ازى حضرتك يا استاذ طارق اتمنى ان تكون بخير اخبار الكارينز ايه كله تمام ولا عند حضرتك ملحوظات فى الفتره اللى فاتت على العربيه
شكراً لحضرتك :nosmile:
عرض للطباعة
ازى حضرتك يا استاذ طارق اتمنى ان تكون بخير اخبار الكارينز ايه كله تمام ولا عند حضرتك ملحوظات فى الفتره اللى فاتت على العربيه
شكراً لحضرتك :nosmile:
هيا كل الفئات 7 راكب ؟
أصل أنا بفكر جديا فيها بسبب الموضوع ده !
وألف مبروك ... ربنا يباركلك فيها ويديك خيرها يارب
اعتقد الوكيل كلة 7 راكب اما الخليجي فانت عارف ان فية كل الانواع
من ناحية تانية لو عاوز نصيحتي لو انت معاك عائلة كبيرة تبقي دي الاختيار الاول وربنا يوفقك للافضل ان شاءالله
وجزاك الله خيراً على امنياتك الطيبة
معروض عليا واحدة كسسر زيرو
وان شاء الله بشوفها يوم السبت
وعاوز اعرف ازاي ممكن اتفرج عليها ولا ازاي اعرض فئاتها
هوة بيقول الفئة التانية وكيل عامل 5000 كيلوا بـ 163000
7 راكب
عاوز اعرف ازاي افرق بين الوكيل والخليجي
واعرف دي الفئة الكام - اية الفروق بين الفئات
وشكرا جزيلالالالالالالالا
بص يا استاذ ابو ابراهيم الفروق بين اول فئة فى الاتوماتيك وتانى فئة وكيل
اولا : اول فئة فالاتوماتيك جنط عادي بطاسات .. مفيش اشارات فى المرايات ... المرايات مش ضم .... مفهاش مثبت سرعة ... مفهاش حساس ركن ... مفهاش زجاج فامية ... مفهاش غير اير باج واحد للسائق فقط ... مفيش فى ضهر الكراسى حوامل اكواب ... مفهاش تحكم بلوتوث من الطارة .. الشاشة الى فيها مش تاتش .. تمنها زيرو فالوكيل ١٧٦ الف ..
ثانيا : الفئة التانية فى الاتوماتيك فيها عكس الفئة الاولى يعنى الى قولنا علية مش موجود فى الفئة الاولى فى الاتوماتيك موجود فى الفئة التانية ... جنوط سبور رياضية ... حامل اكواب فضهر الكراسى .... مثبت سرعة ... ٢ اير باج للراكب الامامى والسائق ... زجاج خلفى فامية .... مرايات ضم كهربائية ...حساس ركن .. شاشة تاتش .. تمنها زيرو فى الوكيل ١٩٠ الف
طبعا فى امكانيات تانية مشتركة فى الفئتين وممتازة ... ولو هتقارن بين الخليجى والوكيل خليك فى الوكيل احسن .... عشان لو لا قدر الله العربية فيها عيب تصنيع الوكيل الى هنا بيقولك مليش دعوة وبتدفع تمن التصليح او القطعة الجديدة ... وربنا يكتبلك الى فية الخير ان شاء الله ..
لو حابب تطمن عليها وديها توكيل كيا يرفعوها ويكشفوا عليها ...
