الموضوع: اسبرانزا تيجو ولا رينو سانديرو

السلام عليكم ....

مع سلسلة الحيرة اللى فيا توصلت انى الغي فكرة العربيات اللى في دماغي كلها ماعدا ال2 دول
البروتون جين تو ناس قالولى عليها حلوة وناس قالولى ابعدي عنها عشان التوكيل وعشان سعرها ميستاهلش اصلا

المهم ايه رأيكم في التيجو والسانديرو

السانديرو مبدأيا انا معجبة بيها جدااااااااااا بس وجه الاعتراض انى محبذة فكرة الاوتوماتيك بعد آراء بعض الناس ان المانوال متعب

1- السانديرو العادية : اوتوماتيك ومفهاش abs وفيها وair bag للسائق فقط و 8 صبابات
2- السانديرو الستب واى : مانوال فقط وفيها abs و airbag للسائق فقط و 8 صبابات
3- التيجو : اوتوماتيك وفيها abs و EBD و2 air bags و 16 صبابات

السانديرو العادية والستب واى فيهم نظام ايموبليزر ضد السرقة و التيجو مفهاش بس فيها نظام تنبيه ضد السرقة ( معرفش هو ايه دي المواصفات في كونتاكت كار )

السانديرو العادية مفهاش جنوط رياضي لكن الستب واى والتيجو فيهم

مش مهم باقي الكماليات ...

السؤال ايه رأيكم ؟؟؟ بصرف النظر ان التيجو صيني وكل الناس بتقول صيني لا طب ليه ؟؟؟ ودايما بيقولو النوكيا مش زى الصيني هل ده شبيه بالموبايلات ؟؟؟ يعني بعد سنتين ولا 3 ولا حتى 5 سنين لو لينا عمر هلاقي العربية بح راحت عليها ؟؟؟ ولا فكرة العربيات الصيني وحشة ليه ؟؟

هل المواصفات اللى قولتها مهمة اللى هى abs و airbags و 8 او 16 صبابات ؟؟؟؟

مستنية آرائكم .... مع العلم انى استقريت ان شاء الله على الـ2 دول ومحتاجة مشورتكم في انهى الافضل مع العلم برده انى مش ههلك العربية اوى ان شاء الله هيكون استخدام خفيف وبسرعات قليلة والسفر في السنة يعتبر مرتين تلاتة بالكتير من القاهرة للاسكندرية او لاسوان

في الانتظار ...