الموضوع: للي عايز يساعد أهل الدويقة

طيب.. اشتكينا كتير؟.. حسبنا كتير؟.. نشتغل بأه

الرسالة دي جت لي ع الفيس بوك لكل من يريد ان يسهم بعمل إيجابي و يقدم مساعدة للناس دول و ربنا يتقبل يا رب.

السلام عليكم

ساعدنا أهل الدويقة
لسه
مسنين ايه
مش عارفين
بعتنا كل الطرق
همتنا قلت
طيب ليه

طيب يلا نرفع همتنا و نشوف الصورة هناك عاملة ازاى

1- الجثث لسه بتخرج كل يوم و الوضع سئ جدا و مش بسيط

2- الاهالى مواصله حياتها عادى جدا فى المنشية و الدويقة ولا يتوفر لديهم اى توعيه و لا يتم امدادهم باى توعية صحية أو تجهيزات صحية

3- المنكوبين فعلا مازالوا فى مكان الحادث لا تصلهم امدادات الحكومة و اغلب المعسكرات من النصابين يعنى لازم يتحروا كويس فى المعسكرات علشان المعونات و لو هيدوا حد شقق

4- الريحة بقت بشعة و الناس عايشة و متأقلمة رغم وجود رائحة مطهرات بالمنطقة

5- لاحظت ان الكمامه الصحية غير متوفره فى مكان الحادث و قليل جدا من رجال الشرطة يستخدموها غير كده الاهالى قاعدين مستنين من غير أى تجهيزات صحية و كذلك اشتكى الى بيحفروا ان مفيش كمامات ولا جونتيات ولا أحذية خاصة يعنى فرصة لخلق بؤرة وبائية على الاوتوستراد و فى مدخل مدينة نصر

6- أكيد الناس دول محتاجين شقق فى اسرع وقت ده غير الامدادات الغذائية و احنا فى رمضان و الاحتياجات بتتغير كل ساعة يعنى الى عايز يساعد يتصل بالجمعيات الخيرية الاول علشان تركيزهم على الميه و السحور و العصائر علشان فهمت ان الفطار بيتوفر بسهولة

7- يفضل زيارة مكان الحادثة نفسه اكتر من المعسكرات علشان الناس الى هناك منسية خالص


9- طبعا المنطقة هناك لسه فيها نقط ضعف كتيره فى الجبل و ممكن تتكررالكارثة ديه فى اى وقت احنا مهندسين عمارة يا جماعة يعنى المفروض بنفهم كويس فى الحاجات ديه خاصة انه اتقالنا ان الصرف الى كان السبب فى تفتت الجبل لسه متوقفش و شغال عادى


يعنى الى شايف نفسه يقدر يساعد باى طريقة لتلافى المشاكل الى فاتت ان كان مساعدة عينية او بالمجهود أو بالتوعية او بالزيارة أو لو كان يعرف اى حد عنده قدره يتصرف فى اى مشكله من الى فاتوا من وزارة الصحة أو الاسكان يا ريت نعمل الى علينا و يا رب يصبرهم و يرحم منهم العايشين و الاموات و يرحمنا و يقدرنا على المساعدة و على التفكير السليم .


ده الصورة هناك
و يمكن اللى راح و بعت الكلام ده مش على دراية بالجانب الطب بس بحكم شغلى كصيدلي و زيارتى للمكان ......الوضع أسوء قليلا
يا ترى هنساعد و لا لسه مترددين

كل حاجة مكتوبة و اللى مش عارف يكلمنى

0111153758
أحمد صلاح

و فرضا ان ده ما حصلش؟