حد حس بالزلزال اللى كان من شوية اليوم؟ والغريبة انة نفس يوم توقيت زالزال 1992

**ahmedteam** · 13-10-2013 11:23 AM

احنا الشعب اللى لما ميحسش بالزلزال بيزعل

**lidosasa** · 13-10-2013 12:08 PM

المشاركة الأصلية كتبت بواسطة Y a r i s

انااااا حسيت بيه
كنت نايم على السرير لقيت السرير بيترقص من تحتي فبقول للمدام ايه ده زلزاااااال. قالتي فييين فيييين قلتها فيين فيين ايه هو انا بقولك فااار انا بقولك زلزال قالتلي محسيتش بحاجة نام نام تلاقي اعصابك تعبانه ولا حاجة

قلتلها ياوليه طيب بصي كمان النجفة بتلعب اهي في السقف بصي حتى كولدير المية ... المية عماله تلعب فيه ازاي ... بس الملاحظ. انوا مطوليتش الهزة يعني بالزبط نص دقيقة

لو نص دقيقة كانت مصر كلها وقعت هو بيبقى 10 أو 15 ثانية وموقفك فكرنى بمرة من حوالى سنة حصل زلزال ومراتى طيبة خالص وعلى نيتها وبتثق فيا جداً وشافت النجفة بتتهز قالتلى زلزال أعمل أيه قولت ليها نطى من الشباك وكان ضحك هستيرى منى لولا إنى ضحت كانت عملتها فعلاً

**hossam_elwani** · 13-10-2013 03:13 PM

المشاركة الأصلية كتبت بواسطة mahmoudysf

اكيد ريختر خد السلم معاه فوق

بركاتك يامتحصن

**hossam_elwani** · 13-10-2013 03:19 PM

المشاركة الأصلية كتبت بواسطة anaslbda

بعد زلزال 92 الحجاب انتشر في مصر بطريقة عجيبة.

وده حاجه كويسه ولا وحشه فى رايك ؟؟

**SAMEH_FOUAD** · 13-10-2013 04:24 PM

والله ماشوفتة ولا سمعت عنة , غير من التليفزيون وكنت فاكرها اشاعة ومش مصدق لانى محستش بأى حاجة تماما وكلمت المدام اطمن عليها, بردة قالتلى مافيش حاجة

لدرجة انى افتكرت انهم بيتكلموا عن بلد تانية

**prof2013** · 13-10-2013 04:44 PM

انا لم اشعر به على الاطلاق ولم اسمع عنه سوى في نايل موتورز
تحياتي

**أبو آسر** · 14-10-2013 02:22 AM

المشاركة الأصلية كتبت بواسطة mahmoudysf

اكيد ريختر خد السلم معاه فوق

المشاركة الأصلية كتبت بواسطة Y a r i s

انااااا حسيت بيه
كنت نايم على السرير لقيت السرير بيترقص من تحتي فبقول للمدام ايه ده زلزاااااال. قالتي فييين فيييين قلتها فيين فيين ايه هو انا بقولك فااار انا بقولك زلزال قالتلي محسيتش بحاجة نام نام تلاقي اعصابك تعبانه ولا حاجة

قلتلها ياوليه طيب بصي كمان النجفة بتلعب اهي في السقف بصي حتى كولدير المية ... المية عماله تلعب فيه ازاي ... بس الملاحظ. انوا مطوليتش الهزة يعني بالزبط نص دقيقة

ههههههههههههههههههههه

**Y a r i s** · 14-10-2013 10:49 PM

انتو عارفين. الزلزال مش موضوع طبقات تحت الارض محتاجة تتربط صواميلها
ربنا عمل الزلزال ده كتحذير من غضبه على البشر ( على حسب معلوماتي الضئيلة) ... يعني تصوروا كل الي بيحصل لنا ده غضب من رب العالمين ... وكل ما اطلع للشارع واشوف الناس مبقيتش طايقه بعض وازاي الناس حولوا بلدهم لغابة من الفوضى ... وقد ايه جشع وطمع التجار والمغالاه في الاسعار. والحرامية الي نازلين يثبتوا الناس ويسرقوهم والي ماشي عكس والي بيوقف في نص الشارع ويعطل المرور بحس ان ربنا مش بس هيزلزل الارض تحت رجلينا لا بحس ان الارض مممكن. تنشق وتبلعناااااااااا. من كتر قساوة قلوبنا وسوادها . ولا ايه رئيكم !!