السلام عليكم و رحمه الله و بركاته
ارجوا تقرير شامل من ملاك سيارة اسبرينزا m11 2014
عن وضع السيارة
نوع الموتور
التقفيل
اوبشن السيارة
العفشه
الفتيس
التكييف
الثبات ع الطريق
وجود الايموباليزر او عدم وجوده
منتظر تفاعلتكم و رآيكم
عرض للطباعة
السلام عليكم و رحمه الله و بركاته
ارجوا تقرير شامل من ملاك سيارة اسبرينزا m11 2014
عن وضع السيارة
نوع الموتور
التقفيل
اوبشن السيارة
العفشه
الفتيس
التكييف
الثبات ع الطريق
وجود الايموباليزر او عدم وجوده
منتظر تفاعلتكم و رآيكم
انتوا فين ي اخوانى عاوز حد يرود عليه انا مشوفتش حد عمل تقرير عن m11 2014 هوة مفيش حد اشترها و لا ايــــــــــــــــه !!!
الام 11 عربية محترمة جدا تكييف قوي محرك نشيط عفشة ممتازة ثبات روعة عيبها الوحيد ضيق الكنبة الخلفية شوية و للاسف انا نزلت عشان اسئل عليها عندنا كذا معرض قالي مش متوفرة وموجودة في فروع ابوالفتوح بس هية كعربية شبابية ولعيلة صغيرة هتكون اختيار ممتاز ومثالي
طول عمرك ي ميدو سباق بالاجابه و متعاون و انا شوفت كتير من مشاركاتك تسلم ي ميدو ع الرد و الاهتمام
لكن انت مش وضحت و لا شئ ما الى ان عاوزة
يعنى الموتور و نوعه .. عفشه و نوعها .. اوبشن السارة بالكامل .. تقفيل .. دهان .. تكييف ع سرعه عاليه او سرعه بطيئه .. اشياء كتير ف السيارة عاوز اعرفها
و المقارنه ف الوسع بينها و بين سيارة البى واى دى اف 3 ؟؟
ربنا يخليك يا باشا وانا بعتذر اني فهمت حضرتك غلط
المحرك acteco 1.6 liter من شركة avl النمساوية
الفتيس اعتقد انة برضو تابع لشركة avl
العفشة تورشين بيم تقريبا علي ما اتذكر
الاوبشن .. تكييف سنتر زجاج كهرباء abs .ebd حساس مطر و حساس نور ثلاجة في درج الطابلوة سيستم صوت 6 سماعات دة الي متذكرة حاليا
التقفيل مصري بس تقفيل كويس مش وحش
الدهان كويس جدا ومحدش اشتكي منة نهائي
الثبات ممتاز لحد 180 مكلبشة في الارض وتقدر تعمل بيها غرز وحركات
تكييف ممتاز علي السرعات البطيئة و العالية ومش بياثر علي السحب
الوسع طبعا الاف 3 اوسع بمراااااااااااحل
عيب عليك ي ميدو احنا اخوات .. انا بس بهزر معاك
العفشة تورشين بيم انا مش اعرفها للاسف !!!