مفيش اخبار عن اداء العفشة ؟؟ هل ناشفة ؟ طرية ؟ بتدب ؟ كده يعني
يا ريت تقولنا تجربتك مع العفشة و شكرا
بالمناسبة انا عامل بيها 23000 كم وحتي الان ممتازو بفضل الله وماليش اي شكاوي
التكاليف بتاعت الصيانة كانت 860 جنية
تغيير زيت شل الترا 300 جنية
فلتر زيت مش فاكر
فلتر هوااااا 175 جنية
علبة شحم 30 جنية
مصنعيات لوحدها 225 جنية
+ 10 % ضريبة
عند محمد ذكي
تقييمي كمان لمحمد زكي متوسط
مستوي الصنايعية والمهندسيين زي مستوي اي حاجة في البلد دي
اخى العزيز طارق بك
السلام عليكم ورحمة الله وبركاته
انا احمد فودة اول واحد اتصلت به لتسأله عن الكارينز الجديدة وقمت بإتخاذ قرارك بالشراء عقب حديثنا عنها، وحيث ان العبد لله من أوائل الذين تشرفوا بشراء هذه السيارة الجميلة، اعرفك ياأخى الفاضل اننى وبعد 8500 كيلو متر تقريباً أحببت أن اكتب لك وللامانة ولكل من يرغب فى اقتناءها، اقول ان السيارة أكثر من ممتازة والفلوس فيها حلال ولقد سبق لى كما تعلم امتلاك سيارتين من قبل الاولى كانت فورد كونتور والثانية كانت أوبل زافيرا ( 7 راكب ) - ولأننى مقبل على فترة الصيانة المجانية الاولى ( 10000 كيلو ) فبماذا تنصحنى هل اذهب الى التوكيل بابو رواش أم الى محمد زكى ولا أوتو السبع - حيث انه قريب منى بزهراء المعادى - كذلك هل اتخذت قرار بعمل الفرش ب جينز كار وبالنسبة للمصدات النيكل أمام وخلف العربية هل تنصح بها وإن كانت من وجهة نظرى سوف تعطى شكل غير محبب للعربية بشكل عام .. وبالمناسبة فأنا ادخل ما بين الوقت والاخر على مساهماتك وأجد انها اكثر من ممتازة واشيد فى هذا الخصوص بتقريرك الأكثر من رائع وممتاز عن الكارينز 2014 والذى هو بحق من أروع واحسن التقارير التى كتبت بإستفاضة وحب شديدين عن الكارينز 2014 وهو مرجع هام . واخيراً هل هناك رابطة أو ناد او صفحات تحمل اسم عشاق كارينز 2014 او ما شابه - حيث أننى أنوى عمل صفحة على الفيس بوك بهذا الاسم . والف الف شكر ودمتم.
استاذ احمد
وعليكم السلام ورحمة الله وبركاتة
بالفعل كانت مكالمتك الفيصل في اختياري للكارينز والحمدلله كان اختيار موفق وربنا يباركلنا فية
بالنسبة للصيانة انا تعاملت مع محمد زكي فقط وذلك لقربة النسبي مني واعتقد ان الفروقات لن تكون ملحوظة في التعامل او في جودة الصيانة لانها صيانة دورية " تغيير زيت وفلتر ومراجعة علي نقاط الكشف"
بالنسبة للفرش عاوز اعملة من ساعت ماجبتها ولكن موضوع الانتظار لعدة ساعات حتي الانتهاء من الفرش هو العائق بالنسبة لي ودة اللي مأخرني فعليا لاني ماعنديش رفاهية الوقت دة كلة وفي نفس الوقت ماحبش اسيب العربية وبعد ماتخلص اخدها بس هايحصل لانة مهم جدا
بالنسبة لموضوع المصدات الامامية والخلفية فانا ليا تحفظ شديد علية لانة مخالف لقواعد السلامة بالنسبة للمشاة لاقدر الله الخبطة بموتة اعاذنا الله واياكم وعلشان كدة بصراحة لا اؤيدة ولا انصح بة دة بالنسبة للامامي اما الخلفي لا اعتقد انة هاينفع علشان الحساسات الموجودة في الاكصدام الخلفي واعتقد انة هايتعارض معاة ويكون عائق دائم بالنسبة للحساسات
اخيرا اشكرك بشدة علي تعليقك علي الموضوع بس الموضوع بسيط ولو كل واحد فينا خدة من ناحية انك بتوصل تجربتك للاخرين عسي ان حد ينتفع بية ويكون قصادة تجربة عملية للعربية اللي عاوز يشتريها بالتاكيد هايكون عندنا مرجع للعديد من السيارات تفيد المقبل علي الشراء
واقترح عمل قسم منفصل في المنتدي عن تجارب الاعضاء مع السيارات
اشجعك علي اقتراحك بالنسبة للصفحة اللي ممكن من خلالها تبادل الخبرات بين مالكي السيارة من ناحية مراكز الخدمة وايها افضل او العيوب اللي ممكن توجد في السيارة وكيفية التعامل معاها ان وجدت ونضيف عليهم الاكسسوارات والكماليات وهكذا
انا معاك واول المنضمين للصفحة الكارينزاوية
كلام اكثر من ممتاز ،،، ياريت لو اي زميل بالمنتدي يقول لنا عن مكان الاكسسوار ،،، للكارينز الجيده من صندوق الامتعه ،،، ...
