السلام عليكم ورحمة الله وبركاته
بفكر انتقل من عالم اوبل لعالم التويوتا وخاصة الكورولا او الياريس كاختيار ثاني
المبلغ الممكن دفعه 70 الف تقريبا
وعايز اعرف موديل كام اقدر اشتريه بهذا السعر ولكن تكون حالة السيارة جيدة وتكون اوتوماتيك
شكرا لكم
السلام عليكم ورحمة الله وبركاته
بفكر انتقل من عالم اوبل لعالم التويوتا وخاصة الكورولا او الياريس كاختيار ثاني
المبلغ الممكن دفعه 70 الف تقريبا
وعايز اعرف موديل كام اقدر اشتريه بهذا السعر ولكن تكون حالة السيارة جيدة وتكون اوتوماتيك
شكرا لكم
كورولا 1970
كسر زيرو
اعتقد اقل ياريس اوتوماتيك حتبقي في التمانينات والله اعلم
ممكن تخليها 75 وتشوف ياريس انما كورولا اعتقد ممكن كورولا عيون القديمة اواخر تسعينات
احنا كنا شاريين تويوتا 2001 راشة حزام 120 الف كيلو اوتوماتيك 1300 بـ 80 ده قبل ما العربيات تغلى ، للاسف اسعار التويوتا بالذات جنووون وهبل
وعلى فكرة مفيش وجه مقارنة بين الشكل اللى بعد 2000 والشكل بتاع التسعينات ، بتاع التسعينات ده هتحس انك راكب عربية قديمة كربراتير واسبراتير ووجع دماغ وضيقة وقعدتها مش لذيذة ومش حديثة زي الشكل اللى بعده ...
70000 متجبش غير عيون بس منصحكش ممكن تجيب تويوتا الملكة اللي هي من موديل 1992 لما فوق الشكل اللي قبل العيون بس ال 1600 و توفر كمان 10000 علي الاقل
و حضرتك طيب
"دعابه سريعه"
ثواني كده و صلوا على النبي انا واحد صاحبي بكان طالب في كورولا 99 مبلغ 53 و باعها لحماه في الاخر ب 47 عشان صله النسب لكن ال 70000 مبيجيبوش حاجه ي الالفينات ديه صعبه شويه انا رايي لصاحب الموضوع شوف الاول مواقع البيع و انزل سوق السيارات بنفسك لتاخد السعر النهائي
ممكن تفكر في ياريس
مفيش داعى ترمى فلوسك فى عربيه اكل كتير
فكر فى نيسان عليها الزمن وشرب وف الاخر تويوتا
انا واحد من انصارالجديد ولو اقل فى الفئة هتحس انك راكب عربية بريحة الفابريكة مش عربية بقالها 20 سنه على الارض واكيد علم عليها الزمن كتير -فكر فى نيسان 2009 او 2010 بالميلغ ده هتبقى افضل بكتير واوتوماتيك واير باج واى بى اس وممكن فيميه كمان
ودى افضل من الياريس بالنسبه ليا وافضل من كرولا قديم بتاع التسعينات
أخي الكريم معلش 70 ألف بعيدة شوية عن الكورولا لو تقدر تزود شوية وتخش في ال 80 مممكن تجيب، لأن الكورولا عربية من أحسن العربيات المعمرة في تويوتا
للدرجة ده تكنولوجيا تويوتا التسعينات قديم .. شكرا لردك
انا بتكلم في موديل زي كده ومشترطش موديل الفينات
لكن رد amrelsaqqa فهمني الليلة
حدور عليها حالا على النت ان شاء الله
شكرا لك
المواصفات الضعيفة ده - مع احترامي - وبالمبلغ ده وكمان ممكن تكون غليت
ده الاوبل افضل على كده :crying2:
بعد كلام الاعضاء .. اكيد فكرت في الياريس .. مش لسه حفكر :fdsa:
انا فكرت في التويوتا عشان عربية نضيفة وقطع غيارها رخيصة
بعد المعاناة مع الاوبل
فلو النيسان فيها الشروط ده حبحث حالا عن عربية كويسة ان شاء الله
مفيش مشاكل ازود المبلغ ان شاء الله
بس اجيب موديل الفينات .. فهل الـ 80 ممكن يخليني الاقي حاجة كده
السلام عليكم
وحهة نظر انا معايا كورولا 97 ووالدي اتحايل عليا علشان اغيرها بس انا متربس دماغي وبموت في العربيه دي وخصوصا ان معانا النيسان 2006 بس بصراحه ولا حاجه جنب الكورولا وركبيت الفليونس والالنترا بتوع اخواتي بس بردوا مفيش غيرك يا ملكه وبالذات بعد ما سقطت مكنه 20 صباب وحش ما شاء الله :)
الغريب ان العربية موديل 2012 عاملة حوالي 175 الف على كونتاكت كارز
والغريب اكثر ان مفيش مستعمل منها قبل 14 سنة يعني موديل الفينات
وبسعر 80 الف .. يعني نصف تمنها جديد او اقل قليلا
هل للدرجة ده سعر اعادة البيع هايل كده ؟
أعتقد 70 الف تجيبلك ياريس مرتاح
وإبعد عن الكورولا وأسعارها المستفزه
ياباشا العيب فى السوق مش العربيه هى الى مميزه هتشترى موديلات تسعينات ب80 الف فى عربيه مفيهاش اى نكنولجيا وعربيه زى الزفت على فكره الكورولا القديم ده زودلك 10 او 12 وخدلك بى ام موديل 96 ل 98 عالاقل تحس انك ركبت عربيه
ده الى كانو شارينها زيرو بعد ما استخدمها كسب فيها . العيب فى السوق المصـــــــــــــــــــــ ـــــــــــرى والكورولا بتغلى عن الزيرو عندنا بس .الكرولا تحت ال2000 دى بره بتراب الفلوس
( الكورولا أسعار مستفزه فى مصر وهى اصلا عربيه اقتصاديه جيده بسعر مناسب لعامه الناس )
بس عندنا الناس بتاخدها بالاسم وخلاص
ومن وجهه نظرى مفيش حاجه اسمها عربيه معمره . الصح فى عربيه أستخدمها نضيف وصيانتها مزبوطه عشان كده العربيه عاشت
هل الياريس اعتمادية وعربية حلوة
يعني لو قارنتها ياريس 2005 مع استرا 2005
حتكسب ولا الاوبل حتكون افضل .. خاصة وان الاسترا معايا زي الفل الحمد لله
المشكلة فقط في صيانتها المكلفة
شكرا لرد حضرتك المقنع جدا
حنتقل للبحث عن الياريس ان شاء الله
السؤال الاهم : هل فيها امبولايزر
الياريس فيها مفتاح مشفر حتي خش شوف في منتدي واحد كان بيدور علي ياريس ومبلغ بتاع حضرتك هيجيب ياريس ونصيحة سيبك من اسعار النت علشان كولوا طالع فيها يعني مثال كروز 2010 ب 100 الف والعربية وقتها كانت ب 110