المشاركة الأصلية كتبت بواسطة sayed911
انا ها اقولك على الحل اللي بعمله وبيجيب نتيجة دايما لما بدخل لموظف في اي جهة حكومية وبيتعنت فعلا كده بقوله ببساطة ممكن اسم حضرتك ومكتب المدير ؟ ها يقولك ليه ها تقوله شئ ميخصكش اسم حضرتك ايه انا من حقي ادخل للمدير بكل بساطة ولو كتر من حقك تزعق وتقوله انا عايز اشوف المدير مجابناش ورا الاا السكوت ومحدش عارف حقه بدخل للمدير حضرتك الموظف فلان الفلاني طلب طلبات تعسفية واجراءات انا شايفها استثنائية وتعنتية وهكذا يعني مثلا مثلا يوم المرور رايح بجدد رخصة والدي فبديله الشهادة بتاعت الباطنة والنظر روحت للموظف في المرور يقولي معلش خلي الدكتور يكتبلي رقم كارنيه النقابة بتاعه على الورقة :d قولتله احنا في الشروق انتا عايزني اروح شبرا للدكتور يكتبلك رقم كارنيهه في النقابة قالي اه فسكت وروحت تاني يوم فعلا بعد ما كملت الورقة واديتله الملف ومتكلمتش بصراحة مبصش على الشهادة وقالي الورق تمام قولتله ممكن اسم حضرتك ومكتب المدير بكل بساطة قالي ليه قولتله عشان انتا رجعتني امبارح بنفس الورق عشان اجيب حاجة انتا مبصتش عليها اصلا النهاردة واجراء تعسفي للمواطن انا واخد اجازة من شغلي عشان اجي اخلص ورقي فتقوم تلففني عشان سيادتك مزاجك مكانش رايق امبارح او طالبة معاك حاجة تانية ؟ من فضلك مكتب المدير فين وفعلا دخلت لمكتب مدير الوحدة وحكيتله الراجل تفهم جدا الحقيقة وسمع مني لحد النهاية على الأقل لو معملوش حاجة انا عملت اللي عليا وحسابه عند اللذي لا يغفل ولا ينام بس انا على الأقل اخدت خطوة مش ها اقول اصل حال البلد ومش حال البلد صدقني لما تروح اي مصلحة خد اجراء فوري مع الموظف ده فورا هوة بياخد مرتب على الشغل ده هوة لا بيمن عليك ولا بيعطف عليك ده شغله اصلا