بالنسبة للفرش عاوز اعملة من ساعت ماجبتها ولكن موضوع الانتظار لعدة ساعات حتي الانتهاء من الفرش هو العائق بالنسبة لي ودة اللي مأخرني فعليا لاني ماعنديش رفاهية الوقت دة كلة وفي نفس الوقت ماحبش اسيب العربية وبعد ماتخلص اخدها بس هايحصل لانة مهم جدا
[OVERLINE][OVERLINE][justify]
طيب ايه رأيك نتفق على يوم نفرش فيها العربيتين فى وقت واحد وممكن يعملوا لنا خصم كويس - وفرصة أتعرف على حضرتك واستشيرك فى بعض الامور الخاصة بالسيارة:7_9_6v[2]:[/justify][/OVERLINE][/OVERLINE]
منتظرين الصور وبالتوفيق ان شاء الله
[QUOTE=papafouda;3875588248]بالنسبة للفرش عاوز اعملة من ساعت ماجبتها ولكن موضوع الانتظار لعدة ساعات حتي الانتهاء من الفرش هو العائق بالنسبة لي ودة اللي مأخرني فعليا لاني ماعنديش رفاهية الوقت دة كلة وفي نفس الوقت ماحبش اسيب العربية وبعد ماتخلص اخدها بس هايحصل لانة مهم جدا
[OVERLINE][OVERLINE][justify]
طيب ايه رأيك نتفق على يوم نفرش فيها العربيتين فى وقت واحد وممكن يعملوا لنا خصم كويس - وفرصة أتعرف على حضرتك واستشيرك فى بعض الامور الخاصة بالسيارة:7_9_6v[2]:
[QUOTE=masryxt;3875589140]انا يكون لي الشرف يافندم
وتكون فرصة اتعرف علي سخصية محترمة ورأية سبب رئيسي اني جبت النيو كارينز
منتظرين الصور وبالتوفيق ان شاء الله
عندي مشكله في إظهار الساعه بصفه مستمره اثناء تشغيل الكاسيت
ربنا يبارك للجميع وكلنا متابعين لاني بفكر في العربية دي جديا
مش ملاحظين يا جماعة ان الكارينز الجديدة بقت منتشرة جداً ، وبدأت تحقق مبيعات كويسة ، انا في الشارع عندي والله عديت العربيات الكارينز الجديدة لقيتهم 6 عربيات والله بدون مبالغة في شارعنا بس ، وبقيت بشوها على الطريق كتير ، ربنا يكرم لان بجد العربية كل متنتشر اكتر كل ما هتريحنا احنا اكتر في قطع الغيار واعادة البيع ، ربنا يوسع على الناس كلها ويرزق الجميع احسن عربيات في الدنيا
ربنا يباركلك فيها ويكفيك شرها
مفيش حد عنده اجابه علي موضوع عدم ظهور الساعه عند تشغيل الكاسيت
شبكة النيو كارينز انا شوفت حد حاططها بس ماكنش فبالي لان شكلها بصراحة ماكانش عاطفي
انما لما احتجت دورت علي الكروس بار اللي بيكون فوق السقف احطة واستخدمة لما احتاجة ولما اكون مش محتاجة اشيلة
انا سألت عند سبير كار في التجمع وكل الموجود عندة ماينفعش لان الراكات واطية ومالهاش فتحة من تحت زي الكارينز القديمة اظن بيسموها فلش flush يعني مسح
لو حد عندة فكرة بالموضوع دة ياريت يفيدنا
مهندس طارق والدكتور مصطفى السلام عليكم
كان ليه استفسار يا ريت تردو عليه ، انا عندي مشكلة ان الدركسيون بيطقطق في اللفة يمين وشمال لما بكون واقف على ارض غير مستوية ، بسمع صوت طق طق طق طق الصوت جاي من ناحية الدركسيون ، المهم التوكيل كان بيفتي وبيقولي دي علية الدركسيون طبعاً مصدقتوش وكشف قالي مافيهاش حاجة ، قالي ييقي بلي البطاحات اخشن وعايز يتغير ، قولت يا واد يمكن ما الهوندا كان فيها نفس المشكلة ، المهم غيرت البطاحات ب620 جنيه ودفعت مصنعية بضريبة قفلت 1000 جنيه ، الصوت فضل زي ما هو ، مش عارف بقى هل الصوت ده طبيعي ولا لأ، لما بكون واقف عل اسفلت او ارض مستوية مبيحصلش ، هلى حصلت عندكوا حاجة زي كده
