بروباجندا اختبار التصادم للكورولا 2014

**Mohamed.Hany** · 13-10-2013 02:55 PM

بسم الله الرحمن الرحيم

لفت انتباهي موضوع اختبار التصادم اللي عملاه insurance institute for highway safety او بأختصار IIHS و اللي مطلع ان الكورولا 2014 عربية فاشلة جدا و انها تكاد تكون مقبولة في اختبارات التصادم بالمواصفات الموضوعة.

مش هطول عليكم في مؤسستين كبار في العالم متخصصين في موضوع التصادم وهم ال IIHS وهي طبعا امريكانية و ال Euroncap و واضح طبعا انها للمواصفات الاوروبية و انا شخصيا بعد الفحص و البحث الدقيق اكاد اجزم ان نتايج ال IIHS غير منطقية و بالدليل.

نبدا بالخبر المنشور علي الصفحة News releases
و مفاده ان العربية فشلت في اختبار small marginal overlap front crash test و حصلت علي تقدير Marginal مما يضع علامات استفهام علي مستقبل العربية في الولايات المتحدة.

طيب نوضح انواع الاختبارات و مستويات تقيمها :

1- اختبار small overlap front و هو اختبار جديد ادخل السنة دي فقط وهو اصعب اختبار عبارة عن تصادم السيارة عند الطرف الايسر بجوار الفانوس بسرعة 60 km\hr و موضح بهذا الفيديو بس متتخضوش قوي كده :]
2014 Toyota Corolla small overlap IIHS crash test - YouTube

2-اختبار Moderate overlap front و هو نفس الاختبار السابق و لكن بتعديل مكان التصادم ليصبح في منتصف السيارة و يعتبر من اسهل الاختبارات موضح بالفيديو 2012 Hyundai Accent moderate overlap IIHS crash test - YouTube

3-اختبار ال Side و هو عبارة عن تصادم جسم بجانب السيارة و هو ايضا اختبار سهل و موضح بالفيديو 2012 Hyundai Accent side IIHS crash test - YouTube

4- اختبار Roof strength

5-اختبار Head restraints & seats

تحصل كل سيارة تدخل الاختبار علي تقدير في كل اختبار من الاختبارات الخمسة السابقة و هم بالترتيب من الاحسن الي الاسوأ :
1-GOOD
2-Acceptable
3-Marginal
4-Poor

و بعد تحليل هذه النتائج في الخمس اختبارات يتم تحديد المستوي النهائى لعوامل امان السيارة ما اذا كان :
1-Top Safety Pick +
2- Top Safety Pick

و كانت المفاجئة ان الكورولا 2014 تحصل علي Top Safety Pick و ذلك لحصولها علي Marginal فى الاختبار الاول small overlap front .
و المفاجئة الاكبر ان ال Audi A4 مش A3 واخدين بالكو واخدة Poor مش حتي Marginal زي الكورولا و اتاكدوا بنفسوكو Vehicle Details
و قيسو علي كدة عربيات كتيرة مفاجئة زىMercerdes C-Class ال BMW وال Volvo و ال New Passat ايوة و الله زمبؤلك كدة و ممكن تتأكد بنفسك كل اللي عليك تختار نوع العبية من اللينك دة
Vehicle Details

نيجي بقة للقنبلة اللي هي العربيات اللي اخدت اعلي تقييم Tap Safety Pick +
و منها ال Hyundai Elantra !!!! و ال Ford Focus !!! و ال Honda Civic !! و اللي من وجهة نظرهم اكثر امانا من passat , jetta, volvo , bmw, audi A4 and
mercedes C-class
ولكن لي ملحوظتين الاولي ان الكورولا اللي في امريكا مختلفة تماما عن اللي في مصر و اوروبا و تعتبر عربية تانية خالص.
والثانية اني دققت في فيديو ال Ford Focus كفضول مني اعرف هي احسن في ايه و المفاجئة اني مستغرب انها اخدت Acceptable رغم ان في الفيديو و بالتحديد في الثانية 0:34 الدمية خبطت في القايم بتاع العربية !!!!! و رغم كدة Acceptable مما يثر الشبهات حول ال IIHS و شركة Ford الامريكانية وهل هذا للتأثير علي مبيعاتها مقارنة بمنافسيها الالمانى و الياباني.

