هيونداي كوبيه ٢٠٠٦ - ٧٨.٠٠٠ ؟؟؟

**Aladdin Nabil** · 16-10-2013 06:56 PM

السلام عليكم ،

أنا قدامي عربية هيونداي كوبيه ٢٠٠٦ (أنا بعشق الهيندآي كوبه ٢٠٠٦ ) ، ماشية ٥٠ ألف كيلو بس وأساسها فابريكة تحفة ، متزود فيها كماليات كتيرة أوي لكن أساسها سليم .

هيواندى كوبيه موديل 2006 مانيوال 1600cc الوحيده فى مصر لونها ابيض ابواب fly تكييف ثلاجه وحده انذار للسرقه كاميرا خلفيه سنسور باركينج شاشهdvd زينون عالى وواطى كاسيت بايونير فتحه سقف الكراسى بجلد الفبريكه العربيه ماشيه 51000 كيلو استعمال السياره راقى جدا وحاله السياره فوق الممتاز يعنى كسر زيرو بدون مبالغه والمعاينه خير دليل السياره بها رخصه لعام كامل

قولولي السعر ده مبالغ فيه ولا مناسب على حالتها ؟؟؟؟

**shawke hamed** · 16-10-2013 08:06 PM

مبااااااااااااااااااااااا ااااااااااااااااااااااااا ااااااااااااااااااااااااا اااااااااااااااالغ فية

**shawke hamed** · 16-10-2013 08:09 PM

لا سالتك مش مبالغ

**saddam** · 16-10-2013 08:10 PM

صديقي المواطن
عربية جميلة ومحترمة وشكلها حلو وأنصحك تشتريها فورا لو ده فعلا عدادها سليم والعربية فعلا فعلا نظيفة دقق في النظر والفحص والعربية يعتبر سعرها لقطة لو إستعمال راقي ﻷن كل الموجودات في مصر عنيها طالعة
وللأمانة العربية هي دي أسعرها ﻷن سوقها ثقيل فلو إنت غني وميهمكش.سرعة البيع تاخدها فورا وأسعارها بتبدا من 65 ألف ولغاية 85 ألف ولكن إنت تدفع لصاحبها 74 ألف وهو حيديك معاها شاحن موبايل وشنطة لابتوب
واﻷمانة العلمية بس لازم أقول لك العربية وحش والمكنة ال 1600 في مصر بس وأدائهغ مهزلة مكنتها صغيرة عليها لكن أنا في كوريا ركبت اللي محركها 2700 سي سي دي قنبلة متنكرة بزي عربية
والنصيحة لو نظيفة إشتريها
وبالتوفيق وإلى اﻷمام ومن نصر إلى نصر
ودمتم للنضال

**أسامه طياره** · 16-10-2013 09:48 PM

فكك من الكوبيه بيعجبني شكلها وكنت فعلا خلاص هشتري منها ال 2005 بس اتراجعت في اخر لحظه لأن ناس حذرتني من ان قطع غيارها مولعه وكمان مش موجوده من اصله !! وحتى الاستيراد صعب