السلام عليكم يا شباب
كل سنة وانتم طيبين :)
أنا لاحظت عندي ان أحيانا و انا داخل على مطب مثلا و دايس دبرياج على الآخر ان الموتور لسة بيلف و فعلا بلاقي ال rpm ثابت على 1.5
بيقل لو استنيت عليه شوية
يا ترى إيه السبب؟؟
شكرا..
عرض للطباعة
السلام عليكم يا شباب
كل سنة وانتم طيبين :)
أنا لاحظت عندي ان أحيانا و انا داخل على مطب مثلا و دايس دبرياج على الآخر ان الموتور لسة بيلف و فعلا بلاقي ال rpm ثابت على 1.5
بيقل لو استنيت عليه شوية
يا ترى إيه السبب؟؟
شكرا..
ده عيب حساس الايدل
ممكن يحتاج نظافة ويرجع زى الفل ان شاء الله
الميكانيكي فك غطا البوابة و نضف الحساس و هو راكب ب سبراي منظف انجيكشن
و الحمد لله مظبوطة لحد دلوقتي
أتمنى تكون المشكلة اتحلت..
كنت داخل اقول
نضف البوابه
انا عندى نفس المشكله ونضفت الايدل والبوابه واتظبطت اسبوعين وبعدين رجعت تخرف تانى رحت فاكك الايدل هو جزئين جزء فيه الصوبع والسوسته ودول نضفتهم بمنظف كربراتير ولقيتهم كويسين لانى كنت منضفهم قريب الجزء التانى الاكويتر وده الجزء الكهربا الى بيتحكم فى فتح الصوبع ويقفله نضفته بمنظف للكهربا ونزل منه بلاوى وركبته تانى بس برده المشكله فضلت موجوده وزادت الاول كنت ادوس بنزين جامد كانت العربيه تتظبط على 900 لفه فى الدقيقه دلوقتى مهما ادوس او اطفى العربيه وادورها ثابته على 1200 ل 1500 ومش بتنزل مش عارف اعمل ايه الايدل انا جربته فتحت الكونتاك وقفلته وسمعت صوته وهو بيفتح وبيقفل معناه انه شغال انا بفكر اغير الاير ماس وخصوصا ان الجهاز لقط ان فيه عطل قبل كده وبعدها مقراش العطل ده واختفى ومفيش لمباه الانجن بتنور عندى تفتكروا ايه العطل وحله ايه اغير الاير ماس ولا الايدل ولا ايه ؟؟؟؟؟؟؟؟؟
اعمل سكان تانى اتاكد ان الاير ماس سليم
لو متأكد ان مفيش حاجة فى الاير ماس يبقى صمام الايدل
بس هل فكك ليه غير من وضعه الابتدائى ؟ و طبعا اكيد ركبت الاحكام المطاطى بتاعه
انا نضقت الايدل كويس جدا وركبته فى نفس مكانه ورجعت كل حاجه زى مكانت والكاوتش الى كانت بينه وبين البوابه كانت مقطوعه حته صغيره عملت واحده تانيه وركبتها مكانها بالضبط والاير ماس الجهاز مره لقط ان فيه مشكله لكن بعد كده مبيقولش ان فيه اعطال فى العربيه بس انا عندى كمان استهلاك البنزين زياده وفيه ريحه بنزين نى فى العادم المشكله دى محيرانى جدااااااااااااا
للاسف يا با شا حضرتك بوظت الايدل لازما حتما يتغير لانك المفروض لما تيجى تنضفه ما تلمسش الصابع ولا تحركه من مكانه لانه مظبوظ بطريقة الكترونية بالملى وحضرتك كمان المفرض لما تيجى تنظفه ما تفتحش الجزء الكهربى بتاعه دى حاجات استندرد ومبيتلعبش فيها والايدل بيتنظف برش الاسبراى على فتحته اللى فيها الصابع وبفرشة سنان صغيرة جدا تنظف القلب بتاعه والصابع بس براحة ومتحركوش من مكانه دى جزئية
الجزئية التانية حساس الاير ماس شغال عندك لانه لو مش شغال لمبة الاعطال هتنور هو كان عطل قديم كان مسجله الكمبيوتر نتيجة بعض الاتربة كانت عليه وراحت خلاص فاشتغل عادى
حل المشكلة عندك هو تغيير الايدل بس كده
ياباشا الايدل عندى مختلف عن الايدل الى حضرتك بتتكلم عليه انا عندى الايدل جزئبن مربوطين بمسامير وانا نزلت صورته عشان حضرتك تشوفها الجزء الميكانيكى الى فيه الصابع ده متثبت على سوسته كمرد ليه بس مفهاش ظبط والجزء الكهربا مقفول معتقدش انى بوظته لانى وصلته بالكهربا بعدها وفتحت الكونتاك واتاكدت انه بيتحرك وسمعت صوت من الايدل
Costas Rinis & Son Ltd > IAV012 - Idle control valve for RENAULT, ESPACE, LAGUNA, SCENIC, OPEL/VAUXHALL ASTRA, CALIBRA, VECTRA, OMEGA, CAVALIER
فهمت من كلامك ان موتورك ايكوتك صح كده؟؟
فك كابل البطاريه 10 دقايق وركبه تاني علشان تعمل ريستارت
للكونترول يونت .هتظبط معاك ان شاء الله