لكن يا ميــــدو بشكل عام و بالمقارنه بينها و بين بى واى دى اف 3 ميـــــن يربح ؟
الام 11 من برة وجوة احلي بكتير من الاف 3 هية مقارنة صعبة طبعا وانا شايف من جميع الجوانب الاف 3 تكسب بس لو انا هشتري هاخد الام 11 بسبب انها احلي وكمان شبابية و الاهم صيانتها بقت كل 10 الاف كيلو او 6 شهور يعني توفير صيانات وطبعا توكيل اسبرانزا احسن 100 مرة من الامل
انا حبيت شكلها معاك لكن المشكله ي ميدو انى انا عندى مراتى و كمان تلات اولاد و منهم واحد ف اعدادى اخر سنه ليه يعنى عيله و كمان ساعات امى ست كبيرة بتركب معايا انا معاك ان الشكل الداخلى للام 11 جميل جدا و خصوصا التابلوة و احلى بكتير من التابلوة الاف 3 الى فيه خشب ابنوس دة
بس الاف 3 اوسع و كمان حاجاتها متوفرة اكتر بالنسبه للعفشه التويتا و كمان الموتور اما ميتسوبيشى 1600 او 1500 للهوندا سيتى و انا مش متاكد من موضوع الهوندا سيتى دة اساسا ع الرغم انى بفكر انى اجيب التقفيل الصينى و مش مهم الاير باج و لا الزجاج الفاميه لكن الموتور بقلقنى كتير
ايـــــــــــــــــه رآيــــــــــــــــــــــ ــك بحكم خبرتك ؟
لا كدة يا باشا وش اف 3 عشان العائلة وخصوصا عشان والدتك وربنا يجازيك خير انك بتفكر فيها وانا كمان والله رغم اني بحب اوي الام 11 بس هجيب امجراند عشان خاطر والدتي برضو كبيرة ومش هتستريح في الام 11 و في رايي هات البي واي دي المحرك ال 1600 تقفيل مصري عشان محرك متسوبيشي + الايرباجز + ان المحرك دة الي ادي للعربية سمعة كويسة و استحمل معلش التقفيل المصري بغباوتة بس هتكون كسبان وسائل امان زيادة وكمان المحرك ال 1500 غير مؤكد ان كان هوندا ولا لا عشان كدة خليك في المضمون ومبروك مقدما وربنا يكرمك وتشتري علي خير
الام 11 اكثر فخامه
انضف
تصميم متطور
عربيه تصميهمها اوروبي اكثر
البي واي دي
شعبيه اكثر
اي حد بيشتغل فيها
امكانيه تبديل قطع الغيار بتو يوتا للعفشه
او متسوبيشي للموتور وان كنت مش متاكد من النقطه دي
الخلاصه ال ام شبابيه زياده عن الازم
ال بي واي عائليه اكثر
ولو مكانك هاختار ها علشان الاولاد والوالده ربنا يديها الصحه
يسلمك ربى من كل شر يا ميدو و ربنا يخليلك الوالدة و يابارك فيها لكن ياريت تراجع نفسك ف الايمجراند تانى لانى متابع معاك كل مشاكلها و كمان متابع معاك كل شئ عن السيارة و تختار شئ غيرها
اما بالنسبه البى واى دى المصرى حلوة ماشى و مش مهم التقفيل اوى لكن سير الكاتينه سير عادى مش جنزير و كمان الشابورة مش موجودة ف المصرى و علشان تركبها هتغير ذراع و تجيب فوانيس شبورة و انا بكرة انى اجيب حاجه زيرو و يتفك فيها حاجه مهما كان بحس انها خلاص باظت لو حد مد ايدة عليها
و انا معاك اكيد الام 11 من الداخل و الخارج رائعه بجد .. ماهوة لو نزلوا النيو اف 3 الى هيه ال 3 هتبقا شبابيه و كمان اوسع من الاف 3 ..
انا راسى خلاص هيفرقع و الله العظيم لو الفلوس تكمل بس كنت ريح راسى و جبت النيو تيجو و خلاص مع انى مش مقتنع بابو الفتوح اساسا
تعرف حضرتك لو البي واي دي توكيلها محترم شوية وشكلها اتحسن يعني يدخلو الجي 3 علي انها الابديت للاف 3 كنت اشترتها بدون تفكير لاكن للاسف انا احتياجاتي بتجبرني بالامجراند + اني بحب شكلها ودة مخلينيمتغاضي عن حجات كتير وقلت لو لاقدر الله هستحمل للصيانات وامري لله :fdsa:
تسلم ي ميدو بس ياريت تعيد تفكيرك تانىف موضوع الايمجراند بجد و الله و ابعد عن الشر و غنيله
شكرا يا ميــــــــــــدو .. ممكن سؤال
هوة التيجو الشكل القديم فيـــه منه جديد صح الى هوة الفوانيس الشوبرة بتاعته شبه مربعه .. سعرة كام ؟
ام 11 عرييم ممتازه ووحش عي الطريق و تقفيلها حلو و مشاكلها حلها بسيط زي القربه مثلا كان عيبها الرئيسي قله ثطع الغيار و واضح انةغبور هينزلها تاني لما نشوف
استاذ ميدو ..هو انت مشترك في جروب الايمي باسم محمد السيد
والله يا دكتور انا كمان نفسي اعرف اية العيب الغبي دة يعني انا سمعت انهم غيرو القربة بنوع تاني وبرضو بتشرخ بعد سنة :fdsa: حاجة غريبة جدا زي متكون متبرمجة تضرب بعد سنة لكل الملاك بس بتتغير عموما علي الضمان واعتقد انها سواء القديمة او الجديدة من خامات رديئة عشان كدة بتضرب وممكن الواحد يمشي نفسة في الضمان وبعد ما يخلص ال 3 سنين ويخلص معاهم 3 قرب مية يشتري واحدة بقي نضيفة ويحطها وينساها خالص :10D5C8w1107::10D5C8w1107:
ضربت عندي بعد 7 شهور .. أنا اللي سبقت .. أنا اللي سبقت .. سبقتكم كلكم
:glasses12::glasses12:
يعنى عيب قربه الميه لسه موجود كمان حتى ف موديل 2014 دة الى انا فهمته لن يحصل اى تعديل ف خامه القربه من قبل الوكيل ع الرغم من معرفته للمشكله .. !!!
