الموضوع: بعض الاستفسارات بخصوص الفلوينس ارجو المساعده

المشاركة الأصلية كتبت بواسطة osamasindbad1

عيد اضحى مبارك عليكم وكل سنه وانتم طيبين. انا اشتريت فلوينس 2011 كامله بدون فتحة سقف من يومين وانضميت لاسرة فلوينس انا كنت ميجاناوي كنت عايز اعرف ازاي اشغل مثبت السرعه لانه ما كانش عندي في الميجان وازاي اشغل البلوتوث عشان اتكلم في الموبايل ولو حبيت اركب وحدة رفع ده متاح ولا غير متاح وكنت عايز فانوس شبوره استيراد الاقيه فين ممكن يكون في صقر قريش

باشا أنا هحاول أفيدك فى اللى بعرف فيه ان شاء الله ... مثبت السرعة فى زرار جنب الهاند بريك تدوس عليه لتحت هيظهر عندك فى الشاشة اللى جنب عداد السرعة speed cruiso on وعندى فالعداد الديجيتال بينور أخضر تدوس على الزرار اللى فالدركسيون من ناحية الشمال هيثبتلك السرعة اللى انت عليها وتزود بالموجب والسالب انا عندى فالعداد الديجيتال السرعة بتتكتب فى العداد من فوق معرفش عند حضرتك هيتكتب فين .... الزرارين اللى على اليمين off لو عاوز تفصله ويفضل مسجل فى الذاكرة اخر سرعة وال Restore لو بعد ما فصلته من off عاوز ترجع تثبت اخر سرعة فالذاكرة ... لو فصلت من الزرار اللى جنب الهاند بريك مش هيسجل اخر سرعة ... نفس الأمر فى محدد السرعة لو دست عالزرار اللى جنب الهاند بريك لفوق هتلاقى على الشاشة speed limiter on ... باقى اقول لحضرتك مثبت السرعة مش بيشتغل فى سرعة اقل من 40 وممكن اى وقت تفصله لو دست عالفرامل ومحددد السرعة فى حالة الطوارئ لو عاوز تقرص بيفصل مع الكيك داون وبيرجع تانى اما تشيل رجلك

البلوتوث ... تدوس set up فى الكاسيت وتختار bluetooth بعد كدة تعلم على bluetooth on وتستنى اما يعمل جنبها علامة صح ... وتكون فاتح بلوتوث موبايلك وعامله visible طبعا وبعدين دوس على زرار phone هيدور على تليفونك ويعمل pair معاه وتلاقى مكتوب phone connected وتلاقى علامات الشبكة ظهرت على الشاشة وتتحكم فى الرد من الدراع اللى ورا الطارة

وحدات الرفع انا عندى لو دست دوستين ورا بعض على القفل فى الكارت الذكى بيقفل المرايات ويرفع الزجاج وسمعت من احد الإخوة الأفاضل هنا فالمنتدى انها من الموديلات 2013 ممكن حضرتك تجربها الله اعلم عندك ولا لأ

الحقيقة اساتاذ رامى وفى و كفى....... من الاخر

الاستاذ رامى وضح الامور جدا بس فى اضافه صغيره ان ممكن الضغط على الزر فى مقبض الباب مرتين علشان يرقع الزجاج و يقفل المرايات

المشاركة الأصلية كتبت بواسطة osamasindbad1

ياريت توضيح بعد اذنك زر ايه اللي ادوس عليه مرتين يرفع الازاز ده غير الكارت ارجو التوضيح

حضرتك فى زرار فى مقبض الباب بتاع السواق لو ضغطت عليه مرتين يرفع الزجاج و يضم المرايات

المشاركة الأصلية كتبت بواسطة osamasindbad1

انا متشكر جد ا استاذ رامي على ردك الحقيقه رد وافي جدا انا عربيتي موديل 2011 مفيهاش وحدة رفع بالنسبه للموبايل لازم يفضل visibleطول ماهو في العربيه عشان يشتغل لان انت عارف الموبيلات السامسونح مثلا بتبقى مرئي لمدة دقيقتين وبعدين يفصل ويرجع غير مرئي وشكرا لرد حضرتك وكل سنه وانت طيب

باشا أنت تؤمر .. بس على فكرة موبايلى سامسونج انا كمان وفى bluetooth setting فيها حاجة اسمها visible time out اختار أوبشن never

بس متهيألى انت بتحتاج يشوفه وقت ال connection بس مش طول الطريق جرب دى وجرب دى

بالنسبة لموضوع وحدات الرفع والمقبض دة بصراحة انا مش عارفه