مشكله - صوت الفرامل من الكاوتش اليمين

**mohamedway** · 13-09-2008 05:47 PM

بعد ما تقرأ موضوعى و تفهم المشكله كويس أقدر اقولك على حل تحايلت بيه على المشكله و جاب نتيجه بنسبه 75 % على الاقل.

(غيرت الفردتين الأماميتين بفردتين ميشلان مقاس 205/60/r15 وبكده استفدت حاجتين)

1-الفرده ده مداسها على الأرض اعرض فامش هتتزحلق بسهوله بالاضافه انها ميشلان طبعا.

2-المقاس ده هيخلى قطر العجل الامامى اكبر شويه من الخلفى (الفرده الاصليه 195/60/r15 ) وده هيتسبب فى ان سرعه دوران العجل الخلفى هتبقه اسرع قليلا من الامامى فجهاز الebd لما ييجى يراقب سرعات العجل الامامى و الخلفى اثناء الفرمله هيلاقى العجل الأمامى ابطء بنسبه بسيطه من الخلفى و ده اللى هو عاوزه و هيتهيأله انه خلاص عمل نسبه الزحلقه اللى هو عايزها فى العجل الامامى عشان يقيسها فا مش هيزودها عن كده الا مع الفرامل القويه اللى تستاهل فعلا انه يعمل الحركه ده و بكرر المشكله ده عيب فى الانسر فى ان الebd كتير مش بيضبط نسبه الفرامل الخلفيه صح و الحل بتاعى حل المشكله بنسبه 75% بس مش 100% بس انا دلوقتى راضى جدا عن فرامل عربيتى و انا قولت تجربتى لعلها تنع حد.
(على فكره فهم فكرتى مرتبط بفهم الموضوع اللى فى الرابط السابق)

**mohamedway** · 13-09-2008 05:51 PM

فى حاجه كمان لاحظتها هقولك عليها

-فى نوعين تيل فى التوكيل و الاتنين أصلى واحد اسمه Sumitomo ولونه اخضر و ده اللى بينزل مع العربيه من اليابان و التانى Ak ولونه رمادى و نصيحه منى لعده اسباب مش مجالها دلوقتى ما تركبش غير الsumitomo و ابعد عن اى حاجه تانيه مش اصلى و لا حتى الأصلى الak

**nobody** · 13-09-2008 05:59 PM

على فكرة يا بشمهندس محمد ال ebd ما بيشتغلش الا مع الضغطة الكاملة لدواسة الفرامل فقط
وهدفه الرئيسي انه يزود ضغط الزيت على الفرامل الخلفية أثناء الضغط الشديد على الفرامل عشان العربية ما توطاش من قدام و العربية تبقى متزنة
يعني مثلا لو brake bias 70:30
حيبقى 60:40

**mohamedway** · 14-09-2008 10:07 AM

المشاركة الأصلية كتبت بواسطة nobody

على فكرة يا بشمهندس محمد ال ebd ما بيشتغلش الا مع الضغطة الكاملة لدواسة الفرامل فقط
وهدفه الرئيسي انه يزود ضغط الزيت على الفرامل الخلفية أثناء الضغط الشديد على الفرامل عشان العربية ما توطاش من قدام و العربية تبقى متزنة
يعني مثلا لو brake bias 70:30
حيبقى 60:40

اللحظه اللى بيتسمع فيها صوت الزحلقه من العجل الامامى هى ده اللحظه اللى بيبدأ يشتغل عندها ال EBD عن طريق حساب نسبه الزحلقه اللى فى العجل الامامى بالنسبه للخلفى و يبدأ فى تزويد قوه الفرامل الخلفيه بحيث يحافظ على نسبه الزحلقه ده متزيدش عن كده و فى نفس الوقت الفرامل الخلفيه ما تزيدش منه زياده عن اللزوم و العجل الخلفى يقفش و ده مكمن الخطر (و ده مش مرتبط بقوه الضغط على الفرامل قد ما هو معتمد على الطريق و زحلقه العجل عليه) انما كلامك ينطبق على الProportioning valve وليس الEBD وإلا ما كانش يبقه فيه فرق بين الEBD وال proportioning valve .

**nobody** · 14-09-2008 12:04 PM

عموما أنا قصدي ان ال ebd ما بيشتغلش الا في الآخر مع abs
أو زي ما انت قولت لو طريق مزحلق او رملة حيشتغل برضه
لكن في الفرامل المعتادة ما بيشتغلش

**mohamedway** · 14-09-2008 12:36 PM

مزبوط كلامك بس فى المشكله اللى بنتكلم عليها فى الانسر هى ان الزحلقه بتحصل من العجل الامامى بدرى قوى من غير ما تدوس جامد ولا حاجه و ما بتبقاش جايب أخر الفرامل ولا حاجه. وعلى فكره ده بيحصل قبل مرحله عمل الabs بكتير و ده العيب اللى فى العربيه.

**OldVic** · 14-09-2008 01:16 PM

المشاركة الأصلية كتبت بواسطة مصراوي جدا

تبديل مكان الفردتين دي افضل فكرة تعرفنا المشكلة فين بالظبط

مع الأخذ فى الإعتبار طبعا إذا كانت الاطارت Directional (أى لها يمين و شمال) و ذلك حتى تستقيم المقارنة.

**actronx** · 14-09-2008 04:07 PM

ايوه يا محمد بس انا عربيتي مش Abs كمان الكاوتش لسه جديد واتجهات الروتيشن مزبوطه .. انا مش عارف المشكله فين بزبط ياتري ممكن تكون بسبب المساعد ؟ لاني لسه مغير مساعد الشمال جديد وعامل 75 الف ...

**Ahmed Hassan** · 14-09-2008 04:22 PM

(غيرت الفردتين الأماميتين بفردتين ميشلان مقاس 205/60/r15 وبكده استفدت حاجتين)

1-الفرده ده مداسها على الأرض اعرض فامش هتتزحلق بسهوله بالاضافه انها ميشلان طبعا.

2-المقاس ده هيخلى قطر العجل الامامى اكبر شويه من الخلفى (الفرده الاصليه 195/60/r15 )

على فكره كده حضرتك عليت العربيه من قدام فقط... و بالتالي هتضعف الـتحكم في العربيه (handling/steering) خصوصا في الملفات و السرعات العاليه.. او لما يركب معاك حد في الكنبه اللي ورا

**mohamedway** · 15-09-2008 03:40 AM

المشاركة الأصلية كتبت بواسطة Ahmed Hassan

على فكره كده حضرتك عليت العربيه من قدام فقط... و بالتالي هتضعف الـتحكم في العربيه (handling/steering) خصوصا في الملفات و السرعات العاليه.. او لما يركب معاك حد في الكنبه اللي ورا

الفرده ال205/60 R15 اعلى من ال195/60 R15 بمقدار 6مم وده مش ملحوظه خالص و على فكره التحكم فى العربيه ممتاز بل بالعكس على السرعات العاليه فى السفر حاسس ان الدركسيون راكز فى ايدى عن الاول بس هو هيبقى فيه خطأ فى قراءه العداد بنسبه 2% يعنى لو ماشى على سرعه 100كم/س على العداد العربيه فى الحقيقه هتبقه ماشيه على سرعه 102كم/س وده نسبه خطأ مقبوله.