محتار بين الكورولا الهاي لاين ٢٠١٤ و الاوكتاڤيا a7 ٢٠١٤ الامبيشين

**محمد بلال** · 17-10-2013 01:43 AM

ممكن تشرحولى يعنى ايه فتيس الdsg

**inspiron** · 17-10-2013 02:02 AM

المشاركة الأصلية كتبت بواسطة محمد بلال

ممكن تشرحولى يعنى ايه فتيس الdsg

DSG هي إختصار لـ Direct Shift Gearbox وهو ناقل حركة مزود بسبع سرعات وهو براءة إختراع لشركة فولكس فاجن جروب .. وفكرته بتعتمد علي نقل الحركة عن طريق dual clutch بنظام تبريد جاف أو زيت في بعض الأجيال.وفيه بيتم تحضير النقلة التالية أثناء السير علي النقلة الحالية في أجزاء من الثانية..وده بيتفادي فقد القدرة اللي بيحصل بين كل نقلة والتانية في الفتيس الأوتوماتيك العادي.وده بيديلك تسارع ممتاز وشبه إنعدام إحساس بالنقلات.

مشكلة الفتيس ده إن في خطأ في التصميم بتاعه بيسبب خلل في وحدة الميكاترونيك والوحدة دي تقدر تقول عليها الـ Mother board بتاعة الفتيس.ودي بيبقي فيها عدة صمامات..بعد عدد معين من الكيلو مترات حسب الظروف الجوية ودرجة الزحام اللي العربية بتمشي فيه.بيحصل انسداد في الصمامات دي بسبب احتكاك التروس ببعض وحدوث رايش من الإحتكاك ده..وهنا الغلطة..إن الرايش بيدخل في الصمامات ويسدها.ودلوقتي شركة فولكس عملت استدعائات للسيارات اللي من عام 2009 حتي 2011 و 2012 عشان اعتزموا إنهم عالجوا المشكلة..وكلنا منتظرين التأكيد علي صحة الخبر ده.

**inspiron** · 17-10-2013 02:44 AM

المشاركة الأصلية كتبت بواسطة mostafa_dreem

الله ينور ياباشا وكل عام وانت بخير وعيد سعيد

أشكرك يا باشا وحضرتك بالصحة والسلامة :)

**saddam** · 17-10-2013 04:51 AM

صديقي المواطن
والله الواحد يريد يدلي بدلوه ويساعدك في حيرتك ولكن أما.معاهد نفسي إني مش حغش أي حد لا بقول ولا بفعل وأنا بما يرضي الله وعلى قدر فهمي وخبرتي المتواضعة في مئات السيارات إلا أن المصيبة وتكاد تكون الحقيقة الوحيدة في موضوعنا هذا وبغض النظر عن جودة السيارتين ولكن للأمانة السيارتين مبالغ في سعرهما ولا تساوي المبالغ المدفوعة بها والبحث عن بدائل هو عين العقل ونسأل الله الثبات وأدعو لك بالخير
وبالتوفيق وإلى اﻷمام ومن نصر إلى نصر
ودمتم للنضال

**Maskar206** · 17-10-2013 10:31 AM

انا سعيد بمشاركتكم لي حتي الآن، احد مشاكلي مع الاوكتافيا موضوع التوكيل، انا خبرتي في التعامل مع تويوتا ممتازة. و لكني قلق للغاية من سمعة اركتوك اوتو. يا تري اصحاب الاوكتاڤيات و السكودا عامة يقدروا يفيدونا بإيه من خبرتهم مع التوكيل؟ يا تري يعتمد عليه لو حصل مشكلة كبيرة زي الفتيس؟

**Samir_Adel** · 20-10-2013 12:39 AM

هي الأوكتافيا تتفوق علي الكورولا في التقفيل و استهلاك البنزين بحكم انها 1400 و التجميع و الثبات.

**Samir_Adel** · 20-10-2013 12:44 AM

المشاركة الأصلية كتبت بواسطة maskar206

انا سعيد بمشاركتكم لي حتي الآن، احد مشاكلي مع الاوكتافيا موضوع التوكيل، انا خبرتي في التعامل مع تويوتا ممتازة. و لكني قلق للغاية من سمعة اركتوك اوتو. يا تري اصحاب الاوكتاڤيات و السكودا عامة يقدروا يفيدونا بإيه من خبرتهم مع التوكيل؟ يا تري يعتمد عليه لو حصل مشكلة كبيرة زي الفتيس؟

هو توكيل مش ردئ هو بس حراق!
بالنسبة لموضوع الفتيس, انا معايا العربية دي و داخل في 5 الاف كيلو و كل شوية اقلبها مانيوال و اس اللي هو السبورت و مفيش اي مشاكل! بلاش نعمم علي حالات فردية.. و بعدين دة الأصدار الجديد.