يا وحوش عايز رابكو في اختيار سيارة للبيت

**haneena** · 15-09-2008 12:31 PM

استاذ احمد صباح الخيرات
اسمحلى اقول راى

البيكانتو عربية نسائية جميلة جدا جدا انا كانت معايا موديل 2006 ولسه بايعاها من تلات شهور
عربية سهلة فى سواقتها وركنتها وشكلها جميل وتابلوه شيك وقطع غيار معقولة وتوكيل غاية فى الاحترام طبعا مش هاقولك عليه
عيبها شئ واحد فقط لا غير وهو صغر حجم الشنطة ولو مش هاتستخدمها فى سفر تبقى المشكلة دى مش هاتحس بيها اساسا
وصالونها واسع بالنسبة لحجمها الخارجى ماتحسش انه ضيق ومزنوق زى عربيات تانية كتير فى نفس الفئة
والعربية ثابتة جدا وفى نفس الوقت مش واطية ولا عمرى حكيت فى اى مطب ودى ميزة كبيرة جدا

واسمحلى انصحك بلاش تجيب مستعمل للمدام ده مش تحيز والله بس انا باشوف ستات بتعطل بيهم العربيات فى وسط الطريق وبيبقى شكل العربية لسه من قريب يعنى مش قديمة وبيصعبوا عليا قوى وهم محتاسين كده
انا اول ماجبت اصريت اجيب زيرو عشان كده مع ان كل الناس قالولى هاتى كسر زيرو خبطى فيها وانتى جديدة فى السواقة
وبالنسبة لاعادة البيع بقت البيكانتو مطلوبة وانا جالى اكتر من زبون وكلهم من القاهرة مش عارفة ليه المهم العربية نزلت 7 الاف فى بيعها واظن ده فى سنتين ونص مش كتير
ونصيحتى كمان بلاش الافيو فيه ناس اعرفهم راكبينها وبيقولوا صاجها ورق وبتاكل بنزين وثباتها مش قد ايه
ربنا يوفقك للى فيه الخير

**Ahmed Aly** · 15-09-2008 03:59 PM

أ. أحمد عبد المقصود معلش والله مروحت لسة عند حماتي وانا برد عليك من الشغل الان
على العموم انا عبعتلك تليفوني على الخاص الان و نتكلم بس بليل عشان المكلمة ب 10 صاغ هههههههههه احسن من الاعلان اهه يا با شا .

انا شايف ان الزيرو اصلح و بفكر خلاص في البيكانتو

ان شاء الله عملكو مقارنة جمدة موت بين عربيتى الميجان 2008 وبين عربية اخويا سيفيك 2008 لما اخودها منه في الويك اند

شاكر لكم مشاركتكم لي و ربنا يجعله في ميزان حسناتكم جميعا .

**MoDyBeNz2008** · 15-09-2008 04:03 PM

ان شاء الله عملكو مقارنة جمدة موت بين عربيتى الميجان 2008 وبين عربية اخويا سيفيك 2008 لما اخودها منه في الويك اند

في انتظار المقارنة

شاكر لكم مشاركتكم لي و ربنا يجعله في ميزان حسناتكم جميعا .

العفو لا شكر على واجب

**Sharky** · 15-09-2008 09:43 PM

ربنا يبارك فى إختيارك يا احمد باشا

و فى إنتظار المقارنة المرتقبة بين الميجان و السيفيك

**megane_man** · 15-09-2008 09:55 PM

المشاركة الأصلية كتبت بواسطة sharky

ربنا يبارك فى إختيارك يا احمد باشا

و فى إنتظار المقارنة المرتقبة بين الميجان و السيفيك

ايوة شد حيلك في المقارنة ولو هتجيب البيكانتو هات أتوماتيك علشان الميجان أتوماتيك فمتتلخبطش في السواقة أو هتكسل تسوقها لأنها مانيوال ويبقي الضغط كله برضه علي الميجان