نصيحة من مالكي الميجان بس عالله حد يرد

**vito amen** · 12-10-2013 02:27 AM

عربيتى ميجان موديل 2008 عايز اركب لها كاوتش مقاس 17 مع العلم ان مقاس الكاوتشات عندى 16
وسمعت اراء كتير فيه اللى قال عادى وفيه اللى قال ان دة هيأثر علي العفشة ولازم مع الكاوتشات تغير العفشة وفى نفس الوقت ناس برضو كتير قالو عادى الفرق مش كبير بين المقاسين ومافيش اى تأثير

وبصراحة الكاوتشات ال 17 شكلها حلو اوى علي العربية فأرجو الافادة عشان لو فيها ضرر اكيد مش هركبهم

وكل سنة وانتم طيبين يا وحوش الميجان وعيد سعيد عليكم

**تامر.محمد** · 12-10-2013 02:59 AM

طالما الفرق بوصة واحدة و هاتحافظ على القطر النهائي لعجلة العربية فمافيش مشاكل ان شاء الله
لكن في نفس الوقت انا عن نفسي لا انصح بال17 في مصر
ما شفتش حد معاه 17 الا و متبهدل منه و كل يوم و التاني تطلع له بالونة في فردة و يضطر يغيرها

**Ahmed Selim** · 12-10-2013 04:38 AM

غير موضوع البهدلة فى المطبات لأنك هتضطر تجيب كاوتش low profile......

القصة كلها فى موضوع الجنوط في الوزن..............بمعنى أن لو الجنط ال 16 بالكاوتش يوزن 10 كيلو الفردة......و الجنط ال 17 بالفردة يوزن 11 أو 12 كيلو مش هتبقى مشكلة كبير للعفشة.

نوعية الجنط بتفرق فى وزنه طبعاً......أغلى جنوط هى الأخف و الأمتن.

**haisam ali** · 12-10-2013 06:37 PM

نصيحه من اخوك ابعد عن الجنط ال ١٧ لأنك لازم ترفع الكاوتش ودى مشكله كبيره لان الطرق عندنا وحشه وكلها نقر فهتقابل مشكلتين ١- هتحس اوى بالمطب حتى لو كان صغير لان الكاوتش رفيع والاهم انك هتعوز تغير كاوتش عالطول لانه ( بيبقلل ) من الجناب وهذا عن تجربه ( عربيه والدي باسات جنط ١٧ فابريكا والله مدوخانا كاوتش وجربت كل الأنواع ) وآسف للاطاله