معايا عشرين ألف وعايز 28 تنصحوني بإيه

**د.أبونضال** · 12-09-2008 08:02 AM

زي ما قولتلكم المنتدى ده عجبني جدا ، وعايز أستشيركم، أنا احتياجاتي بسيطة جدا ، عايز عربية أقضي بها مشاويري ومش مهم أي حاجة تانية ، أهم حاجة تكون مريحة في المصاريف على الآخر علشان أنا موظف . كان معايا لادا قبل كدة بس بعتها في زنقة ، والحمد لله معايا عشرين ألف دلوقت وعايز أجيب عربية ، أنا يدوب باعمل ألف كيلوا في الشهر يقلوا ما يزيدوش . وكمان عايش في مدينة صغيرة. يا ترى ال 28 مناسبة ولا إيه رأيكو . ويا ترى إيه مواصافات ال 28 إللي ممكن تيجي في حدود 18 ألف علشان لازم اسيب معايا فلوس أظبط بيها العربية بعد الشراء زي ما انتو عارفين.
دي أول مشاركة ليا في المنتدي وأنا أشكر كل من سيرد على مقدما

**KoDaK_Gti** · 12-09-2008 06:05 PM

رأيى بالمبلغ ده تجيب 132 افضل موتور قوى وصالون واسع ودفع خلفى مش امامى زى ال 128
بس يعيبها انها بتاكل بنزين شوية مش كتير بردو

**DR.M** · 12-09-2008 07:52 PM

خليك في اي حاجة ياباني احسن

**thegoodhacker** · 12-09-2008 11:36 PM

اعتقد فعلا ان الفيات 128 افضل حاجة بالنسبة للسعر ده علشان سعر قطع الغيار و معدل استهلاك البنزين ........ ممكن بسعر 18 الف تجيب واحدة كويسة موديل 84 او 85 بالكتير

**MEDO_AHMED2** · 12-09-2008 11:53 PM

اهلا بيك اولا معانا فى المندى بس كنت عايز اقول حاجة انا كان معايا ماذدا 323 بجد كانت اصيلة معايا واحسن من 28 بمراحل كل الى ساقها قالى كدة واسعا وبتشد ويبان فيها الترويش وانا كنت عارضها على 25 جابت 20 بس بعد مذهقت لانى جبت واحدة تانية فكان عليا فلوس ولازم ابيع فى حد عارض واحدة على 27 هنا فى المنتدى بس لو تجيب هتش باك احسن وناعمة وبتحرقش كتير فكر فيها وحتى لو هتتصرف فى فلوس للترويش وفى عربية فوليكس جديدة شبها بس مش فاكر اسمها فى الحدود دى وبلاش الموديلات القديمة علشان الخطة الجاية يعملو معاها زى التاكسى لو انت ال 28 داخلة دماغك خلاص على بركة الله ويا رب اكون فدتك

**mohamed2002** · 13-09-2008 12:28 AM

حضرتك بتقول ان كان معاك لادا قبل كدة لو ارتحت مع الادا يبقي خليك في الادا وال 28 الف يجيبو لك 2105 موديل 95 او 94 وتكون دواخل المصنع وحالة جيده وماتور 1200ccواستهلاك بينزين كويس

**د.أبونضال** · 13-09-2008 06:39 AM

أشكركم يا جماعة على اهتمامكم بالرد عليا وأنا فعلا سعيد باشتراكي في المنتدى الجامد ده
أولا الياباني جميل وكل حاجة حتى لو كان قديم ، وفيه عندنا هنا ميزه إن أنا ساكن قرب المحلة والعربيات الكروسيدا والمازدا هناك زي الرز وقطع غيارها متوفرة بس هل ال 20 ألف اللي معايا ممكن يجيبوا كروسيدا أو مازدا وكمان كل العربيات دي 2000 سي سي وبتاكل بنزين وممكن تكون قطع غيارها غالية.
رغبتي في ال 28 بترجع فقط لأن مصاريفها قليلة ليس إلا وأنا كان معايا لادا وكانت مصاريفها قليلة برده بس كانت تقيلة ومحور دورانها ضيق جدا وكانت البرومة بدأت تظهر تحتها فما استريحتش ليها الحقيقة لأن انتو عارفين الصاج هو اللي بيبيع العربية في مصر.
أنا محتاج عربية فقط علشان أحمى مراتي وابني من بهدلة المواصلات ولازم تكون مصاريفها قليلة علشان ما تبقاش عبء علي . فالفكرة مش إن ال28 داخلة دماغي ولا حاجة بس هي زي ما بيتهيألي كدة أفضل مُسكن ممكن الواحد ياخده لعلاج صداع المواصلات والتاكسيات اللي بتتأمر على الواحد.
بس كنت عايز أستشيركو في حاجة ويارب مكونش بتقل عليكو ..
هو لو جبت عربية 28 رشة جوة ثمانينات ممكن تبقى بكام؟ .
ولو اشتريتها وبعدين شديتها على إيدي شدة تمام صاج ومتور وعفشة وصالون ممكن تتكلف كام ؟
يعني بافكر زي الناس اللي بيجيبو عربيات حوادث ويشدوها بس عايز اعمل كدة في عربية 28 رشة جوة ، أشدها واعملها عربية بيت يعني لقضاء المشاوير والمصالح .

**Karim_Mohy** · 13-09-2008 08:25 AM

balash te5osh fe mawdo3 el 3arabyat ly 3amla hawades wenta teshedaha la2enaha mosh shoghletak zay manta wadat , wana ra2ye en el 20 alf tegeb 128 nedefa w yekafy m3ak tzabatha
w rabna yewafa2ak w yewafa2na

**kaboo4** · 14-09-2008 02:29 PM

انا رئيى بئى انك تزود 5 بأى شكل و تجيب بونتو 94 و هيا فيات بردوا بس مع فرق الموديل و الشكل والراحة من الاخر تبئى اشتريت عربية
اسف لاصحاب الوان تو ايت (128) علشان انا مش معتبرها عربية اصلا
دى المفروض تنقرض مش يعملوا منها 2008 و المفاجاة بنفس شكل دى بجد الت ادب1973

**hazem_khidr** · 14-09-2008 05:11 PM

بص هو ال 128 عربيه كويسه
و بالنسبه لاستهلاكك(1000 كيلو) يبقي كويس اوي
المبلغ دا يدوب يجيب عربيه في اول التمانينات
الياباني زي المازدا ال 323 غالي شويه يعني تدخل في 25 او اكتر شويه.
الكروسيدا و المازدا ابعد عنهم بنزينهم كتير و عربيات كبيره .
انت ساكن فين في المحله؟؟؟