اسئلة مشروعة لمُلاك واللى حاجزين كورولا 2014

**maxidizer** · 12-10-2013 02:42 PM

بسم الله الرحمن الرحيم

السلام عليكم ورحمة الله وبركاته،

سؤالين للى حاجز واللى استلم الكورولا :)

نبدأ الاول بالناس اللى حاجزة تويوتا كورولا 2014:
... حد استلم من اول شهر اكتوبر ما بدأ الى الان ؟؟ بغض النظر عن تاريخ حجزك فى شهر سبتمبر كان يوم ايه...

انا عن نفسى حاجز يوم 13 سبتمبر تقريبا ، حاجز عند توكيل تويوتا " بركات " فى شبين الكوم.. منوفية... وقالوا لى بعد 20 يوم، والى الان ماستلمتش... الله المستعان.

السؤال للى استلموا... بقى :)

1) لما استلمت العربية لو انت استلمتها من التوكيل، بتستلم معاها اى حاجة؟؟ مثلا شنطة عدة، الصليبة اللى بتفك بيها العجل ، الكوريك بتاع الرفع ، .. او هدايا مثلا زى ميدالة تويوتا للمفاتيح او كوفر للعربية عليه علامة تويوتا ، او دواسات ؟؟؟

2) العربية فى اول الف كيلومتر ناس نصحتنى مامشيش بيها اكتر من سرعة 70 كم/س ، وماشغلش التكييف علشان لسه الموتور فى التليين واخده كده على الحنين... هل الكلام ده صحيح وانت فعلا عملت كده فى عربيتك ؟؟

اخيرا.... حابب اعرفكم ان التوكيل كلمنى يوم الخميس اللى فات - من يومين - وقال لى العربية ممكن استلمها دالوقتى لكنى كنت فى الشغل وماقدرتش اروح له فقال لى خليك ليوم السبت او الاحد وانا هاسلم العربية لحد تانى لانه مش هاينفع يبيتها عنده فى المعرض .... يعنى فعلا فى ناس بتستلم قبل العيد..... فافرحوا بقى :)

بس موضوع مقارنة اسعار قطع غيار التويوتا بالفلاونس مخلينى متضايق جدا :( ... الفانوس ب 5000 جنية

**abofandy** · 12-10-2013 02:55 PM

/د استلم من اول شهر اكتوبر ما بدأ الى الان ؟؟

انا لسة مسلتلمتش مع انى حاجز في شهر 9 في اوله ولسه حتى الان مستلمتش
واخر مكالمه للتوكيل في العباسية قالى بعد العيد

لما استلمت العربية لو انت استلمتها من التوكيل، بتستلم معاها اى حاجة؟؟

مع التحدث لخدمه المبيعات
العربية فقط شنطة عدة ومفتاح صليبة وكتالوج و2 مفتاح واحد بريموت والتانى عادى
بالنسبة للتوكيل مفيش لا دوسات ولا غطاء ولا ميدلية
دة الكلام الى اتقال
لو فية حد استلم هيفيد اكتر بس يقول هو دفع كام بالضبط ونشوف الدنيا هتمشى ازاى

العربية فى اول الف كيلومتر ناس نصحتنى مامشيش بيها اكتر من سرعة 70 كم/س ، وماشغلش التكييف علشان لسه الموتور فى التليين واخده كده على الحنين... هل الكلام ده صحيح وانت فعلا عملت كده فى عربيتك ؟؟

المفروض العربية في المرحله الاولى هو تليين بس يعنى متقرصش على العربية جامد
بلاش كيك دون او تكييف الا في السرعة لما تعدى 50 لو كان التكييف ضرورى اوى يعنى
لكن يفضل بلاش تقرص اوى على الموتور في مرحلة التلييين

اخيرا.... حابب اعرفكم ان التوكيل كلمنى يوم الخميس اللى فات - من يومين - وقال لى العربية ممكن استلمها دالوقتى لكنى كنت فى الشغل وماقدرتش اروح له فقال لى خليك ليوم السبت او الاحد وانا هاسلم العربية لحد تانى لانه مش هاينفع يبيتها عنده فى المعرض .... يعنى فعلا فى ناس بتستلم قبل العيد..... فافرحوا بقى :)

