الموضوع: ضغط الاطارات طالع من المصنع 45 بالمخالفة للكتالوج ومواصفات السياره على قايم باب السائ

لا يا باشا المفترض ده عادي عشان الركن

المشاركة الأصلية كتبت بواسطة د.هشام

اللي بيستلم العربية بضغط عجل ٤٥ يعتبر تقصيير وغباء من اللي بيسلم العربية

ده الطبيعي لان كل العربيات بتبقي مشحونة بحرى فبتتركن مدة كبيرة فبيزودوه ل 45 فعلا عشان العجل لو هوا ميريحش جامد و يبوظ.
خد بالك برضو مش شرط اللي مكتوب علي القايم تنفذه بالمللي يعني حضرتك بتقول مكتوب الضغط 33 علي القايم ممكن يكون مش ملائم لظروف بلدنا في الجو و المطبات و هيقصر عمر العفشة و هتحتاج تربطها علي فترات اقرب و تحس اكتر بالمطبات وان العربية ناشفة.
تحياتي للجميع

المشاركة الأصلية كتبت بواسطة psycholain

ده الطبيعي لان كل العربيات بتبقي مشحونة بحرى فبتتركن مدة كبيرة فبيزودوه ل 45 فعلا عشان العجل لو هوا ميريحش جامد و يبوظ.
خد بالك برضو مش شرط اللي مكتوب علي القايم تنفذه بالمللي يعني حضرتك بتقول مكتوب الضغط 33 علي القايم ممكن يكون مش ملائم لظروف بلدنا في الجو و المطبات و هيقصر عمر العفشة و هتحتاج تربطها علي فترات اقرب و تحس اكتر بالمطبات وان العربية ناشفة.
تحياتي للجميع

الضغط المكتوب على القايم مقصود بيه "الضغط على البارد"... يعني قبل ما تمشي بالعربية الصبح... والمفروض إن لو العربية مشيت مسافة تزيد عن 2 كيلومتر تزود على المكتوب على القايم قيمة 10% منه

بمعنى إن لو القايم مكتوب عليه 30 psi... وحضرتك مشيت بالعربية مشوار وحبيت تزود هوا... فتروح وتظبطه على 33 psi ... مش 30


طيب ليه كده؟؟

ربنا خلق الهوا بيتمدد بصورة كبيرة جدا مع ازدياد درجة الحرارة... ولما الحيز بتاعه بيبقى محدود زي فردة الكاوتش.. الطبيعي إن ضغطه هيزيد...

لو ظبطت الكاوتش زي ماهو مكتوب على القايم (على البارد).. ده بيبقى أفضل بكتير لاستهلاك البنزين وثبات العربية على الطريق... ويديك إحساس أفضل بالطريق




...

المشاركة الأصلية كتبت بواسطة amrelsaqqa

نفس الكلام مع النيتروجين ؟
عربيتى مكتوب عليها ما يعادل 32 ، والراجل راسه الف سيف مكنش راضى يظبط على 32 وبيقوللى 32 ده هينشفلك العربية !
المهم انا ما رضيتش اطول معاه وقلتله ماشى ، وعمله على 30
اروح اظبطه بقى على كام دلوقتى ؟

لو فيه واحد بتاع كاوتش قريب من البيت - يعني ما يبعدش اكتر من 300 او 400 متر.. روح له اول ما تطلع الصبح واظبط الكاوتش على 32 زي ما هو مكتوب على القايم

انما لو حضرتك مشيت بالعرببة شوية... اظبط على 35 بقلب جامد.. ولو حد ضوحر معاك قوله اظبط زي ما بقوللك انا فاهم انا بعمل ايه... ولا يقدر يقوللك حاجة بعدها


على فكرة... انا حاليا في جده ومفيش بنزينة فيها حد بيظبط كاوتش... كل واحد يدخل ويظبط كاوتش عربيته بنفسه... بس احنا في مصر بنعمل سبوبة من مفيش.



...