الموضوع: أهل الخبرة اصدقائى الاكارم

المشاركة الأصلية كتبت بواسطة ابوابراهيم323

هو ده الكلام المفيد
كنت عاوز تشجيع من الاعضاء ولكنهم اهملونى
انا فعلا العربيه عجبانى جداااا والكل اللى بيشوفها بيشكر فيها وفى الحاله بتاعتها


بس اللى بيخلينى اتضايق
كل ما اكون مسافر البلد لازم يحصل حاجة فيها تخلينى اكره المستعمل
طبعا الفكرة بتاع الجديد خطرت على بالى وصليت الاستخارة بس ذى ما حضرتك قلت انا مش علشان الكماليات لا بالعكس انا محتاج الفلوس فى حاجة بس من اللى بيحصل من مواقف واعطال خلانى افكر بس كنت محتاج حد يوضح لى موضوع انه فعلا مفيش عربيه 80 الف حتكون كويسه
لذا قررت اصرف على سكودا لحد 5000 جنيه علشان نعيش مع بعض

وان شاء الله اروح للميكانيكى قريب واشوف موضوع طقم شنبر
يا اما ذى الاستاذ صبحى ما اقترح موتور استيراد بس هو اللى يجيبه ليه على ضمانته

يا أستاذ إكرامي الفليشيا والله متتعوضش ولسة حاططها فى اختبار مهبب فى العيد حمولة فوق طاقة العربية والعربية ماشاء الله والله اكبر ماشية ع الطريق زي الاسد بس طبعا بتحك فى المطبات

المهم أنا عاوز تبقي ميكانيكي وكهربائي العربية ......... وعندك المنتدي وكل الموضوعات المصورة
ركز حاول تتعلم كل معلومة هتعرفها هتفيدك فى الظروف اللى بتتعرضلها والله أنا كمان كنت عامل زي حضرتك كل ما العربية تعمل معايا فصل اكرة المستعمل وافكر ابيع بس زي ما الاعضاء تفضلو وقالو العربية محترمة وكويسة بتستحمل الاشغال الشاقة ولو اتباعت بتمنها مش هتقدر تجيب حاجة محترمة ............. أنا أويد بشدة لو الموتور فيه مشاكل توصل للعمرة بلاش منه وهات موتور استيراد وعلى فكرة فيه شركة بتشتري منها الموتور داخل القاهرة والموتور علي التجربة ولما كنت بثبت الموتاور على الرخصة لاحظت ان أغلب المواتير اللى كانت بتثبت من استيراد نفس الشركة بتديك الموتور بالضمان والتجربة ودة صورة الافراج الجمركي بتاع الموتور بتاع عربيتي خد منه العنوان واعرف تفاصيل اكتر منهم




وفي النهاية الفليشيا كويسة وأنا بعتبر نفسي بقيت ميكانيكي وكهربائي العربية يعني الحمد لله لما العربية بتعطل مني بقدر اتصرف واصلحها وامشي بيها تاني ودة اللى محببني فيها رغم انها زي عربيتك كل فترة بتعمل فيا عمايل سودا بس خلاص اتعودت عليها واتعودت عليا ........... نصيحة اتعلم مد ايدك فى العربية مش هتخسر حاجة بالعكس هتتعلم ومحدش هيشتغلك ......... لما تبقي عند الميكانيكي اسبقة على الكبود ونط جوة الكبود واعرف بيعمل اية واتعلم واسأل وانتا المستفيد فى النهاية ......... كل عام وانتم بخير واسف ع الاطالة

المشاركة الأصلية كتبت بواسطة amr011111

هى المشكله فى البلد على فكره :)

فعلا هى المشكلة فى البلد انا روحت بيها فى العيد الحمد الله الصبح اخدت مسمار 7 سم فى الكوتش الخلفى وانا لسة مغير طقم الكوتش كلة بالكامل زى ما انتو عارفين....

روحت البيت مرزوقة حلفت مهى ماشية اى المشكلة يامرزوقة مش واخده غيار المهم عليت وعليت وعليت الديبرياج لحد ما قبلت غيار دا وانا فى الجراش يوم السبت روحت اجيب فطار مرزوقة شتمتمنى وقالتلى بجد انتا معندكش دم انا استحملتك ووصلتك للبيت يعنى كان يبقى حلو لو خليتك تقطرنى طيب تالله منا واخدة غير وحقف هنا على بعد 150 متر من البيت قلتلها انا اسف ورجعت بيها زق قالتلى ها حرمت قلت خلاص والله ولبست لبس الشغل وهووووووووووب فكيت الفتيس لاقيت تلية الديبرياج مفرومة بمعنى الكلمة والدسك 8 سنون مكسرة قلت اسف يامرزوقة والحمد الله كان عندى ديسك وبلية احتياطى والأسطوانة الحمد الله لسة بخيرها وعلى آخر النهار كنت بفرك بمرزوقة على الشارع والحمد الله....

دى بقى مشكلة مرزوقة والبلد....