انذار النيو صني

**shady_mohamed** · 18-10-2013 02:47 PM

السلام عليكم
انا كنت قريت هنا في القسم عن تفعيل انذار النيو صني ومن كلام الاعضاء هنا انه بيتفعل في الضمان مجانا .. فلما رحت اعمل صيانة ال 1000 سألت عن الموضوع دا قالولي انه هيتعمل ب 200 جنيه عشان عربيتي ex saloon وانه مش هيكون زي اللي موجود في السوبر صالون كمان .. المفترض انهم هيعدلو في السوفت وير بتاع العربيه فهيبقي الانزار علي الابواب ولو حد خبط العربيه فقط إنما تقريبا اللي في السوبر صالون فيه علي الشنطه والكابوت وحاجات تانيه تقريبا .. فلما عرفت كدا وحسيتهم بيستعبطو فقلت بلاش واسأل هنا في القسم الاول :)
ومعني كلامهم ان الانذار بيتفعل في السوبر صالون مجانا دا لو مكانش متفعل عشان هو موجود اساسا لكن في ال ex بيتعمل ب 200 جنيه عشان بيتعدل علي السوفت وير
اسف للاطاله ..

**د.عماد صلاح** · 18-10-2013 03:14 PM

هو الانذار مش مفروض من كماليات العربيه الاشاسيه ...لسه بسخدوا فلوس

**edodahab** · 18-10-2013 04:36 PM

فيه بعض الاعضاء فعلوه فى التوكيل ببلاش

**edodahab** · 18-10-2013 04:38 PM

انا مستنى صيانة ال ١٠٠٠ عشان اعمله تفعيل مع انى مش مقتنع و المفروض ان دة اوبش تكون العربية نازله بيه مش لازم اروح عشان يتفعل
بالمناسبة انت عملت الصيانة فين؟

**edodahab** · 18-10-2013 05:00 PM

و بصراحة من خلال قرائتى لمواضيع مشابهة فى المنتدى اكتشفت ان الموضوع واخد اكبر من حجمه و دة بسبب ان اولا المفروض الانذار يكون متفعل اصلا و ثانيا الجهل و التناقض الكبير من الوكلاء المعتمدين
فتجد من يقولك العربية مفيهاش انذار اصلا و واحد تانى يقولك موجود و شغال و دة غير الاسعار المتباينة فى المراكز المختلفة من ببلاش الى ٨٠ الى ٢٠٠
بصراحة حاجة مستفزة

**theblackpirate** · 18-10-2013 08:37 PM

انا فعلتوا فى اوتو ايجيبت فى شهر تلاته اللى فات مجانا

**Msanad** · 18-10-2013 11:26 PM

المشاركة الأصلية كتبت بواسطة shady_mohamed

السلام عليكم
انا كنت قريت هنا في القسم عن تفعيل انذار النيو صني ومن كلام الاعضاء هنا انه بيتفعل في الضمان مجانا .. فلما رحت اعمل صيانة ال 1000 سألت عن الموضوع دا قالولي انه هيتعمل ب 200 جنيه عشان عربيتي ex saloon وانه مش هيكون زي اللي موجود في السوبر صالون كمان .. المفترض انهم هيعدلو في السوفت وير بتاع العربيه فهيبقي الانزار علي الابواب ولو حد خبط العربيه فقط إنما تقريبا اللي في السوبر صالون فيه علي الشنطه والكابوت وحاجات تانيه تقريبا .. فلما عرفت كدا وحسيتهم بيستعبطو فقلت بلاش واسأل هنا في القسم الاول :)
ومعني كلامهم ان الانذار بيتفعل في السوبر صالون مجانا دا لو مكانش متفعل عشان هو موجود اساسا لكن في ال ex بيتعمل ب 200 جنيه عشان بيتعدل علي السوفت وير
اسف للاطاله ..
:ka_che1[1]:

حضرتك سألت فى اى توكيل بالضبط - انا فعلت الانذار مجانا فى اوتوايجيبت ابو رواش فى شهر 6 اللى فات وكانوا جايلهم ايميل رسمى بالتفعيل المجانى له - لو توكيل تانى قالك بيتفعل بفلوس قوله لا طيب انا هاخد العربيه وافعلها فى اوتو ايجيبت مجانا ومش هعمل الصيانه عندكم وساعتها هيجرى يفعلهولك مجانا.

**shady_mohamed** · 19-10-2013 03:52 AM

المشاركة الأصلية كتبت بواسطة Msanad

حضرتك سألت فى اى توكيل بالضبط - انا فعلت الانذار مجانا فى اوتوايجيبت ابو رواش فى شهر 6 اللى فات وكانوا جايلهم ايميل رسمى بالتفعيل المجانى له - لو توكيل تانى قالك بيتفعل بفلوس قوله لا طيب انا هاخد العربيه وافعلها فى اوتو ايجيبت مجانا ومش هعمل الصيانه عندكم وساعتها هيجرى يفعلهولك مجانا.

تمااااااااااام انا هاعمل كدا ان شاء الله في صيانة ال 5000 إن شاء الله ..
انا كنت عملت صيانة ال 1000 في احمد مرعي اسكندريه اللي ع الزراعي فهل في اوتو ايجبت موجود في اسكندريه او حاجه كويسه زيه ؟

**مهندس محمد** · 19-10-2013 11:48 AM

هو ايه الانذار ده ؟؟
انا عندى لمبة حمراء على شكل عربية وفيها مفتاح بتنور وتطفى على طول بمجرد ما تقفل العربية وتخلع المفتاح ولما سألت عليها قالولى ده الانذار
هل هو ده الانذار ويبقى كده متفعل ولا مش هو ده ؟؟