مشاركة بالغلط في غير مكانها
عرض للطباعة
مشاركة بالغلط في غير مكانها
ألف مبروك وربنا يديك خيرها ويكفيك كل شر بإذن الله كان لى سؤال بخصوص نظام الفرامل هل فيها أى نظام فرامل مساعد غير ال abs زى ال ebd مثلا وشكرا جزيلا لحضرتك
تقرير ممتاز جدا بس لو شوية صور كده يبقى أجمل
سؤال للسادة الافاضل مالكي كارينز الجديدة
الحمدلله ربنا كرمني و اشتريت كارينز 2014 هاي لاين كسر زيرو عاملة 8000 كيلو وطبعا كشفت في التوكيل بالمقطم و التقرير ان العربية تمام بدون اي مشاكل و طبعا بدون اي دهانات
المشكلة عندي ان بحس ان العربية بعد سرعة 100 بتعوم بطريقة ملحوظة جدا لدرجة لو سبت الدريكسيون ممكن تحدف يمين او شمال
ولو عديت من جنب اي عربية في الطريق سواء في نفس اتجاهي او الاتجاه المعاكس بحس بخلخلة هوا جامدة جدا في العربية ودا حصل في اكتر من طريق وفي ظروف رياح متنوعة ( هوا شديد او مفيش هوا خالص) والكاوتش مظبوط نيتروجين علي 33 زي ما مكتوب علي القايم بتاع العربية عند فيت اند فكس
وعلي فكرة انا بركب عربيات من مدة طويلة يعني اقدر اعرف يعني ايه العربية بتعوم لاني غيرت عربيات متنوعة
بالترتيب
بيجو 505 موديل 1982
ماتريكس 2008
سيراتو 2011
فلوانس 2013
Ix35 2014
و اخيرا كارينز 2014 ومقتنع بيها جدا من كلام حضراتكم
بس يعني مثلا من مقارنات الاخوة الفاضل في هذا المنتدي الرائع ان الكارينز الجديدة اثبت من الix35 عشان ارتفاعها اقل و نفس الموتور لكن فعليا انا حسيت بالعكس تماما
ودا عشان تتضح الصورة تماما
هل دا طبيعي ولا المفروض اعمل ايه
وشكرا لردودكم مقدما
الف مليون مبروك
انا ناوي اشتري 2015 هل يوجد فرق بينها وبين 2014
وهل قطع الغيار متوفرة ورخيصة
ولازم تكون صياناتها في التوكيل ولا في أي مكان تاني
انا ساكن في المعادي والميكانيكيا كلهم في صقر قريش
اشكركم اخواني جداً على هذه المعلومات ولو عندكم مزيد من المعلومات عن قطع الغيار الخاصة بالكارينز وأين يتم صيانتها لأني لا احب صيانة التوكيل لأنها غالية ومبالغ فيها جداً
أنا ساكن في المعادي هل يتم اصلاحها عند ورش صقر قريش عليك و على السبع في الزهراء او ممكن فرع التوكيلل ف ي القطامية وراء محمد زكي
وعندي استفسار لو سمحتم انا أشعر شوية ان الكارينز ( عفواً ) واطية شوية للأرض هل هذا شعور صحيح ولا مجرد خداع نظر اوطى من اللي قبلها 1 سم بس بس في الاول و الاخر حسب انت هتسوق فين و هتتحمل ايه
وبنزين 92 مناسب للكارينز ولا لأ شغال و ممكن تزود اوكتين بوستر معامل الانضغاط ليها 10.8 ...طبعا 95 هيفرق كتير بس كع يا معلم
واشكركم جداً
---نهاية الإقتباس
متابع
الف مبروك
عاوز اشتري عربيه 7راكب فانا محتار بين سيارتين 1-كارينز 2-جراند تيروس
ارجو اجابه مقنعه ومفصله
وشكرا
ازيك يا استاز طارق اخبار حضرتك ايه بقالك فتره مش بتظهر
فرق كبير بين العربيتين الميزه الوحيده فى التريوس انها عاليه شويه بس فى المقابل مفيش ثبات خالص :7_9_6v[2]:
بعد كده الفروق كلها فى صالح الكارينز
الثبات , الوسع الداخلى , جمال الصلون , جوده التقفيل الكورى مش الماليزى لان التريوس تقفيل ماليزى , جوده الخامات الداخليه , الاداء حدث ولا حرج سواء الماتور او الفتيس 6 سرعات استجابة العربيه , الجلوس والراحه بداخلها , التكنولوجيا المستخدمه فى الكارينز غايه فى الروعه والاوبشن الموجود , التكيف روعه بالمقارنه بالتريوس جمال التصميم والشكل الخارجى لصالح الكارينز
العربيتين عندنا فى العائله مع ولاد عمى وجربت الاثنين فرق شاسع بين الاثنين الكارينز عربيه فى منتهى الروعه والفخامه واللى معاه التريوس ندمان انه جبها وبيفكر يبعها
ونصيحه اقراء التقرير بتاع الاستاذ طارق اللى فى اول المشاركه هيفرق معاك كتير
السلام عليكم أخواني الأعزاء جميع أعضاء هذا الموقع الجميل
أنا اشتريت كيا كارينز 2015 هذا الشهر وفيها جهاز انذار مانع للسرقة، ولكن لأن السرقة متشرة جداً في الشوارع سواء في الليل أو حتى في النهار فأريد أفضل وسيلة يتم وضعها في العربية لمنع سرقة العربية، وهل يوجد كلابشات للعربية يتم وضعها في الكاوتش مثل التي يتم وضعها رجال المرور عند مخالفة العربية في الشوارع.
