الموضوع: كورولا موديل كام ؟ اقدر اشتريها بـ 70 الف تقريبا وتكون حالتها تحفة واوتوماتيك

المشاركة الأصلية كتبت بواسطة amrelsaqqa

احنا كنا شاريين تويوتا 2001 راشة حزام 120 الف كيلو اوتوماتيك 1300 بـ 80 ده قبل ما العربيات تغلى ، للاسف اسعار التويوتا بالذات جنووون وهبل

وعلى فكرة مفيش وجه مقارنة بين الشكل اللى بعد 2000 والشكل بتاع التسعينات ، بتاع التسعينات ده هتحس انك راكب عربية قديمة كربراتير واسبراتير ووجع دماغ وضيقة وقعدتها مش لذيذة ومش حديثة زي الشكل اللى بعده ...

للدرجة ده تكنولوجيا تويوتا التسعينات قديم .. شكرا لردك

المشاركة الأصلية كتبت بواسطة crazydeepman

ثواني كده و صلوا على النبي انا واحد صاحبي بكان طالب في كورولا 99 مبلغ 53 و باعها لحماه في الاخر ب 47 عشان صله النسب لكن ال 70000 مبيجيبوش حاجه ي الالفينات ديه صعبه شويه انا رايي لصاحب الموضوع شوف الاول مواقع البيع و انزل سوق السيارات بنفسك لتاخد السعر النهائي

انا بتكلم في موديل زي كده ومشترطش موديل الفينات
لكن رد amrelsaqqa فهمني الليلة

المشاركة الأصلية كتبت بواسطة psycholain

70000 متجبش غير عيون بس منصحكش ممكن تجيب تويوتا الملكة اللي هي من موديل 1992 لما فوق الشكل اللي قبل العيون بس ال 1600 و توفر كمان 10000 علي الاقل

حدور عليها حالا على النت ان شاء الله
شكرا لك

المشاركة الأصلية كتبت بواسطة psycholain

يا باشا انا لسه في رمضان اللي فات بايع كورولا 1992 مانيوال فاضية خالص من غير حتي باور و زجاج مانيوال و 1300 سي سي و ماشية 200000 كم ب 50000 جنيه العربيات غليت جدا و الناس بتشترى. فعلا افقر بلد و اغلي سعر عربيات في العالم حاجة تجنن

المواصفات الضعيفة ده - مع احترامي - وبالمبلغ ده وكمان ممكن تكون غليت
ده الاوبل افضل على كده

المشاركة الأصلية كتبت بواسطة newcastle

ممكن تفكر في ياريس

بعد كلام الاعضاء .. اكيد فكرت في الياريس .. مش لسه حفكر

المشاركة الأصلية كتبت بواسطة Eng_hatemfathy

مفيش داعى ترمى فلوسك فى عربيه اكل كتير
فكر فى نيسان عليها الزمن وشرب وف الاخر تويوتا
انا واحد من انصارالجديد ولو اقل فى الفئة هتحس انك راكب عربية بريحة الفابريكة مش عربية بقالها 20 سنه على الارض واكيد علم عليها الزمن كتير -فكر فى نيسان 2009 او 2010 بالميلغ ده هتبقى افضل بكتير واوتوماتيك واير باج واى بى اس وممكن فيميه كمان
ودى افضل من الياريس بالنسبه ليا وافضل من كرولا قديم بتاع التسعينات

انا فكرت في التويوتا عشان عربية نضيفة وقطع غيارها رخيصة
بعد المعاناة مع الاوبل
فلو النيسان فيها الشروط ده حبحث حالا عن عربية كويسة ان شاء الله

المشاركة الأصلية كتبت بواسطة yassermahmmoud

أخي الكريم معلش 70 ألف بعيدة شوية عن الكورولا لو تقدر تزود شوية وتخش في ال 80 مممكن تجيب، لأن الكورولا عربية من أحسن العربيات المعمرة في تويوتا

