الموضوع: تم بحمد الله تظبيط العربية من مجاميعه في التوكيل.

المشاركة الأصلية كتبت بواسطة inspiron

تمت بحمد الله صيانة الـ 120000 كم للفانتازيا علي النحو التالي :-
------------------------------------------------------------------
- تغيير شدادات الموتور وطقم السيور بمشتقاتها.
- تغيير زيت الفتيس والفلتر وتنظيف الفالف.
- تغيير طقم الفلاتر.
- تنظيف دورة التبريد.
- تغيير طقم البوجيهات.
- تغيير زيت المحرك.
- مراجعة شحن الفيريون وتغيير فيلتر التكييف.
- تغيير تيل الفرامل.
- تغيير حساس درجة الحرارة الخارجية.
- تغيير عدد 2 لمبة بالفوانيس الخلفية.
- ظبط باب الشنطة الخلفية.
- تنظيف بوابة الإنجيكشن والـ MAF sensor .
- مراجعة وتزييت العفشة بـwd40 وترصيص الكاوتش.
- تحديث السوفت وير الجديد وعن طريقه تم فتح :-

* الـ corner light
* الـ daylight
* خاصية الـ follow me
* تحديث سوفت وير موديول البلوتوث وأصبح متطابق مع كل الهواتف لتشغيل الـ mp3.
* غلق النوافذ مع سقوط الأمطار.

التكلفة الإجمالية 6360 جنيه .

النتائج المهمة:-
---------

- نعومة العربية زادت أوي بشكل ملحوظ بعد مراجعة العفشة وتزييتها ومفيش صوت طالع من الموتور علي السرعات الهادية.

- صوت الموتور تقريباً مختفي والعربية واقفة.

- كان في صوت خفيف بيطلع من جهة الشنطة دلوقتي إختفي تماماً.

- الخواص الجديدة بتاعة السوفت الجديد لذيذة.

- العربية وهي بتنقل مفيش أدني إحساس بالنقلات الحمد لله.

- بعد تغيير حساس درجة حرارة الجو التكييف فرق بشكل ملحوظ..بمعني إنه بقا بيوصل للدرجة المطلوبة بسرعة وميخليش المروحة شغالة علي سرعة عالية فترة زي الأول.يعني يا دوب دقيقتين وبتنزل للسرعة التانية لوحدها لو ظابط علي 18.

- المعطر اللي رشوه علي فيلتر التكييف قبل تركيبه يحسسك إنك عامل دماغ من جمال ريحته

---------------------------------------------

- بعد الإنتهاء من زيارة التوكيل تم التوجه لصالة برستيج كار كير وتم عمل كار كير شامل للعربية بتكلفة 230 جنيه وبسم الله ما شاء الله علي النتيجة المبهرة حسيت إنها زيرة فعلا.رغم إن أرخم حاجة الكام خربوش اللي في الدهان من أثار أخلاق الشعب المصري العظيم.

- تم تركيب فاميه للزجاج بدرجة فاتحة جداً لا تؤثر علي الرؤية الليلية.

* محتاج بقا رأي الخبراء في حاجة..دلوقتي انا عاوز أعمل الصالون كله فرش جلد حاجة مفتخرة كده.وكذلك الطارة عشان الجلد بتاعها بدأ يتمسح من آثار الشمس.مقترحات سيادتكم بالنسبة للمكان المناسب ويا ريت لو في فكرة عن الأسعار.

ومتشكر لكم مقدماً ودعواتكم بالستر :)

ملحوظة :- فرع كارتك العبور اللي بعمل فيه الصيانة في واد جدع أوي اسمه عادل معرفة من زمان يعني هو اللي بيشرف علي كل حاجة في العربية.سألته علي الـ a7 وقولتله مزعلة ناس كتير.وأفاد بإن حركة الإستيراد ليها اتجمدت ومش عارفين هتيجي الدفعة اللي جاية إمته وهيبقا فيه فئة تالتة.
ونصحني بإن مشتريهاش وأستني الخليجي عشان مختلفة 180 درجة عن الوكيل.

الف مبروك يا باشا عقبال صيانة ال A7

هى ايه خاصية ال follow me ؟

معلش يا باشا ممكن تقلنا عملت الصيانة فين ؟
و لو ممكن توضح موضوع تحديث السوفتوير العربية ده هل خلى البوتوث بتاع العربية يشغل ام بى ثرى (Bluetooth Streaming)؟؟ و هل بتتحكم فيه من الملتى فانكشن اللى فى الدريكسيون (تعلى و توطى و تقدم و ترجع ) ؟