ولكم مني كل الشكر والتقدير وبرجاء الإفادة عاجلاً
بسم الله ما شاء الله عربيه محترمه جدا مبروك لحضرتك ولكل الساده الاعضاء اللى جابوها
بس انا بفضل الله بسوقها وليه بعض التعليقات عليها
اولا مش هتكلم عن المزايا عشان حضرتك و جميع الناس عرفتها
بس العيوب اللى بالنسبالى مش حلوة ف الكارينز
ان طبيعه الديزاين ما شاء الله جميله بس المثلث الى ف الزجاج الامامى بقى سبب كبير ف زيادة مساحه النقط العمياء للسائق يعنى بصراحه اى تقاطع او دوران داخل عليه مش بتشوف السيارة الى جايه عليك لازم تميل براسك جامد لقدام عشان تشوف من الزجاج الامامى للسياره
ثانيا ودة بردو مش جيد هو العفشه الناشفه بتاعتها يعنى طريق زى القاهرة السويس مليان نقر وكذا وصله مكان الاسفلت الجديد لما بتاخد واحده فيهم بتحس انها طلعت من دماغك وبتزعلك من العربيه اوى
ثالثا ودة سؤال لو اى حد ممكن يرد عليه فى هو اذاى احسب غيار الزيت ف العربيه عشان مفيش وضع لتصفير العداد عشان اصلا هى نازله بعداد كيلوهات واحد بس مش اتنين زى القديمه
الف مبروك على الكارينز وشكرا على التقارير الممتازة
اتمنى لو حد من الأعضاء يقدر يفيدني في المقارنة بين السوبارو إكس في والكارينز بعيدا عن إعادة البيع والانتشار
شكرا للجميع
السلام عليكم ورحمة الله وبركاته
صباح الخير
أنا عضو جديد
ولسة مطلع كارنز lx أوتوماتيك ثاني فئة
نصايحكوا إيه من الأول لو تكرمتوا
وشكراً
تحياتى للأعضاء المحترمين ...فى الحقيقة انا من خلال متابعة الحوار الجميل و المفيد لكل ملاك الكارينز المحترمين انا اقتنعت بالسيارة و بإذن الله فى طريقى لشرائها عند وصولى لمصر الحبيبة ..لكن كنت حابب استفسر عن حاجة بعيد شوية عن مواصفات السيارة ...انا بسأل على الضمان و الصيانة للسيارة ...انا بنزل مصر و اقضى الاجازة لمدة 40 يوم و سوف اترك السيارة فى كراج خاص بالمنزل ...فكنت حابب اسأل ..هل موضوع صيانة الألف كيلو ممكن اعملها مثلا قبل الألف كيلو لو مكملتش قبل موعد السفر الألف كيلو ...و هل لو عملت صيانة الالف كيلو فى التوكيل و بعدين ركنت السيارة للعام المقبل فى الصيف ...هل يحق لى الصيانة فى خمسة الاف و 10 الاف كيلو حتى لو مر على السيارة 4 او 5 سنوات مثلا ...حيث انى لا اتحرك بها سوى شهر فى السنة و احتمالية عدم تحقيق عدد الكبلومترات المطلوبه للصيانة تكون بعد فترة زمنية كبيرة ....هل انا ليا حد معين للسنين فى الصيانة و لا مرتبطة بالكيلومترات و غير مرتبطة بالوقت ؟......ارجو توضيح ذلك .......و السؤال الثانى متعلق بإرتفاع السيارة ...انا كنت ناوى اجيب الفئة الهاى لاين و دى مقاس الجنط 17 لكن اعتقد ارتفاع الكاوتش مش عالى - يعنى الفئة الثانية جنط 16 لكن الكاوتش اعلى ....فكنت قرأت من عضو ان ممكن يغير مقاس الكاوتش و يصبح اعلى شوية عشان يتفادى احتكاك السيارة فى التحميل مثلا ...و لا السيارة لا تحتك بالأرض بالنسبة للهاى لاين ؟.....من فضلكم اريد رأيكم ...لأنى كنت فى حيرة قوية جدا بين السيارة الكيا سبورتاج اعلى فئة جميع الكماليات 4 ويل ...و بين الكارينز الهاى لاين ...