محدش عارف صلحوها ولا لا بس اتوقع متصلحتش يعني بس متخافش منها انا كنت نازل اشتري ام 11 بس بسبب الاسرة هشتري الامجراند وحضرتك خايف من قربة المياة امال انا اعمل اية في الامجراند الي هنزل احجزها واخاف اقابل سيل من المشاكل من اول التكييف للدهان للكاوتش الي الي الي الي .... ربنا يلطف بينا :crying2::crying2::crying2:
ما انا قولتلك ي ميدو بلاش اتجازف يعنى لو معاك فلوس غير الى هتشترى بيها عادى جازف لكن لو الفلوس الى معاك هيه دى و بس يبقا حرام المجازفه صدقنى و كمان بعد جولاتك ف المنتدى و كلام ملاك الايمجراند يبقا حرام عليك ان تشتريها و الله انا قدامى حل من الاتنين اما ام 11 او بى واى دى اف 3 (2014 ) و ربنا المستعان بقا اهوة انا بسال هنا ع دى و ع دى و اعرف كل شئ عنهم قبل ما اروح اشترى بعد العيد ان شاء الله
دة انا هدفع مقدم وهقسط الباقي علي 7 سنييييييين وهتنفخ في الفترة دي بس ربنا يسترها وبالنسبة للامجراند للاسف مفيش قدامي غيرها الي بتوفر معظم احتياجاتي .. انا رحت ركبت الام 11 في معرض لاني عاوز اشتريها بصراحة ومقتنع بيها تماما وفيها كل احتياجاتي الشخصية بس للاسف ضيقة وانا عيلتي ما شاء الله كبييييييييرة ومش نافعة خصوصا لو ابويا وامي معايا ساعتها امي هتركب ورا وهتبقي تعبانة جدا وهية اصلا مش مستحملة يبقي مش نافع لازم اشوف حاجة واسعة وبرضو الانفي رغم انها واسعة مش نافعة ليا لاني لازم فامية في العربية لان وادلتي منتقبة و للاسف مريضة والتنفس عندها صعب عشان كدة لازم فامية عشان لو خرجت تقدر ترفع النقاب بسهولة عشان كدة مفيش قدامي غير الامجراند ولازم اخد المخاطرة وربنا يسترها معايا وميقابلنيش مشاكل ولو لاقدر الله قابلني حاجة هصبر للصيانات وامري لله بس في الصيانة عليا النعمة هنفخهم لو رخمو في حاجة :beatdeadhorse5::beatdeadhorse5::khd::khd:
طيب يا ميدو ممكن تجيب الانفى لو عجباك و واسعه زى ما بتقول و تركب انت الفاميه بعدين عادى يعنى مش لازم يتثبت ع الرخصه او انك تجيب البى واى دى اف 3 واسعه جدا بردو و فاميه التقفيل المصرى و ربنا يخليهملك يارب
قسط نيسان صني احسن..
زى ما ميدو بيقول فعلا الصنى ماركه و بس .. توكيل ازبل من الزباله و مافيهاش اى امكانيات حلوة اساسا .. انا كنت ناوى اشترى الشكل القديم لكن غيرت رآي ع طول اسم و بس حرام فيها الفلوس