تحياتي و يارب يكون المضوع عجبكو و في انتظار تعليقاتكم

**abofandy** · 13-10-2013 03:19 PM

كنت متوقع منك موضوع زى دى
لان حاسس ان موضوع الاختبار الجديد دة استفذك
بس الفكره كلها
ان بلاش تثبت فشل عربية في اختبار زى دى وتقول فشل الكورولا بالبنط العريض دة اختبار جديد دة اولا

ثانيا عربيات كتير اخفت وجابت مستوى اقل من المطلوب او المرجو منها ولابد من لفت الانتباه ان الكورولا الموجودة في الاختبار هى النسخة الامريكية مش الاوروربية

ثالثا عربيات محترمه كتير زى المرسيدى والبى ام والعربية الاكثر امانا في العالم وهى الفولفو من الفيديو الى هما عارضينة راس الدمية تخبط في القايم والعجلة بالمقص تتطير وتاخد درجة اعلى

رابعا انا ضد اى حد يمدح في شى على حساب شى او علشان معاه عربية معينة عايز يخليها احسن عربية علشان يثبت لنفسة انه مضحكش علية في الفلوس او اساء الاختيار في العربية الى اشترها ودافع فية دم قلبة او حتى علشان ان كان نفسه يجيب او يحصل على نفس العربية والظروف لم تسمح له بذلك فيذم فيه ويطلع فيها القطط الفطسانة علشان يرضى غروره ان مجبهاش علشان عربية مش عملية وبتتفشكل بسرعة والصاج والقصة والحكاية وهكذا

الخلاصة مفيش عربية على وجه الارض كامله
انت بتشوف اية الى يناسبك في العربية على اسس معينة انت تحتاجها في حياتك والتوفير المالى المناسب لها وبتشوف وبتقييم حساباتك على هذه الاسس وتشترى العربية الى تتماشى مع فئتك السعرية واغراضك الشخصية والمهنيه وتتوكل على الله وسيبك بقى من اى قصص او فتىء او خزعبلات وشوف اراء الناس المختلفة بس يكون جرب العربية بلاش الا راء العامية الغير مجربة انه شاف مين قال اية وشاف مين عاد اية

ودائما اركب العربية الى انت حاببها مش الى الناس حباه لانك انت الى هتركب وانت الى هتسوق وانت الى هتدفع وانت الى هتصين وانت الى هتبيعها تانى بعد عمر طويل ان شاء الله ودائما تاكد ان لولا اختلاف الاراء لبارت السلع .... ومتبصش على المستقبل السىء للسياره قدرك حب ركوبك واقتناءك لها لان المستقبل بيد الله والحاضر انت تسيره على شاكلتك والامر كله بيد الله ولكن اجتهد

طولت عليكم بس حبيت اوضح بعض النقاط لحيرة اخواتنا في القسم بخصوص السياره لما شاهدته كل لما واحد ينوى يشترى العربية يطلع واحد يقوله
1 - سياره فاشلة
2 - سيارة غير صالحة للشوارع
3 - سيارة واطية وهتحك في كل المطبات
4 - سيارة فشلت في اختبارات التصادم
5 - سيارة تقفيلها زفت وتركي ويتغور من وش اردوغان
6 - سيارة قطع غيارها غالية ومش هنقدر على تمن صيانتها دة الفانوس ب 5000 جنيه

سيبك من الاراء الهدامه وصلى استخاره وتوكل على الله
والله انا مش بقول الكلام دة علشان انا حاجز العربية دى لا بس كل حاجة في الدنيا جديدة كدة لازم تهاجم في الاول
وتاكد ان مع شركه محترمه في توكيلها او صيانتها ولو فيه عيب ان شاء الله سيتلافى ويقدروا يصلحوة

اسف للاطاله

**Mohamed.Hany** · 13-10-2013 03:33 PM

المشاركة الأصلية كتبت بواسطة abofandy

كنت متوقع منك موضوع زى دى
لان حاسس ان موضوع الاختبار الجديد دة استفذك
بس الفكره كلها
ان بلاش تثبت فشل عربية في اختبار زى دى وتقول فشل الكورولا بالبنط العريض دة اختبار جديد دة اولا