لكن الكماليات اعتقد اعلى فى الكارينز لكن السبورتاج سيارة عالية و 4 ويل ....انا الحقيقة فكرت فى الكارينز عشان السبع مقاعد عشان عند اصطحاب والدى و والدتى مع اسرتى السيارة تكفينا ...لكن لو السيارة بتحك فى التحميل الواحد ممكن يفكر تانى فى السبورتاج ....ارجوكم افيدونى لو الكارينز واطيه و بالتحديد الهاى لاين هل مختلفة فى الارتفاع عن الفئة الثانية ؟ و لا كلهم نفس الارتفاع .....و موضوع البانوراما للكارينز الهاى لاين ارجو اللى جربها فى سيارته - هل ليس لها مشاكل فى مصر من حيث الحجارة من اعلى البيوت و ما شابه و لا الزجاج محمل و قوى و يصعب كسره ؟ ...لأن اعتقد ان تغيير هذا الزجاج لا قدر الله بثمن سيارة صغيرة .......و هل البانوراما فى السيارة ممتعة و لها فوائد ام انها كماليات ليس لها لزوم ....معلش اسألتى كتير بس انا عارف انكم هتفدونى و بالأخص ملاك الكارينز الهاى لاين .....شكرا ليكم جميعا
محدش افادنى فى موضوع الصيانة و السيارة .....معلش انا عارف ان اسألتى كتيرة و فى كثير من الاماكن على هذا المنتدى الرائع و الناس الأروع .....لكن استحملونى ...انا محتار و المثل بيقول ( الغريب اعمى و لو بصير ) ..و انا بعيد عن البلد و مش عارف ايه الصح ...شكرا لكم جميعاً
اول حاجه
لازم العربيه تكون وصلت تليين 1000 كيلو عشان يشيكو عليها صيانه دى اول حاجه
تانى حاجه
لو ركنتها العبيه مش حتخش صيانه 5000 او حتى 1000000 لان لازم يشوفو الكيلومترات شغال
تالت حاجه
الفئه حتى لو فئه اولى من الكارينز هى عاليه من الارض 160 سنتى متر مقبوله
رابع حاجه
مساله كاتوش كبير او صغير معتقدش حتاثر مع ارتفاع العربيه
خامس حاجه
مش بتحك فى المطبات وعمليه وعائليه بس شكلها هاتشباك سيدان وليست مينى جيب زى السبورتاج
اخر حاجه والاخيره
لو انت تسافر كتير ممكن ترفعها عادى جكك العربيه وتسيبها بس انت لو كده اشترى ايجار اجر عربيه بدل ما تشترى عربيه سعر غالى وتسيبها وربك المستعان
تحياتى ليك تقبل مرورى المتواضع
شباب الكيا المحترمين مساء الخير عليكم جميعا - انا سألت على الكارينز 2015 هاى لاين عند احدى المعارض و قال لى انها خليجى و ثمنها 210 الف جنيه و سألت على احدى مراكز التوكيل المعتمدة على الكارينز الوكيل و لقيت سعرها 219 الف جنيه - و لما سألت بتاع الخليجى قال لى لو عايز مراكز صيانه احنا بنتعامل مع مركز معتمد ليه فروع فى 40 مركز و منهم اثنين معتمدين من الوكيل و فى الحالة دة بتدفع مبلغ زيادة عشان الصيانة حوالى 4500 جنيه للخمس سنوات و احنا بنعمل لك الضمان من عندنا - و قال لى كمان ان الخليجى فيها اوبشن اكثر من الوكيل - و ده خلانى اتصل بالوكيل و اسأل عن مواصفات الهاى لاين عنده و لقيت على كلامه ان الفرق فى السخانات للكراسي و الكراسي الكهرباء و كام حاجة كده ....المهم هو حذرنى من الشراء للخليجى و قال لى انهم بيشيلوا قطع من السيارة و بيغيروا قطع عشان يستفيدوا بفرق السعر و نصحنى انى اشترى من الوكيل افضل حتى لو السعر اعلى و تنقص بعض الكماليات مش مهم فى مقابل الاطمئنان على الحاجة الاصلية .....و انا هنا قولت اسألكم هل الكلام ده صحيح و لا عايز يبيع و خلاص ؟...