Honda CBR 250R Brand New

**mmabass** · 16-10-2013 02:52 PM

بعد السلام عليكم جميعا انا حابب اشتري الهوندا ال 250 r بس جديد من الفطيم وليه جديد ؟؟؟؟؟ عشان انا بخاف من المستعمل واللعب اللي بيحصل
ارجو من الخبراء افادتي
انا مش جايبة للعب انا جايبة مشاوري وطبعا استايلش في الاخر
ولكم جزيل الشكر

**alfath8** · 16-10-2013 06:26 PM

سعره جديد هايعدى 30 الف
والرقم ده ممكن تجيب بيه حاجة كويسة جدا واستعمال نضيف بس المهم انتا تتعب فى التدوير وتشترى من حد مضمون شوية علشان تجيب حاجة نضيفة

**mmabass** · 17-10-2013 12:38 AM

متشكر يا فندم على الرد بس انا المشكلة زي ما شرحت في البوست اني بخاف من المستعمل جدا لان اللعب كتير وانا مش خبير في موضوع الموتوسيكلات ده خالص انا عارف ان تمنة تقريبا 35 الف جنية بس انا مش عارف ال Performance هيبقى اخبارة ايه لانه سلندر واحد بس وانا الحقيقة مش بتاع جري يعني من الآخر جايبة مشاوير بس، حاجة خفيفة عشان الزحمة وقرف الزحمة وتقريبا هتكسح من العربية

**alfath8** · 17-10-2013 11:09 AM

موتور قوى هايديك اداء قوى واكيد مع الاهتمام بالصيانة هايديك عمر افتراضى اطول للمحرك
انما موتور واحدسلندر 250 انا بصراحة مستحرم فيه اصلا 20 مش 35 لو زيرو حتى
ممكن تجيب حاة مستعملة وتبقى استعمال نضيف جدا والسعر اللى انتا هاتدفعه معقول مش قليل بس تجيب حاجة قوية تقعد معاك ويوم ما تبيع تجيب فلوس مش تدوخ عقبال ما تشوفلها زيون نصيحة بلاش

هاعملك شوية اختييارت لو انتا عايز ريس او استريت للمشاوير
cb400 حبيبتى طبعا عملية جدا فى الشوارع بتاعتنا الجميلة وسعرها حنين فى العشرين وهتلاقى منها حالات نضيفة جدا
ممكن هورنت 600 وبرده هتلاقى حاجت نضيفة جدا
cbr 600 f4. cbr 600 f4i والاتنين احسن من بعض وسعرهم متناول وهتلاقى منهم حالات حلو كتير
فكر كده وخد لفة على المعارض ولا تحب تشترى متخافش هتلاقى ناس كتير وقفت معاك
بسس انتا انوى بس

**KHALED2010** · 17-10-2013 12:07 PM

سلام عليكم الاول بعد غياب 3 سنوات
30000 او 35000 فى نظرى 400 فاير وهايفضل معاك 10000 عليك وعلى ايمن فوزى حى السفارات بمدينة نصر عنده بايك كسر زيرو سودا فى رصاصى حاجة 4 سلندر عدادها 14000 كم بإستثناء العداد حالتها كسر زيرو حاجة هاتعيش معاك وحاجة بياعه 400 فاير