تقنيات عزل الصوت في السيارات

**actronx** · 12-09-2008 04:00 PM

من المهم جدا عزل الصوت او تقليل كمية الضجيج داخل السيارة ..
لان كل السيارات القديمة ينعدم فيها العزل ومعظم سيارات الفئة المتوسطه الجديده العزل فيها مش كويسنوعا ما وممكن نقسم اسباب الضجيج الناتج داخل العربيه الي سببين رايسيين ..
صوت الضجيج الناتج من الشارع واحتكاك الكاوتش وصوت الضجيج الناتج من الماتور..
والحل لمثل هذه المشكله هو تركيب نظام عزل ,
وهذا النظام يختلف حسب كميه العزل المطلوبه ..
وهو يتكون من مواد عازله للصوت وتلزق في عده اماكن داخل السياره وتحت الكبوت ..
وهذه بعض الصور التوضيحيه :

ويمكن الحصول على الانظمة العازله دي من احد المواقع التاليه :
dynamat.com
او
b-quiet.com
او
cascadeaudio.com

وشركه b-quiet حاطه بعض الامثله لتركيب انظمة العزل الصوتي ف العربيات ..
فمثلا ..

انا عايز اعمل الموضوع ده بس على الكبوت و الشنطة والكرسي الخلفي .. بس مش عارف منين ممكن نجيب المواد المستخدمة.. ف لو حد يعرف ياريت يساعدنا .. وبفكر اطلبها اونلاين ..

**Casio2000** · 12-09-2008 10:05 PM

الفكرة داخلة دماغي قوى - بس أكيد محتاجة خبير في التركيب - حتى لو جبناها مصر مين حايركبها ؟

**magdy_momo** · 12-09-2008 10:29 PM

يا ريت و الله بس تكون مش مكلفه
بس مش ممكن ده يسبب حراره جامده للموتور خاصه اللي عند الكبوت

**actronx** · 12-09-2008 10:33 PM

بلنسبة للتركيب ...بقولو انه سهل جدا ومشروح خطوه خطوه بالصور في المانيول ..

اما بالنسبة للحراره ف بعض انواع الكيتات دي فيها كمان عازل حراري زي مافهمت .. وهم مجربينها اكيد مفيش منها مشكله

**aymaym** · 23-12-2009 07:12 PM

فى حاجه زى اللى ف الصوره كده بتتباع بالمتر عند بتوع موكيت العربيات بس هى اتخن شويه انا ركبتها ف الدواسه تحت الموكيت وفعلا قللت الصوت جامد وكنت ناوى اركبها ف الكبوت وورا الكنبه
للعلم المتر منها كنت جايبه ب 18 جنيه وبتعزل صوت وحرارا وبيقولوا عليه عازل سعودى