و هل فعلا تنصحونى انى اشترى من الوكيل برغم فرق السعر و الكماليات عشان فعلا اضمن و لا ايه رأيكم ....ارجو نصيحتى يا اهل الخبرة و الكفائة و اجدع شباب - و على فكرة مع زيادة المبلغ للصيانة فى الخليجى هيكون فرق السعر بين الخليجى و الوكيل حوالى 5000 جنيه - مش مبلغ كبير - لكن الاوبشن ممكن تقل فى الوكيل - و لا انا غلطان ؟ ارجو ممن عنده الوكيل ان يفيدنى فى فرق الاوبشن عن الخليجى ...و جزاكم الله الف خير ....انا منتظر آرائكم عشان بناء على كلامكم انا هشترى بإذن الله
انت لسه مش مقرر تاخد الكارينز توكيل ليه سيبك دلوقتى من موضوع الخليجى الخليجى فيه عيوب كتير اوى انت خليك مع توكيل احسن
ازيك يا استاذ عمر اخبارك ايه ....يارب تكون فى احسن حال ........طيب خلاص اوك ....بإذن الله التوكيل ....و كلامك يمشى على الكل يا جميل ..:E_braces[1]:
طيب كنت عايز اعرف رأيك يا عمر ...لو انت امامك سيارة ميتسوبيشى شارك 2015 هاى لاين اللى عامله 170 الف جنيه ...و الكارينز الهاى لاين اللى عامله 220 الف جنية ......سيبك من السعر لكل منهم ...انت تختار ايه فيهم .....كنت بتكلم هنا مع الاسرة و الاولاد عاجبهم شكل الميتسوبيشى عشان شبابى اكتر من الكارينز - و انا دقة قديمة و عايز سيارة عائلية و عملية لينا و للوالد و الوالد .....و دخلوا معايا فى مقارنة على اساس ان المتسوبيشى يابانى كاملة لكن الكيا كورى ...و اعادة البيع للميتسوبيشى افضل و اسرع من الكيارينز ....و الانتشار و قطع الغيار عند البقالين للميتسوبيشى على عكس الكيا الشكل الجديد ......
المهم .....لو انت مكانى ....هتختار ايه ...و سيبك من اللى تناسب وضعى العائلى و الكلام ده ....انا عايزك تقارن لى بين السيارتين ...مميزات و عيوب كل منهم و تختار ايه ؟.......عشان رأيك و رأى السادة الاعضاء الكرام اللى حابب يشاركنا فى الموضوع اكون شاكر جدا لكم عشان عايز استفيد من ارائكم جميعا .....و كمان سمعت ان الميتسوبيشى الجديدة هيغيروا شكلها ....مش عارف الكلام ده مدى صحته ايه ؟.....ياريت يا شباب اللى يفضل سيارة من الاثنين دول يقول لى ليه اختارها و ربنا يكرمكم جميعا ......بس متتأخروش عليه و الله عشان فاضل 25 يوم على رجوعى مصر و اشترى فورا بمجرد نزولى ...الف شكر ليكم جميعا,,,,
استاذى العزيز منور بص انا مش عاوز اطول عليك واقول ده كويس وده لا انا حقولك بمنتهى الدقه والصراحه والامانه لانها امانه للكل على عاتقى اولا مفيش عربيه حتى لو 128 موديل 70 متتبعش كل العربيات بتتباع حتى لو صينى سيبك من كتر الاشاعات تعبنا ولله كل العربيات بتتباع دى اول حاجه تانى حاجه السيدان ياسيدى الفاضل شى والهاتشباك شى والستيشن واجن شى والكروس اوفر شى والمينى جيب شى والليموزين شى كل حاجه وليها مميزات وعيوب بمعنى مينفع اتقارن عربيه سيدان بستيشن واجن ومفيش حاجه مع احترامى ليك وللجميع مفيش حاجه اسمها اقارنلك بين عربيه مثلا جولف بفيرارى مثلا يعنى متدخلش اى عقل يعنى عندك الكورى واليابانى ويجى وراهم الاوربى والصينى عمليين ولله حتى صينى دلوقتى ماشءالله شغال كلو احسن من الليابانى بقى يصنعو