الف بعد الشر علي العربية
انا مفيش عندي الصوت اللي ات بتوصفة خالص
انا لسة طالع من تحت لاني بعد ماقريت شكواك قولت اتأطد لان من التعود ممكن ماتخدش بالك بس مافيش اصوات زي اللي بتتكلم عنها
نصيحتي روح التوكيل واعملهم قتيل انت جايب عربية بضمان علشان اي مشكلة تبقي بتاعتهم مش علشان يدفعنا وكمان العيب مايروحش
توفعي ان ثكون الفبر اللي حوالين الدريكسيون
مافيش مرة سمعت فيها صوت طقطقة في اي عربية الا لما يكون الفبر هو السبب بسبب ضغطة ترييجة تحميل زيادة
في كل الاحوال التوكيل ملزم يقضيلك علي الصوت لا تتهاون في حقك وسامحني ماكنش لازم تدفع طالما العيب ماتحلش
ياباشا الف شكر لاهتمامك ، الحمد لله الموضوع طلع بسيط بعد ما طلع عيني و اتحل على ايد واحد بتاع زوايا كنت اعرفه من زمان في مدينة السلام في محطة وطنية اول طريق بلبيس ، في كاوتشة راكبة على المساعد اسمها كاوتشة تراب ، مكنتش راكبة مكانها كويس وبتلم رمل بيجي تحت السوستة بتحك في كوباية المساعد بتعمل الصوت ده ، نضفها كويس وغسلها بالجاز ، وبعدين بالمية ، وركبها كويس وبعد كده قفلها بافيز بالاستيك الدنيا اتظبطت الحمد لله ، الف شكر لحضرتك
السلام عليكم يا استاذ طارق
انا ركبت الكارينز الجديده العربيه بسم الله ماشاء الله جميله وعجبتنى جداَ صوت الماتور تقريباً مش مسموع الجلوس جواها جميل خامات العربيه جيده جداً التكيف رائع بس فيه ملحوظتين
1- ارتفاع العربيه من الارض مش كبير والعربيه بتحك فى المطبات رغم الحرص وانت داخل على المطب
2- الفتيس احياناً بتحس انه مش حاضر تحت رجليك واستجبته مش حلوه واحياناً بيبقى ممتاز
الموضوع ده لاحظته ايضاً فى الريو الجديده مش عارف هل الحاجات دى صح ولا لاء
لاكن تقيمى للعربيه بعد سواقه تقريباً ساعة العربيه ممتازه
تقرير محترم
السلام عليكم انا لسه شارى كارينز 2014 وحاسس بسخونة طالعة عليا من التابلوه والعربية ماشية بس مش على طول ساعات بتحصل وساعات متحصلش مع العلم ان الهوايات مضبوطة ..... ارجو الإفادة من الناس المحترمين فى المنتدى وشكرا على الإهتمام والسخونة من ناحية الدريكسيون ومن عند اللى جالس جنبى ناحية رجله
1- بالنسبة للارتفاع عن الارض انا حتي الان مش بحك الا لو محمل او داخل علي المطب بسرعة وفرملت
2- استجابة الفتيس تعتمد علي اسلوب القيادة وبشكل مبسط اوي
انا غاوي قرص وحرق لما تيجي تركب بعدي بتلاقي الفتيس استجابتة بتكون سريعة ودة لان اسلوب قيادتي الكمبيوتر بتاع الفتيس بيكون مخزنة
لو واحد قيادتة هادية بتلاقي الفتيس مختلف استجابة ابطاء
وكمان ممكن الوضع الاقتصادي بيكون شغال eco و دة لة زرار فصل وتشغيل لتوفير البنزين
دة رايي وتحليلي الشخصي بعد سواقة 35 الف كيلو
موضوع الفتيس دى معلومة جديدة شكرا للافادة