تجربة مع الوكيل في قطامية

**engherc** · 19-10-2013 02:19 AM

السلام عليكم ،
احب أشارك قصة صديق لية مع الوكيل في القطامية،
الحقيقة انا مستغرب جداً من اللي حصل هو اشترى من ٤ شهور تقريبا ال f30 زيرو و عمال ينصحني بيها علما أنى ميال للمرسيدس اكتر بس بعد موتير الجديدة بتاعت البي أم بدأت تلعب في دماغي المهم ، للأسف من شهر و نص كده تقريبا عربية خبططه و جابت فانوس أمامي و رفرف و اكصدام و حتة من الكبوت اتنت بس ردوهالو ، المشكلة بقى أنهم جم في الاول قالوا مفيش اكصدام متوفر حاليا و قدمنا من أسبوعين ل ٣ عشان نبعت نجيبوا الكلام ده بعد ما العربية أعدت مركونة ١٥ يوم عندهم ، المهم جاب واسطة جوا التوكيل و ركبوه بعدها ب ١٠ أيام كمان جه يستلم بعدها لقاهم بيقولوا أن في شاسيه بيركب فيه الفانوس لقوه مكسور و مش موجود و لسة هيبعتوا يجيبوه!!!!!!!!!! بس هما ثبتوا فيه كده لحد لما ييجي يبقوا يغياروه !!!!!!

طيب بالذمة ده كلام العربية بقالها شهر عندك مفكرتش تفوك الفانوس المكسور و تكشف وراه و جي يكتشفوا و هوا بيقفل العربية......... و العربية متكلفة في شوية الهبل ده ١٩ الف جنيه و ألاقي في الآخر ده مستوى الخدمة؟؟؟؟ طيب لما بي أم وكيلها عامل كده أجيب عربية إيه تاني وكيلها يحترمني و ميبهدلنيش معاه ...... بجد انا مستغرب و محتار

**svneleven** · 19-10-2013 08:21 AM

للأسف مصر كلها كده كل حاجة مستواها بينزل في مصر. لكن طبعا هتلاقي مستواها نزل بالنسبة لمستوي بي ام في أي دولة محترمة لكن ما زالو في مصر كويسين جدا بالنسبة لباقي الوكلا. و ال 19 ألف ده شئ متوقع لأن كل حاجة نسبة من تمن العربية اللي ب 330 ألف.

**horas3000** · 19-10-2013 02:26 PM

كالعاده
قطع الغيار بتبقي دايما قليله للعربيات اول ما بتنزل
مع انها بتتجمع هنا و المفروض عندهم كل حاجه بس برضه يقولك قطع التجميع منفصله عن قطع الغيار
و اعتقد ده الحال في كل توكيلات مصر و الوضع بيتحسن مع انتشار العربيه و مرور وقت كافي بحيث التوكيل يعمل ستوك من قطع الغيار