ويعملو المهم الله يكرمك ويخليك لاهلك واسرتك وحبايبك وناسك لانسر شى والكارينز شى لانسر عربيه سيدان 5 او نقول 4 افراد تحمل كويسه والكارينز من4 الى نقول 6 لان الكنبه الاخيره متاخدش الاحجام الكبيره يعنى بس كارينز عائليه صرف بمعنى الكلمه وكل حاجه بفلوسها ومساله قطع غيار العربيتين متوفرين قطع غيارها واسعارهم نقول مش بطاله مع غلاء البنزين والدولار الى مخلى الواحد مش عارف يعمل ايه بصراحه والقرار قرارك وبنسبه اختار انا ايه انا شايف لو موضوع الفلوس عندك وعندك عيله صغيره مثلا 4 خد لانسر كويسه لو اكتر م 4 مثلا 5 او 6 لا كده حتحرم نص عيلتك فى الفسح والخ فخد كارينز والله يباركلك ويكرمك يارب بكل شى وتحياتى ليك واسف على كلامى الكبير
جزاك الله خير يا غالى - فعلا كلامك مقنع و بستفيد من رأيك كتير و ربنا يبارك فيك - طيب النهاردة واحد فى معرض الميتسوبيشى بيقول لى ان اللانسر الشارك اللى حاليا فى مصر فى اجزاء منها بتتقفل فى مصر و فى بعض الاحيان بتتقفل كاملة ..طبعا ان بشك فى هذا الكلام ....لكن للتأكيد قولت اسألك ...هو فيه كده فعلا
اخويه وصديقى الغالى انا فى خدمه الجميع وليك لا هوا فيه تجميع تركى او ايرانى او يابانى وقليل جدا تلاقى يابانى والله اعلم ده الى اعرفه زى النيسان نيسان نص العربيات فيها تقفيل ايرانى وتركى وزى كورولا الوحيده الى جايه من برا تقفيل يابانى مازدا زى الى عندى يعنى وربك المستعان
طيب يا اخى الغالى عمر - ازاى الواحد لو فكر يشترى يعرف السيارة تقفيل فى اى بلد - هل بيكون الكلام ده موجود فى اوراق السيارة مثلا او فى ورق الجمارك لها - يعنى اعرف ازاى فى اى بلد متجمعة و لا ده مش بيتعرف ؟
جتلاقبها مكتوبه أما فى موتور العربيه أو فى باب سواق أو فى زجاج الخلفى أو لمه تفتح بطارية العربيه شوف مكتوب فيها بلد منشأ ايه
شكرا ليك يا صديقى الغالى عمر - جزاك الله الف خير
سلام عليكم جميعا
وارجو ان تكونوا بالف خير
اظن جاء الصيف و نكون شاكرين لو فيه اي كومنت علي اداء تكييف الكارينز ٢٠١٥ و تاثيره علي آداء الموتور
و قوة السحب
و تحياتي للجميع
هو فعلا موضوع المكيف ده لم يتطرق احد للحديث عنه تقريبا - نرجو من ملاك الكارينز ان يفيدونا فى هذا الموضوع و ماذا عن الوحدة الخلفية للمكيف التى تغذى الكراسى الخلفية هل تكون كافيه فى تبريدها - و اذا اشتغلت الوحدتان الامامية و الخلفية هل يكون التبريد كافى للسيارة كلها ام يكون التبريد متواضع و ليس بدرجة كبيرة - و الموتور 1600 cc على المكيف المزدوج امامى و خلفى هل بيكون عملى و ليس له تأثير فى الكارينز ؟ - هذا يفيدنا فيه من يمتلك الكارينز لذلك من عنده افادة يكسب فينا ثواب :E_braces[1]: و شكرا جزيلا للجميع
