الدريكسيون ثقيل جدا

**islam_elhossiny** · 12-10-2013 09:47 PM

انا عربيتي ١٣١ قمت اليوم بتغيير الاسكاترا وصليبة الدركسيون والبيضات والمقصات
بعد التركيب الدركسيون ثقيل جدا وبتاع العفشة قال لي ان الاسكاترا جديدة وحتتحسن خلال اسبوع فهل الكلام ده صحيح

**saddam** · 13-10-2013 01:19 AM

صديقي المواطن
هو المفروض.باﻹستعمال حتخف معاك شوية بس مش للدرجة اللي ترضيك وأكيد حتلاقيه كعادة بعض.العفشجية في مصر عشان ميتعبش.نفسه بيروح مقرط على علبة الدركسيون وفلنشتها عشان يخفي عندك أي سنة بوش بسيطة وخلال أسبوع.لو مخفش ضرورة تهوي علبة الدركسيون.وأيضا ظبط الزوايا بالكمبيوتر تساعدك على زيادة سيولة حركة الدركسيون.وكمان ممكن تتناقش معاه بخصوص إنجازات العفشجي في عربيتك والوصول لحلول وسط
وبالتوفيق
ودمتم للنضال

**I.ABUBAKR** · 13-10-2013 11:44 PM

لو الاسكترا جديده مش استعمال

يبقي كلامه صحيح وبعد مشوارين تلاته هتلقيعا انعم واسهل في الحركه

**mrghost** · 17-11-2013 11:36 AM

بعد اسبوع لو مخفتش روحله خليه يظبط الرجﻻش
انا لما ركبت علبة جديدة من سنتين الدركسيون كان حجر لدرجة انه مكنش بيعدل لوحده بعد ما الفه يمين او شمال
بعد فترة خف لوحده

**abohattb** · 18-11-2013 04:31 PM

لو الاسكترا جديدة يبقى هاتخف بعد فترة بسيطة اسبوع مثلا
و ظبط الزوايا ممكن يخفف من المشكلة لازم بعد اى تعديل للعفشة تظبط زويا و دا راجع لاختلاف زاوية التو toe اللى ممكن تاثر على الدركسيون بشكل واضح و لو المشكلة استمرت ترجع للعفشجى يرجلش على الدركسيون من غير ما يبوش