طقم شنبر ولا بلوك بوش بولو 95

**Mahmoudyoussif** · 14-10-2013 07:12 AM

السلام عليكم و كل سنة وانتم طيبين

انا عارف ان الموضوع عن بولو بس متعود ان المنتدى هنا بيفدني علطول

انا دلوقتي العربية بتاعتي بتاكل زيت و احيانا بلاقيه مرشح على الطوربيدو

كل اللي سالته قالي ان ممكن اعمل طقم شمبر او احطلها بلوكة بوش

طيب دلوقتي ايه مميزات و عيوب كل من طقم الشنبر و البلوكة بوش

و استقسار كمان هل البلوكة لو حطيتها مش محتاج اني اظبط حاجه في الكنترولر او الايدل او خلافه

يعني القصة زيت و بوجيهات و سير بس ولا اكتر من كدة ... و ايه هوا الموتور المناسب اللي احطه لعربيتي

اللي سمعته في 1400 سي سي دا بيخرج تقريبا 60 حصان

و في ال 1600 سي سي دا بيخرج 75 حصان اللي هوا تقريبا كوده aea

**Karim Ibiza** · 14-10-2013 03:47 PM

وعليكم السلام وكل عام وانت بخير

طقم الشنبر من عيوبه ان البضاعة اللى فى السوق مضروبة + ان الصنعة مبقتش زى الأول + انك هتحتاج تلين الموتور بعد طقم الشنبر وفى الأول وفى الأخر بيكون موضوع مؤقت لحد ما تعمل عمرة موتور كاملة

بلوكة بالوش هتيجى بقفلتها وانت وحظك بس انت فى الأساس بتاخدها على التجربة والميكانيكى هو اللى بيتصدرفيها لأن هو اللى هيجى يختار معاك وهتعمل طقم سرفيس وتقدر تمشى بيها على طول

تكلفة طقم الشنبر = تكلفة الشورت بلوك (بلوكة بالوش)

لو هتجيب نفس موتورك يبقى مش هتحتاج تغير الكونترول او تعمل تكويد
انما لو هتجيب موتور 1400 او 1600 يبقى هتجيبه كامل بالكارتة والضفيرة والفتيس

فى كل الأحول هتضطر تثبت الموتور الجديد فى المرور والموضوع ده بسيط ومش بياخد يوم

انا عن نفسى أرشحلك انك تجيب بلوكة بالوش زى موتورك لأن ده الحل الأنضف والأفضل و الأرخص

لو احتجت اى معلومات عن اى موتور تانى احنا تحت امرك

**SYD** · 15-10-2013 06:33 PM

كريم جاب معاك م الاخر

**nesr6060** · 16-10-2013 06:19 AM

معلشى يا باشا ممكن تسالى عن المكنه ال 1600 عامله كام بالكونترول والضفيره والفتيس وياريت لو ال 101 بتاعه البولو كلاسك اللى منزلها كريم

وياسلام لو تسالى عن كمان 1800 سىسى بالضفيره والكونترول والفتيس

علشان انا والله مش عارف اخد اجازه حتى فى العيد وعندنا طواؤئ

**Ahmed pico** · 20-10-2013 10:34 AM

بكام الماتور ال 1300 من غير ادوات تغذيه ده يا باشا لبولو زيك وعند مين الاسعار دى ؟؟؟

**Mahmoudyoussif** · 20-10-2013 10:53 AM

المشاركة الأصلية كتبت بواسطة ahmed mubarak

محمود بك
عامل ايه
انت لسه ماغيرتش الموتور انت كنت هتغير من حوالى سنه
على العموم بالتوفيق ان شاء الله

فين الكاب يامعلم بتاع d500

افتكرتنى ولا لسه

احمد مبارك باشا عامل ايه و ايه اخبارك

انا هاعمل العربية عشان الترخيص و الموتور بقى بيطرطش زيت لحد الطوربيدو

وبالنسبة للكاميرا اخبارها ايه معاك

معلش بس فكرني الكاب دا اللي هوا ايه

**Mahmoudyoussif** · 20-10-2013 10:56 AM

المشاركة الأصلية كتبت بواسطة ahmed pico

بكام الماتور ال 1300 من غير ادوات تغذيه ده يا باشا لبولو زيك وعند مين الاسعار دى ؟؟؟

ولله ال 1300 كان كامل بالفتيس هوا هوا سعر ال 1600 و ال 1400 بس هوا وجوده نادر حبتين

هوا كان كامل بفتيسه بكل حاجته ب 3500 فممكن ادوات التغذيه دي تشيل 1500 مثلا بس انا عايز اعرف اي هي القرمة دي و تختلف عن البلوك بوش ايه

بص في ابو شهد في الحرفيين و في محمود اللي جنب سيد عبده برضه اسعاره معقوله و ممكن ينزل

-

الموضوع: طقم شنبر ولا بلوك بوش بولو 95

LinkBack

أدوات الموضوع

عرض

-

-

-

المواضيع المتشابهه

شورت بلوك

بلوك في الفيس بوك

للبيع شنبر نظر RayBan و شنبر OGA فرنسى

للبيع شنبر Vogue جديد و شنبر Police

محتاج موتور بولو عيون ٢٠٠٣، مانوال فاضى (بلوك + وش)

الكلمات الدلالية لهذا الموضوع

المفضلات

المفضلات

ضوابط المشاركة