مفيش مشاكل ازود المبلغ ان شاء الله
بس اجيب موديل الفينات .. فهل الـ 80 ممكن يخليني الاقي حاجة كده

السلام عليكم

وحهة نظر انا معايا كورولا 97 ووالدي اتحايل عليا علشان اغيرها بس انا متربس دماغي وبموت في العربيه دي وخصوصا ان معانا النيسان 2006 بس بصراحه ولا حاجه جنب الكورولا وركبيت الفليونس والالنترا بتوع اخواتي بس بردوا مفيش غيرك يا ملكه وبالذات بعد ما سقطت مكنه 20 صباب وحش ما شاء الله :)

المشاركة الأصلية كتبت بواسطة O.M.S

السلام عليكم

وحهة نظر انا معايا كورولا 97 ووالدي اتحايل عليا علشان اغيرها بس انا متربس دماغي وبموت في العربيه دي وخصوصا ان معانا النيسان 2006 بس بصراحه ولا حاجه جنب الكورولا وركبيت الفليونس والالنترا بتوع اخواتي بس بردوا مفيش غيرك يا ملكه وبالذات بعد ما سقطت مكنه 20 صباب وحش ما شاء الله :)

وده زي ما بيقول الاخ amrelsaqqa
كربراتير واسبراتير وضيقة ومش باور وكده
ولا ايه النظام

المشاركة الأصلية كتبت بواسطة egyption2012

وده زي ما بيقول الاخ amrelsaqqa
كربراتير واسبراتير وضيقة ومش باور وكده
ولا ايه النظام

هي كانت كربراتير بس انا سقط مكنه انجيكشن 1600 20 صباب 165 حصان والعربيه مش ناوي اغيرها خالص وبصراحه عيبها الوحيد انها ديقه شويه بس مش قوي يعني

الغريب ان العربية موديل 2012 عاملة حوالي 175 الف على كونتاكت كارز
والغريب اكثر ان مفيش مستعمل منها قبل 14 سنة يعني موديل الفينات
وبسعر 80 الف .. يعني نصف تمنها جديد او اقل قليلا
هل للدرجة ده سعر اعادة البيع هايل كده ؟

المشاركة الأصلية كتبت بواسطة egyption2012

الغريب ان العربية موديل 2012 عاملة حوالي 175 الف على كونتاكت كارز
والغريب اكثر ان مفيش مستعمل منها قبل 14 سنة يعني موديل الفينات
وبسعر 80 الف .. يعني نصف تمنها جديد او اقل قليلا
هل للدرجة ده سعر اعادة البيع هايل كده ؟

ياباشا العيب فى السوق مش العربيه هى الى مميزه هتشترى موديلات تسعينات ب80 الف فى عربيه مفيهاش اى نكنولجيا وعربيه زى الزفت على فكره الكورولا القديم ده زودلك 10 او 12 وخدلك بى ام موديل 96 ل 98 عالاقل تحس انك ركبت عربيه

ده الى كانو شارينها زيرو بعد ما استخدمها كسب فيها . العيب فى السوق المصـــــــــــــــــــــ ـــــــــــرى والكورولا بتغلى عن الزيرو عندنا بس .الكرولا تحت ال2000 دى بره بتراب الفلوس

( الكورولا أسعار مستفزه فى مصر وهى اصلا عربيه اقتصاديه جيده بسعر مناسب لعامه الناس )
بس عندنا الناس بتاخدها بالاسم وخلاص
ومن وجهه نظرى مفيش حاجه اسمها عربيه معمره . الصح فى عربيه أستخدمها نضيف وصيانتها مزبوطه عشان كده العربيه عاشت

المشاركة الأصلية كتبت بواسطة egyption2012

يعني رأيك ابحث عن ياريس وانسى الكورولا عشان المبلغ

تمام حضرتك... الياريس ممكن تﻻقي اواخر السبعينات ولو تمانينات حتبقي حالتها افضل اكيد .. وبالتوفيق ان شاء الله ومبروك مقدما : )