شكرا للمعلومه القيمه دى يا فادى بك ... أحب أقول حاجه كمان
لو أى حد فك الطرمبه حذارى ثم حذارى من الأستك ( جوان وش الطرمبه ) تأكد انك ركبته كويس عشان ممكن يعمل مشكله كبيره
تحياتى
عرض للطباعة
الله ينور
يا فادي ماهو اللي قال انه فك التنك من شهرين ، مش صح يا عم هشام ؟ ما علينا
فيه حاجة اتخنقت منها وهي اني من ساعة اما قريب موضوعك ، وكنت في البلد من يومين بدور على بنزين 92 ودايخ عليه وفي الاخر حطيت 90 ، وكان المؤشر على الـ 20 تقريبا
بعد اللف دا كله العربية اخدت 20 لتر !!
والمؤشر فضل يعلى بالتدريج ووقف عند 52 لتر !
بركاتك يا هشام بيه ، هي ماسورة هشام جات عندي ولا ايه ؟!
يعنى انت اخدت بالك ان المؤشر عند ٢٠ وما اخدتش بالك انك المفروض انك استهلكت ٤٠ لتر ؟؟ المفروض انك بتبقى عارف انت مشيت قد ايه وبتحسبه بعيد عن المؤشر
ثانيا انت متأكد ان العربيه فولت كويس ؟؟
والمؤشر بتاعك مظبوط ولا كان بيهيس ؟؟؟
إتأكد من الحاجات دى وبعد كده خلص ٢٠ لتر من التانك وافتح الغطا السرى يا باشا بعد ما تشيل كتاوت الطرمبه وطلع العوامه ورش على المؤشر مزيل صدأ ( d-w40 ) وسيبها ربع ساعه وبعد كده اغسلها ببنزين
ومد ايدك فى التانك من فتحه العوامه طبعا بعد ما تطلعها لو عندك ماسوره زى عندى هتلاقيها عل ايدك اليمين وانت قاعد ظهرك للكاسيت بين الكرسيين اللى قدام وهاتزقها بإيدك الشمال ناحيه اليمين على قد ما تقدروتركب تانى وادعيلى
انا فكيت التانك عند ميكانيكى عشان كان فيه خرم .. مش انا اللى فكيته يا بطل
جرب اللى قلتهولك ده بالترتيب ولو حاجه مش واضحه كلمنى
وش الطرمبة مش راضي يبات في مكانه لازم افضل دايس عليه بايدي ، عادي ولا لازم يبات لوحده من غير ما اقفل عليه بالجوان الحديد ؟
والجوان الحديد مش عارف اربطه تاني ، مطلع عيني
اتفرجت على فيديو من اليوتيوب عشان اعرف اربط الجوان الحديد لأنه طلع عيني
الفكرة طلعت في ايه بقى ، انا كنت باربط وجها لـ وجه ، يعني عايز ازق الكلبسات الحديد بتاعت الجوان عشان تدخل بوشها في كلبسات القاعدة
في الفيديو الراجل زقها بضهرها ، العلم نور فعلاً
المهم باردوا وش الطرمبة مش راضي يبات زي ما فكيته أول مرة ( فكيته بالمفك من الجنب عشان يطلع ونطر كدا وهو بيطلع)
بص على الصورة كدا
http://img24.imageshack.us/img24/2244/fev8.jpg
اللي معلم عليها بالدايرة الحمراء ديه حتة حديد من وش الطرمبة واختها تحتها عالطول
الحتة ديه مش بايتة كويس زي اختها ، طلعة سنة شوية لفوق
شوف الفيديو دة يا محمود طريقة فك وتركيب طلمبة البنزين
https://www.youtube.com/watch?v=RuPazvxJ5f4
تحياتى
ماهو ده الفيديو اللي اتفرجت عليه امبارح يا أيمن :)
ايه رأيك في موضوع حتة الحديد بتاع وش الطرمبة اللي مش بايتة في مكانها زي اختها اللي تحتها وقابة لفوق سنة ؟