مصيبة أوكتفيا A7 بعد 200km!!

**aminyassien** · 17-10-2013 08:14 PM

هو فييييه اييييه

**Samir_Adel** · 17-10-2013 11:39 PM

يا استاذ, أنا من ملاك العربية دي و داخل في 5 الاف كيلو و مفيش اي مشاكل في الفتيس خالص و كل شوية اجيبة علي الأس و المانيوال و مفيش ادني مشكلة! و لو دة حصل حقيقي يبقي عيب صناعة فردي مش اكتر ولا اقل.

**mostafa_dreem** · 18-10-2013 12:25 AM

المشاركة الأصلية كتبت بواسطة samir_adel

يا استاذ, أنا من ملاك العربية دي و داخل في 5 الاف كيلو و مفيش اي مشاكل في الفتيس خالص و كل شوية اجيبة علي الأس و المانيوال و مفيش ادني مشكلة! و لو دة حصل حقيقي يبقي عيب صناعة فردي مش اكتر ولا اقل.

الاستاذ سمير ياريت نتواصل لمعرفة اى شئ جديد بالسيارة ونفيد الزملاء ايضا باالموقع علشان حضرتك شكلها معاك قبل منى بكتير انا كل يوم بكتشف اوبشن جديد اخر حاجة باركينج لايت امبارح وبجرب زرار مراية الصالون ايضا امبارح بشد مفتاحها لاسفل اكتشفت تحول المراية لتعتيم الاضاءة العالية من السيارات بالخلف حضرتك عارف الاوبشنين دول وياريت تفيدنى فى تشغيل كارت الميمورى بالطابلوه حضرتك شغلته جربت اكتر من كونفرتر وبرده مش قادر يقراه وموضوع الكاوتش ايضا كل مشوار يطلعلى تحزير الكاوتش مش مظبوط انا شاكك يكون فى عجلة بها خرم ولا بيعمل عندك كده ايضا برجاء الافادة

**inspiron** · 18-10-2013 02:31 AM

يا ريت يا ريت يا ريت حد من ملاك العربية يمن علينا بفيديو لتسارع العربية من الثبات

**mostafa_dreem** · 18-10-2013 03:23 AM

المشاركة الأصلية كتبت بواسطة kasko

يا جماعة أنا كنت عند جينز كار بعمل فرش جلد .. قابلت واحد معاه قشقاي .. وأستاذ أحمد شكله كان يعرفه من قبل كده .. كان باين من كلامهم ..

المهم .. أستاذ أحمد بيسأله إنت ليه ركبت قاشقاي المرة ده .. قاله أصل إنت ماتعرفش .. أنا أصلا كنت حجزت أوكتفيا اح أول فئة .. واستلمتها من الليثي اللي قدام علي رضا وبعد مارخصت ومشيت 200 كم .. حصلت مشكلة .. اخدتها على التوكيل .. قالولي الميكاترونيك بتاع الفتيس طرقع !!! طار!!!

وعرف كمان إن ده مش أول مرة .. ده حصلت في 7 أو 8 عربيات من المجموعة اللي اتسلمت !!!

المهم بعد خناقة وتحديد بحماية المستهلك .. ورفض المالك تصليح العربية .. والمطالبة بالفلوس .. عرف يظبط مع الليثي إنه ياخد قاشقاي ويخسر الفرق اللي هو 20,000 جنيه لزوم تركيب النمر

العهده على الراوي .. والله أعلم .. بس أستاذ أحمد كان معايا وواقف مذهول

وهوه فين الاستاذ صاحب الموضوع ليه مفيش تواصل بالرغم انى لقيت رابط الموضوع فى قسم التويوتا لينك لاى حد يقول محتار بين الاوكتافيا والتويوتا الاقى اللينك
( مصيبة a7 الحق )
هل تم التحقق من المصيبة

**inspiron** · 18-10-2013 04:44 AM

المشاركة الأصلية كتبت بواسطة mostafa_dreem

وهوه فين الاستاذ صاحب الموضوع ليه مفيش تواصل بالرغم انى لقيت رابط الموضوع فى قسم التويوتا لينك لاى حد يقول محتار بين الاوكتافيا والتويوتا الاقى اللينك
( مصيبة a7 الحق )
هل تم التحقق من المصيبة

باشا ممكن تطل علينا بفيديو تسارع لعربية سيادتك من الثبات عشان نحكم علي أداء الموتور ؟

**mostafa_dreem** · 18-10-2013 09:48 PM

المشاركة الأصلية كتبت بواسطة samir_adel

بالنسبة لموضوع الباركينج لايت و المراية ذاتية التعتيم دول مش عندي! هو حضرتك مش معاك الأمبيشين اللي ب 224؟! و بالنسبة لمكان الفلاشة هو بيقراة امتداد الأم بي ثري و الأوديو بس و ظهرلي مرة موضوع تحذير الكاوتش مش مظبوط و روحت عند واحد و ظبطلي هوا و عملت سيت و كلة تمام و في العادي انا بظبط هوا كل اسبوعين.

ايوه الامبيشين باشا اكيد عند حضرتك بالليل لما تخرج المفتاح جرب كده نزل الاشارة لاسفل هينور نور فى الامام والخلف والعكس ده اكيد وجرب قبل ده رجع دراع النور العالى وهيقولك فى الشاشة باركينج لايت
موضوع تحذير الكاوتش ده بيظهرلى كل مشوار ياباشا بس انا شاكك فى كاوتش به مشكلة
بالنسبة لكارت الميمورى بقى الى فى الدرج اسفل السي دى حضرتك جربته
بص بقى باباشا انا من يومين كنت ماشى فى طريق المطار وكله جايب العالى من الخلف رجعت زرار مراية الصالون حسيت بوجود فاميه فأعتقدت ان ده التعتيم شايف السيارات من الخلف ونورهم العالى اختلف خالص

**engherc** · 19-10-2013 02:55 AM

هو مبدئياً معتقدش أن في حاجة أنها ترجع للمعرض نفسه عشان عيب في العربية ، بس لو حد بس قلي هو الليثي اللي قدم علي رضا ده اللي هو فين و انا أتأكد لكم من الليثي نفسه

-

-

الموضوع: مصيبة أوكتفيا A7 بعد 200km!!

LinkBack

أدوات الموضوع

عرض

-

-

-

-

المواضيع المتشابهه

اوبل استرا ام رينو ميجان ام سكودا أوكتفيا

اوبل استرا ام رينو ميجان ام سكودا أوكتفيا

نحن في مصيبة يا سادة

skoda fabia1.4...200km\h

الكلمات الدلالية لهذا الموضوع

المفضلات

المفضلات

ضوابط المشاركة