ثانيا عربيات كتير اخفت وجابت مستوى اقل من المطلوب او المرجو منها ولابد من لفت الانتباه ان الكورولا الموجودة في الاختبار هى النسخة الامريكية مش الاوروربية

ثالثا عربيات محترمه كتير زى المرسيدى والبى ام والعربية الاكثر امانا في العالم وهى الفولفو من الفيديو الى هما عارضينة راس الدمية تخبط في القايم والعجلة بالمقص تتطير وتاخد درجة اعلى

رابعا انا ضد اى حد يمدح في شى على حساب شى او علشان معاه عربية معينة عايز يخليها احسن عربية علشان يثبت لنفسة انه مضحكش علية في الفلوس او اساء الاختيار في العربية الى اشترها ودافع فية دم قلبة او حتى علشان ان كان نفسه يجيب او يحصل على نفس العربية والظروف لم تسمح له بذلك فيذم فيه ويطلع فيها القطط الفطسانة علشان يرضى غروره ان مجبهاش علشان عربية مش عملية وبتتفشكل بسرعة والصاج والقصة والحكاية وهكذا

الخلاصة مفيش عربية على وجه الارض كامله
انت بتشوف اية الى يناسبك في العربية على اسس معينة انت تحتاجها في حياتك والتوفير المالى المناسب لها وبتشوف وبتقييم حساباتك على هذه الاسس وتشترى العربية الى تتماشى مع فئتك السعرية واغراضك الشخصية والمهنيه وتتوكل على الله وسيبك بقى من اى قصص او فتىء او خزعبلات وشوف اراء الناس المختلفة بس يكون جرب العربية بلاش الا راء العامية الغير مجربة انه شاف مين قال اية وشاف مين عاد اية

ودائما اركب العربية الى انت حاببها مش الى الناس حباه لانك انت الى هتركب وانت الى هتسوق وانت الى هتدفع وانت الى هتصين وانت الى هتبيعها تانى بعد عمر طويل ان شاء الله ودائما تاكد ان لولا اختلاف الاراء لبارت السلع .... ومتبصش على المستقبل السىء للسياره قدرك حب ركوبك واقتناءك لها لان المستقبل بيد الله والحاضر انت تسيره على شاكلتك والامر كله بيد الله ولكن اجتهد

طولت عليكم بس حبيت اوضح بعض النقاط لحيرة اخواتنا في القسم بخصوص السياره لما شاهدته كل لما واحد ينوى يشترى العربية يطلع واحد يقوله
1 - سياره فاشلة
2 - سيارة غير صالحة للشوارع
3 - سيارة واطية وهتحك في كل المطبات
4 - سيارة فشلت في اختبارات التصادم
5 - سيارة تقفيلها زفت وتركي ويتغور من وش اردوغان
6 - سيارة قطع غيارها غالية ومش هنقدر على تمن صيانتها دة الفانوس ب 5000 جنيه

سيبك من الاراء الهدامه وصلى استخاره وتوكل على الله
والله انا مش بقول الكلام دة علشان انا حاجز العربية دى لا بس كل حاجة في الدنيا جديدة كدة لازم تهاجم في الاول
وتاكد ان مع شركه محترمه في توكيلها او صيانتها ولو فيه عيب ان شاء الله سيتلافى ويقدروا يصلحوة

اسف للاطاله

تحياتي ليك و لسرعة تعليقك علي الموضوع . بس انا فعلا ذكرت النقاط اللي حضرتك تكرمت و علقت عليها انا قلت اني مش مقتنع بتقييمهم و قلت كمان ان فيه عربيات هايلة كتير واخدة تقييم قليل و ذكرت برضو ان الكورولا الموجودة في الاختبار هي النسخة الامريكية و التي تختلف تماما عن المصرية.
انا بس حبيت اوضح وجهة نظرى في اني مش مقتنع بتقييم ال iihs ,ليس مدحاً في الكورولا اللي انا حاجزها او زماً في اي عربية تانية انا بس جبت امثلة للمقارنة عشان ابين وجهة نظرى في تقييم ال iihs.
و اكرر انا مش بقارن ولا بمدح او بزم في اي عربية.
وشكرا مرة تانية علي تعليقك و تحياتي ليك يا باشا و في انتظار استلام السيارة.