ربنا يفرحك يارب
بس معتقدتش ان فية ناس كتير ممكن تستلم النهاردة او بكره
فاعتقد معظم الناس هتتاجل بعد العيد ان شا ءالله
بس على العموم كله خير ان شاء الله
وسبب التعطيل دة بيقولوا ان كان فية لبخبطة في الورق الى جاى من اليابان دة كلام المهندسة المسئوله
والله اعلم بالظروف بقى
وكله خير ان شاء الله

بس موضوع مقارنة اسعار قطع غيار التويوتا بالفلاونس مخلينى متضايق جدا :( ... الفانوس ب 5000 جنية

مش عارف مش داخل دماغى اوى الموضوع دة
صعب اوى ان الفانوس يبقى بالسعر دة
دة سعر خرافى اوى وخزعبلى
بس يلة كله جايز بس اعتقد لو كان سعر الفانوس كدة هيبقى عيب كبير اوى في العربية
دة الالمانى مش اسعاره كدة يعنى
ربنا يستر والكلام يطلع غلط

**ahmad_82_03** · 12-10-2013 06:13 PM

بالنسبة لموضوع اسعار قطع الغيار فى عضو فاضل راح التوكيل سأل بنفسه واعتقد الكلام منطقى جدا
http://www.nilemotors.net/Nile/383165-2014.html

**medo99_pc** · 12-10-2013 06:20 PM

العربيه بتنزل ملينه وجاهزه للحرق يا ريس

**Tameeem** · 12-10-2013 11:45 PM

حضرتك متاكد ان العربية مش هتحتاج تليين ؟؟

**azahranm** · 12-10-2013 11:51 PM

ربنا يطمنك و نستلم بعد العيد ان شاء الله
بالنسبة للتليين اعتقد ان اختبار ال pdi اللي بيتعمل ده يثبت ان العربية متلينه و الله اعلم

**Tameeem** · 13-10-2013 12:29 AM

طيب كل ال عربيات بيتعملها اختبار الpdi دة ولا ايه

**medo99_pc** · 13-10-2013 10:37 AM

المهندس فى التوكيل وانا بعمل صيانه الألف قالى العربيه بتنزل ملينه جاهزه.

**abofandy** · 13-10-2013 12:28 PM

اختبار pdi دة بيتعمل من سنه 2010 تقريبا على العربيات اليابانى دة الى اعرفة لكن بامانه معرفش الموديلات او الماركات التانية بتتعمل من امتا بصراحة

والاختبار دة للناس الى متعرفش هو اختصار لجمله Pre-Delivery Inspection
يعنى تشييك كامل للسياره قبل استلامها للعميل ووبقى فية قسم مختص بمهندسين للكلام دة
بيتم فحص العربية بالكامل في كل قطعة للتاكد من انها تعمل بكفاءه المنوط بها
خصوصا ان كان بيبقى فية عيوب في بعض الا شياء بعد التصينع او حتى التقفيل مما ادى الى شكوى
كثير من الناس فاصبحت السيارات بعد خروجها من المصنع لابد ان تخضع لهذا الاختبار
واعتقد انه اختبار كويس جدا جدا افادنا كتير كمستخدمين او منتفعين ان بتتاكد ان السياره بتاعتك اتشيك عليها
من كل حته فيها واتجربت كمان

بخصوص مساله التليين فالاختبار دة حل مشكلة التلييين
ولكن احنا بنقصد بمساله التلييين عدم التحميل يعنى بلاش الحرق على الاقل في اول 1000 كيلو
انت مش هتهون عليه العربية في الاول انت تضغط عليها دى هتبقى زى البيبى عندك بتدلعة وتهشتكه
وبعد كدة ابق دوس واحرق وكيك دون وغرز واعمل الى انت عايزه
انا اقصد في الاول دلع .... وبعد كدة شقاء وهلع

تحياتى