عندي انا المرة دى :d
وفعلا اول مرة اعرف المعلومة دي ، كل اللى قريته قبل كدة انه كهربا
المهم انه مش هيدروليك تماما ، وفعلا احساسه مش زي بعض العربيات ( اللى تحس بيها انك بتلعب بلايستيشن )
عرض للطباعة
ايوه ايه الفكره فى ال الكترو هيدروليك
بيشتغل ازاي فهمونى :d
على حد علمى بيكون زى الباور الهيدروليك بس بيكون فيه موتور كهرباء بيشغل الباور بدل الزيت و الفرق بينه و بين الباور الكهرباء ان الكهرباء مبيفصلش على السرعات بيفضل بنفس الخفة لكن الكتروهيدروليك بيتقل حسب السرعة اللى ماشى عليها بس مش بيفصل خالص زى باور الزيت .
و الله اعلم
الكترو هيدروليك
يعنى باور بيشتغل بالزيت عادى جدا زى الباور العادى بس بيشتغل بموتور بدل من السير
يعنى الباور العادى بتلاقى سير واصل بين طرمبه الباور والتقسيمه اما الالكترو هيدروليك مافيش سير طرمبه الباور فيها موتور كهرباء هو المسئول عن الدوران وضغط وسحب الزيت
أستاذ أحمد ربنا يكرمك أنا مش عارف أشكر حضرتك ازاي علي كل الشرح ده إن شاء الله استلم علي خير
أنا متشكر جدا لكل أعضاء القسم شكرا وإن شاء استلم قريب علي خير يارب
طيب انا كانت معايا بيجو 505 موديل 90 وبعتها الاسبوع اللى فات وعايز اجيب عربيه زيرو
فعجبانى ال301 الهاى لاين بس من كلام الموجود هنا فى المنتدى
بس كنت عايز اعرف
هل ثباتها ومتانه الصاج زى ال 505 اللى كانت معايا ولا لا ؟
طيب هى فيها ESP ولا لا طيب ينفع يركب لها لو مانزلاش بيه ؟؟
يعنى الحاجات اللى ممكن اكون عايزها زياده تركب ولا ماينفعشى ؟؟
مرايات تعتيم وتتقفل بالكهربا وحدات رفع و ESP و شاشه dvd وكاميرا
ثباتها بالتأكيد افضل من 505 و 504 gl دى مفيهاش كلام طبعا
لان دى تكنولوجيا ودى تكنولوجيا تانية وزمن تانى ، انا في الـ 504 كنت اجيب 120 احس انى مش لامس الاسفلت اساسا واخرك في اي ملف 70 ولو انت جامد اوى 80 وتحس ان العربية هتقلب بيك
طبعا 301 مش كدة
الصاج جامد جدا ما شاء الله ، والفرامل ممتاااااااااااااازة وواسعة بشكل رهيب ودول اكتر حاجات عاجبيننى في العربية الحمد لله
الـ esp ما اعتقدش ينفع يتركب بسهولة
بقية الكماليات تركب لاي عربية بس الفكرة في نظام التوكيل والضمان في الحالة دى ..