استفسار حول بيجو 406

**Ahmed Khodir** · 18-10-2013 10:49 AM

السلام عليكم ورحمة الله

عندي استفسار بخصوص عربية بيجو 406
اليومين دول بدور العربية علشان اسخن ودارت عادي خالص واثناء الدوران العربية بطلت لوحدها كدة بدون اى مقدمات ويعدين لما جيت ادور تاني مش راضية تدور خالص والمارش صوته اتغير كدة وبسمع لخخخبطة وصوت رنة كدة زي رنة الحلة
فضلت احاول تدويرها وهوا ملخبط كدة لحد ما اختفي صوت المارش خاااالص وكل ما ادور يادوب اسمع كدة ( تك ) وخلاااص
سيبتها لحد ما تهدى وروحت ادور تاني راحت دايرة عادي تمام وبعدها انا بطلتها بنفسي وجيت ادور تاني سمعت اللخبطة فى المارش وصوت رنة زى الحلة كدة برضو ومش راضية تدور برضو روحت سايبها وجيت استفسر فى المنتدى علطول

ارجو لمن يعرف سبب المشكلة او من ايه يفيدني بالرد ... وشكراااا

**wael61** · 18-10-2013 12:55 PM

لو فى المارش ممكن يكون الشاربون او ممكن يكون الترس خلص
حضرتك مقلتلناش اول دواره العربية تعمل كده ولا بعد ما بتدورها تانى
وبرضو ممكن البطارية تكون ضعفت

**Ahmed Khodir** · 18-10-2013 09:48 PM

المشاركة الأصلية كتبت بواسطة wael61

لو فى المارش ممكن يكون الشاربون او ممكن يكون الترس خلص
حضرتك مقلتلناش اول دواره العربية تعمل كده ولا بعد ما بتدورها تانى
وبرضو ممكن البطارية تكون ضعفت

أولا بشكرك على الرد
بالنسبة للدوران انا بدور اول مرة عادي مفيش مشكلة وبعدة كدة لو العربية بطلت او انا بطلتها بتعمل اللخبطة والصوت اللى اتكلمت عنه ومش بتدور الا لما تقعد فترة كبيرة وتهدى خاااالص
كمان البطارية تمام والعين بتاعتها خضراا