بص حقولك باحتصار شديد جدا الكارينز والسبورتاج وسيراتو سحبهم شويه ضعيف فى التبريد لمه يتجمع اقصد مش من قدام لا من ناحيه فتحات التكيف الى ورا سالت كتير جدا فى شركه ناس تقولى اصل فتحات الى ورا مش تكيف دى تهويه فتحات تهويه وناس تقولى لا تكيف انا جربتها عندى على سيراتو تكيف وتهويه بس مش سحب الى هوا من ورا يعنى بس بنسبه التكيف يعنى نقول مقبول لمه يتجمع التكيف كلو بس فى سبورتج وكارينز ياخدو شويه وقت عشان بس صالون شويه كبير انما سورتنو والكارنفال سحبهم كويس جدا ومحترم لان موتورهم كبير والسول يقال ان تكيفها حلو زى اليابانى بس معرفش ولله وبس وبلنسبه لموضوع هل تكيف الكورى عملى اه عملى بس هوا فكره فتحه خلفيه فى الورا ليه عملوها لسببين اولا ان معظم ناس كتير اشتكو لشركه الام ان اشمعنى كل الاوبشنز الحلوا دى ومركز الخامس شركه كيا عالميا ومفهاش فتحات تكيف ورا فانتبهو ليها الكوريين واليابانيين جلوقتى وراهم انو نعمل تهويه ورا لاحظ انا بقول فتحات تهويه مش تكيف بس لمه جربتها فى سيراتو هيا فيها تهويه وتكيف
الف شكر ليك يا عمر بك على التوضيح و فعلا انا كمان سمعت ان الوحده الخلفية للمكيف مش قوية بالدرجة الكافية ...بس محدش من الشباب ملاك الكارينز شارك و افادنا فى الموضوع ده ...ياريت يا جماعة اللى معاه الكارينز الجديدة يفيدنا فى موضوع المكيف و الخلفى بالتحديد و جزاكم الله خير
لو سمحتوا أساتذتنا الافاضل هل الكارينز 2015فيها esp
أسجل شكري على هذا الموضوع المسهب وما فيه من فوائد.
هل هناك فرق بين دفعات 2014 و 2015؟
لأني لاحظت أن بعض المواصفات التي ذكرتها مثل إنذار السرقة (وليس مانع لتشغيل) وإضاءة المصابيح الجانبية عند الدورانات وإضاءة الترحيب التي تحت المرآة الجانبية وإضاءة المقصورة الـ led وبطانة الأبواب الجلد لم تأت المواصفات على ذكرها في كتيب 2015 ولا حتى في فئة التوب لاين!
بالإضافة إلى أن الكاميرا الخلفية متوفرة فقط في التوب لاين في 2015، وهذا حسب الكتيب الرسمي للشركة.
فهل من أحد عنده تأكيد على وجود هذه المواصفات في 2015؟
اعتذر اليكم جميعا اخوتي علي قلة المشاركة ولكن ضغط العمل يترك لي القليل من الوقت
بالنسبة للمكيف الاداء لا توجد علية اي ملاحظة سلبية بالعكس التكييف ممتاز جدا من ناحية و قت الوصول للدرجة المطلوبة
وان كان وقت الوصول للحرارة المضبوطة يتناسب طرديا مع شدة الحرارة ومع اذا كانت السيارة متروكة في الضل او الشمس
اخنصارا
اداء المكيف من وجهة نظري فوق الممتاز
سرعة الوصول لدرجة الحرارة المناسبة مقبول جدا جدا
التكييف الخلفي هو من خلال الكونسول الاوسط وايضا من تحت الكراسي الامامية والم الحظ اي شكوي من قوتة
تاثيير التكييف علي السحب ضعيف خصوصا مع الطرق الطوالي او اللي نسبة الزحام متوسطة
ايضا نفس الشئ ينطبق علي استهلاك البنزين
انا حاليا 60 الف كيلو فاانتظروا مني تقريرا عن اداء السيارة والحالة العامة وتقييمي لجميع النواحي قريبا
يوجد الان بالسادس من اكتوبر اوتو كلينيك مركز صيانة كيا معتمد
العنوان : 6 اكتوبر - المنطقة الصناعية الاولى - محور خدمى ثانى - قطعة 32
تليفون : 0238201821/ 01092119994 / 01092119997
https://www.facebook.com/kiaautoclinic/
يوجد الان بالسادس من اكتوبر اوتو كلينيك مركز صيانة كيا معتمد
العنوان : 6 اكتوبر - المنطقة الصناعية الاولى - محور خدمى ثانى - قطعة 32
تليفون : 0238201821/ 01092119994 / 01092119997
https://www.facebook.com/kiaautoclinic/
يوجد عروض خاصة بمناسبة الافتتاح