**abofandy** · 13-10-2013 03:41 PM

ابدا والله اخى الفاضل
انا مقولتش انك بتمدح العربية او بتذم في نوع اخر
انا بس حبيت اقول لاى حد مش من ممتلكى تويتا ان يقول علينا ان احنا بنقول كدة وبنرد بردودنا دى علشان ندافع عنها بصفتنا ملاك لها ولكن انا بنقول الانصاف ما لها وما عليها وانا قولت كدة في رد وتقريرا المسبق عنها

وانا احييك على الحيادة في المووضع
واحييك مرة تانية على العنوان الرائع وهى البروناجندا وهى كلمة في حد ذاتها ملفته ومشوقه ونجاح في حد ذاته ان سياره تشد الانتباه والعقول ونامل في المستقبل باستمرار هذه البروبجندا حولها

**Mohamed.Hany** · 13-10-2013 04:03 PM

المشاركة الأصلية كتبت بواسطة abofandy

ابدا والله اخى الفاضل
انا مقولتش انك بتمدح العربية او بتذم في نوع اخر
انا بس حبيت اقول لاى حد مش من ممتلكى تويتا ان يقول علينا ان احنا بنقول كدة وبنرد بردودنا دى علشان ندافع عنها بصفتنا ملاك لها ولكن انا بنقول الانصاف ما لها وما عليها وانا قولت كدة في رد وتقريرا المسبق عنها

وانا احييك على الحيادة في المووضع
واحييك مرة تانية على العنوان الرائع وهى البروناجندا وهى كلمة في حد ذاتها ملفته ومشوقه ونجاح في حد ذاته ان سياره تشد الانتباه والعقول ونامل في المستقبل باستمرار هذه البروبجندا حولها

وجهة نظر حضرتك وضحت بالنسبة لي و كلامك يدل انك راجل فاهم و بتدقق في كل تفاصيل العربية. و تمنياتي بالنجاح للعربية دى اللي انا حاطت عليها امل كبير و استمرارية للعربية الكورولا 2011 اللي معايا لأن الكورولا غيرت جامد في الشكل و اتمني تكون في نفس الاعتمادية بتاعت الموديل اللي قبله و اتمني ان محدش لقدر الله يتعرض لحادث ولا اختبار تصادم ولا يحزنون. شكرا مرة اخرى

**abofandy** · 14-10-2013 12:22 AM

ربنا يخليك يا حبيبى ويكرمك يارب
ويارب العربية تثبت نفسها ان شاء الله
وسيبك من كل الكلام الى بيتقال
ربنا يبارك في الى استلم وربنا يجيب الخير لكل الناس الى لسة هتستلم

**abofandy** · 14-10-2013 03:05 AM

كلامك محترم يا راجل يا محترم-بس بجد انا شايف في مهاجمة شرسة علي الكورولا الجديده و بالذات من الناس اللي بترشح الفلوانس

الله يكرمك يارب ويخليك
ودة فعلا الى بيضايقنا بجد
انك علشان عايز تركب عربية معينة وشايفها مناسبة ليك بتخليكى تذم وتشتم في العربية المنافسة ليك حتى لو كانت كويسة واعتمادية ودة الى انا شايفة الايام دى
مقارنة شرسة بين الكورولا والفلوانس فالى بيحب الكورولا او جابها او حاجزها بيشتم في الفلوانس والعكس صحيح فا احنا عايزين بس نشيل اللبس في التفكير احنا دورنا ان كل واحد يقول رايه بس الراى الواضح والراى المجرب يعنى انا مركبتش الفلوانس يبقى مليش الحق ان احكم عليها والعكس صحيح

فهو دة الى نتمناه خصوصا ان العربيتين جداد لسه والايام الى هتثبت كفاءة الاتنين بس بدون ذم الطرف الاخر لاكتساب حب الناس او ميوله للعربية بتاعته