كاوتش low profile......
القصة كلها فى موضوع الجنوط في الوزن..............بمعنى أن لو الجنط ال 16 بالكاوتش يوزن 10 كيلو الفردة......و الجنط ال 17 بالفردة يوزن 11 أو 12 كيلو مش هتبقى مشكلة كبير للعفشة.
نوعية الجنط بتفرق فى وزنه طبعاً......أغلى جنوط هى الأخف و الأمتن.
نصيحه من اخوك ابعد عن الجنط ال ١٧ لأنك لازم ترفع الكاوتش ودى مشكله كبيره لان الطرق عندنا وحشه وكلها نقر فهتقابل مشكلتين ١- هتحس اوى بالمطب حتى لو كان صغير لان الكاوتش رفيع والاهم انك هتعوز تغير كاوتش عالطول لانه ( بيبقلل ) من الجناب وهذا عن تجربه ( عربيه والدي باسات جنط ١٧ فابريكا والله مدوخانا كاوتش وجربت كل الأنواع ) وآسف للاطاله
شكرا جدا يا وحوش الميجان على الرد انا خلاص مش هجيب الكاوتشات ال 17 لان شايف انكم مجمعين انها اقتراح مش كويس وشايف ان الضرر فيها اكبر
انا بس مشكلتى انى مش لاقى جنوط المانى مقاس 16 ومش حابب ادفع فلوس فى الجنوط اللى فى السوق اللى هي صناعة تايلاندى او اندونيسي ودايخ على جنوط 16 تكون نضيفة والمانى زى ال BBs او حتى ايطالى زى ال momo
عليك و على أرابكوم