أرجو المســـــــــــــــــــــ ــــــــــاعده

**hamadamohamed** · 12-09-2008 04:16 AM

السلام عليكم و رحمه الله
أولا كل سنه و أنتم طيببين بمناسبه رمضان الكريم
ثانيا
انا ليه طلب و يا ريت اللي يعرف يفيدني يفيدني
انا قدامي عربيه ابيزا 98 تكييف و سنتر و باور
بس عربيه فابريكا و نضيفه جدا جدا
بس فيه مشكله انها 1000 سي سي
فأنا عايز أسأل هي الـ1000 سي سي وحشه اصل فيه ناس كتير حظروني منها بسبب الماكينه كتير يقولوا ضعيفه جدا جدا

انا عايز أسأل يعني العربيه حتستحملني لو راكبين 4 و تكييف أو سفر مثلا و للعلم انا بسافر مثلا كل أسبوعين و بروح الجامعه كتير و أيه نظامها لو مشغل التكييف في الحر و الزحمه و كدة

أرجو و النبي يا جماعه تفيدوني بسرعة و جزاكم الله كل خير
شكرا

**Mohamed_Ibiza** · 13-09-2008 01:45 AM

بص ياباشا عموما عربية ابيزا 98 بالمواصفات اللي حضرتك بتقول عليها وانها نضيفة جدا جدا على كلامك تبقى عربية ممتازة اما بالنسبة لموتور العريية فهو بينزل 1000 cc

وبالنسبة للتكييف ان لو انت مشغل التكييف في العربية فده اكيد هيقلل من عزم العربية لان التكييف عموما بيقلل من عزم اي عربية

في محمد ابيزا معانا هنا في المنتدى زعيم السيتاوية عندهم عربية مرسيدي 280 يعني 2800 سي سي ولما التكييف بيشتغل بيقلل من عزمها فكل اللي انا عايز اوصلهولك ان التكييف بيقلل من عزم اي موتور بس طبعا هتفرق في العزم والتاثير على موتور 1400 مثلا وموتر 1000

اما من ناحية لو راكبين 4 فمتقلقش خالص مش هيكون فيه اي مشاكل وان شاء الله تركب ستة بس لو لاقيت حتة تقعدهم فيها

وعموما ياباشا الف مبروك ع العربية وان شاء الله تنضم لعصابة السيات في المنتدى

وربنا يحميهالك ويكفيك شرها

**mohamed ibiza** · 13-09-2008 04:10 AM

بص يا باشا بمنتهي الحيادية و بدون تحيز العربية ممتازة كأعتمادية و معمرة جدا حلو الكلام بس الاداء 1000 سي سي يعني اداء علي اده لكن ثبات ممتاز اما التكييف و الاربع اشخاص هي هتستحمل مش هتقولك لا بس الاداء هيتأثر اوي بالوزن و التكييف عشان الموتور صغير بس متنساش ميزتها في الضريبة و البنزين هتلاقيها موفرة جدا في البنزين