عاوز مدفن للبيع

**خالد** · 14-10-2013 09:12 AM

أنا محتاج مدفن فى المدن الجديدة العبور التجمع الأول أو الخامس أو الشروق أو أكتوبر أو مدينة نصر ويكون لم يستخدم من قبل ومتشطب وجاهز ، ياريت اللى يعرف حاجة يدلنى عليها وأجره وثوابه عند الله

**JAM** · 14-10-2013 03:50 PM

معلش سؤال خارج الموضوع.. ليه شرط إنه ميكونش إستخدم قبل كدة..؟؟
ماهو ممكن لو إنتا إشتريته من شخص وكان له حد فيه.. ممكن تشترط عليه إنه ياخد الامانة بتاعته اللي موجودة فيه
كل سنة وحضرتك طيب

**خالد** · 14-10-2013 06:10 PM

المشاركة الأصلية كتبت بواسطة jam

معلش سؤال خارج الموضوع.. ليه شرط إنه ميكونش إستخدم قبل كدة..؟؟
ماهو ممكن لو إنتا إشتريته من شخص وكان له حد فيه.. ممكن تشترط عليه إنه ياخد الامانة بتاعته اللي موجودة فيه
كل سنة وحضرتك طيب

بصراحة مش عارف !! بس قلتها كده وخلاص لأن أنا معنديش خبرة فى المواضيع دى نهااااااااااائى
المهم ألاقى واحد الأول لأن طلع الموضوع ده صعب شوية !! والواحد خايف ومش ضامن عمره أو عمر أى حد من أحبابه !!

**m.gad** · 16-10-2013 03:06 PM

فى مدفن فى 15 مايو 48 متر مكون من 4 عين على الشارع الرئيسى مباشرا مطلوب 110 ألف المدفن لسه جديد

**خالد** · 17-10-2013 08:27 PM

المشاركة الأصلية كتبت بواسطة m.gad

فى مدفن فى 15 مايو 48 متر مكون من 4 عين على الشارع الرئيسى مباشرا مطلوب 110 ألف المدفن لسه جديد

ربنا يكرمك بس أنا مش عاوز المساحة الكبيرة دى كفاية 25 متر 2 عين ياريت لو تعرف حد جنبك تقوللى
وتقبل تحياتى

**EZABY** · 18-10-2013 11:30 PM

بص ياباشا بالنسبه لتربه فاضيه ولا فيها انا بس عاوز اوضحلك نقطة ان غالبا المدافن بيكون فيها بره الغرفتين حاجه اسمها المعضمه ودي بيتلم فبها القديم كله بس طبعا بعد فتره كبيره.. ف لو التربه فيها ناس بس من زمان عادي ممكن توديهم في المعضمه دي لو احتجت المساحه كامله يعني

وربنا يوفقك وتلاقي طلبك ومتحتاجوش قريب ياباشا :)

**أشرف فتحى** · 21-10-2013 02:46 AM

فى جماعه معرفه بيبيعوا مدفن فى 15 مايو لم يستخدم حتى الأن....لو يناسبك المكان أجيبلك التفاصيل إن شاء الله..!

**خالد** · 21-10-2013 10:22 AM

المشاركة الأصلية كتبت بواسطة ezaby

بص ياباشا بالنسبه لتربه فاضيه ولا فيها انا بس عاوز اوضحلك نقطة ان غالبا المدافن بيكون فيها بره الغرفتين حاجه اسمها المعضمه ودي بيتلم فبها القديم كله بس طبعا بعد فتره كبيره.. ف لو التربه فيها ناس بس من زمان عادي ممكن توديهم في المعضمه دي لو احتجت المساحه كامله يعني

وربنا يوفقك وتلاقي طلبك ومتحتاجوش قريب ياباشا :)

ربنا يكرمك معلومات كويسة جداً ، بس الواحد خايف يحتاج الموضوع ده ووأنت عارف ممكن ييجى فجائى فى أى وقت

**خالد** · 21-10-2013 10:28 AM

المشاركة الأصلية كتبت بواسطة أشرف فتحى

فى جماعه معرفه بيبيعوا مدفن فى 15 مايو لم يستخدم حتى الأن....لو يناسبك المكان أجيبلك التفاصيل إن شاء الله..!

ياريت ياباشا تيجيبللى التفاصيل وأكون شاكر جداً لحضرتك

**exelence** · 21-10-2013 11:37 AM

كنت عند واحد معرفه شغال فى المواضيع دى و بالصدفة فرجنى على فيديو لمدافن شغال فيها بس فى منطقة اسمها ابو زعبل و تشطيبها كويس جدا" و سعرها كويس خصوصا" ال 25 متر كان ب 28 الف جنيه كاش و 32 الف قسط لو يناسبك ممكن ابعتلك رقمه و بالتوفيق ان شاء الله.