الحيره الكبيررره مزدا 3 ولا بومة ولا شاارك

**J A G U A R** · 18-10-2013 02:08 AM

المشاركة الأصلية كتبت بواسطة AmericanMuscle

مقولة متنفعش في مصر دي - مع احترامي ليك - بتبقى المقصود بيها ان العربية مش منتشرة و مش هتعرف تبيعها. استاذ ياسر قال ان مش هامه سعر اعادة البيع فاعتقد هو عايز يجيب عربية تعيش مهاه و مفيش كلام طبعا ان مازدا من الشركات المحترمة جدا جدا في اليابان و سيارتها معمرة و بتستحمل الشوارع الزبالة اللي عندنا.

و قطع غيارها اعلى من الكوري اكيد لكن اقل من الاروبي و الامريكي. يعني في النص و دا اعتقد مناسب جدا للكثير. و على فكرة مازدا الشكل الجديد 2014 هو هو بتاع 2010 باختلاف الفوانيس فدا انا مش بعتبره فرق. العربية فوق الممتازة و لا يصح مقارنتها بالبومة

ايوه انا اقصد انها مش منتشره وتقيله فى البيع

**M I D O** · 18-10-2013 04:49 AM

المشاركة الأصلية كتبت بواسطة yaser adel

يعني ابعد عن المزدا ؟؟؟

المازدا عربية محترمة جدااا بس الشارك بياعة اكتر ومنتشرة اكتر وسوق اعادة بيعها احسن من المازدا وبالتالي قطع غيار ارخص رغم ان ال 2 اصلا غاليين

**M_Marwan** · 18-10-2013 01:31 PM

المشاركة الأصلية كتبت بواسطة americanmuscle

بص الشارك وحشة جدا جدا في مصر و حتى نزلوا عليها الشكل القديم "البومة".. البومة بقت تنزل موديلات 2013 و 2014. فـانسى الشارك خالص و عن تجربة. المازدا 3 عربية محترمة جدا جدا و ادائها عالي ينافس بجدارة في الفئة بتاعتها زي الفورد فوكس و جيتا و الانترا و سيراتو. عربية محترمة جدا و مش هتندم لو جبتها.

البومة كويسة جدا برضو بس خلاص بقى قدمت شكلا و موضوعا, فقيرة من جوه و من بره. المازدة جذابة جدا جوه و بره و كمالياتها أعلى و اشيك و أكيد أحسن من اللانسر البومة :)

هو حضرتك ركبت الشارك ؟

ليه وحشه ؟؟

**M_Marwan** · 18-10-2013 01:35 PM

المشاركة الأصلية كتبت بواسطة khaled82

اولا نخرج الشارك من المقارنة لانها فيها عيوب المازد3 من حيث سعر قطع الغيار وإعادة البيع وفى نفس الوقت المازدا تتفوق عليها فى الشكل والأداء,
وانا لم فكرت أشتري قارنت بين البومة والمازدا3 وفى الاخر وجدت إن المقارنة لصالح البومة لعدة أسباب منها اسعار قطع الغيار ووجود بدائل كتير لقطع الغيار وإعادة البيع وصالون أوسع وسهولة الصيانة وإنتشار أكتر
لكن لو مش فارق معاك الحاجات دي توكل على الله وهات المازدا3
وماتنساش صلاة الإستخارة.

سعر قطع غيار الشارك قريبه جدا من البومه على فكره وكمان موفره عن البومه لان سير الكاتينه
جنزير والبوجيهات بلاتينيوم ومفيهاش زيت بور يتغير
ده غير العفشه الملتى لينك عمله ثبات رهيب فى العربيه زى ما تكون راكب المانى

**د.عماد صلاح** · 18-10-2013 02:45 PM

البومه صوت العقل اعاده بيع سهله و قطع غيار متوفره

**M_Marwan** · 18-10-2013 02:56 PM

المشاركة الأصلية كتبت بواسطة just_magdy1

انا دخلت اعلق على الموضوع بس بصراحه الكلام إللى فيه استفزني ... هما شايفين الشارك وحشه خلاص تبقى وحشه
وعلى الرغم من ذلك الأخوة إللى بيقولوا الشارك وحشه بدون قسم إللى فيكوا هايركب الشارك هاى لاين ويسوقها خمس دقايق أشك انه هاينزل منها ... شارك ايه إللى وحشه ... وبومة ايه إللى أحسن من الشارك ... ياريت إللى يقيم يجرب الاول

بالظبط كده

**M_Marwan** · 18-10-2013 02:58 PM

ده موضوع من زميل لينا هنا بالصدفة جرب الشارك

http://www.nilemotors.net/Nile/84266-2009.html

-

الموضوع: الحيره الكبيررره مزدا 3 ولا بومة ولا شاارك

LinkBack

أدوات الموضوع

عرض

-

-

-

-

-

المواضيع المتشابهه

مطلوب مزدا 3 2008

مقارنه بين مزدا 3 ولانسر شارك وكروز

اسعار مزدا 3

عايز اعرف انهى احسن كرولا 2008 لا مزدا 3

الكلمات الدلالية لهذا الموضوع

المفضلات

المفضلات

ضوابط المشاركة