إلي خبراء المتسوبيشي لانسر في المنتدي ،،، الله يجزيكم خيرا

**أنصار السنة** · 19-10-2013 03:02 AM

السلام عليكم ورحمة الله وبركاته
الاخوة الكرام في المنتدي
أخوكم في حاجة لعونكم ومشورتكم بخصوص سيارة لانسر 2004 خليجي

بعد تجربة سيئة جدا مع رينو بسبب قطع الغيار والمكانيكية ، فقد من الله علي بالتخلص من الرينو
واليوم أنا امامي فرصة لعربية لانسر بوما 2004 هتيجي من الخليج خدمة تقريبا يعني
وبما اني اصلا مكنتش حاطط في اعتبار الياباني اطلاقا نظرا لارتفاع سعره جدا بالنسبة لي فلم اكن اعرف شيء عن المتسوبيشي
العربية مانول
تقريبا هتنشد كويس قبل ما تيجي فيها شويه دهانات من الخارج تظبيط يعني
كوتشات امامية جديدة وبطارية جديدة وكاست جديد وتكيف تمام وهتتلمع من جوة وتتنضف وهتتظبط وتغير كل السيور قبل ما تيجي والزيوت وتقريبا الفلاتر وكدا الكلام لسه عرض من قريب لي منتظر مني الرد العربية تقريبا هتقف علي ب 55000 جنيه
السؤال بقي
هل العربية بامانه عربية كويسه اجمالا ولا لاء ؟
وهل قطع غيارها هتقطع في زي الرينو؟
وهل كل شوية العربية هتبوظ زي الرينو " انا تقريبا قعدت بالعربية عند الميكانيكية اكتر ماركبتها "
وهل صيانتها امر سهل للمكانيكية ولا حسبة برما وحساسات والافلام دي ؟
وهل قطع غيرها متوفره في كل مكان ؟ ولا هدوخ زي الرينو ؟
وهل كدا سعرها يعتبر يستاهل ان اجبها من برة هتوفر فعلا معي وفيها خدمة ولا مشفرقة كتير ؟
ياريت يا اخوة بالله عليكم اللى عنده نصيحة لله يقدر يقدمها لي لا يبخل بها علي وجزاكم الله كل الخير

**saddam** · 19-10-2013 03:51 AM

صديقي المواطن
طبعا مش حنقول كلام كتير وكفتة مفيش وحنختصر كل أسألتك ونجاوبك عليها بنعم العربية حتنفعك رغم أني عمدة كارهي لانسر في مصر وكل اللي يهمني في مشاركتك عايز أفهم موضوع واحد فقط يعني إيه العربية حتجيلك من بره وهي 2004 إشرحلنا دي وأنا وكل اﻷخوة والقيادات في المنتدى حنعرفك ونوقف جنبك ونساعدك في كل حاجة عن ال لانسر
وبالتوفبق وإلى اﻷمام ومن نصر إلى نصر
ودمتم للنضال

**أنصار السنة** · 19-10-2013 04:55 AM

المشاركة الأصلية كتبت بواسطة saddam

صديقي المواطن
عايز أفهم موضوع واحد فقط يعني إيه العربية حتجيلك من بره وهي 2004 إشرحلنا دي وأنا وكل اﻷخوة والقيادات في المنتدى حنعرفك ونوقف جنبك ونساعدك في كل حاجة عن ال لانسر
وبالتوفبق وإلى اﻷمام ومن نصر إلى نصر
ودمتم للنضال

اعتبره نصر ياسيدي ، اعتبره توفيق من ربنا ، اعتبره مهاره وخبرة عالية وطويلة لصاحب هذا العمل " وأظنها الحقيقة

**mk3** · 19-10-2013 05:18 AM

المشاركة الأصلية كتبت بواسطة saddam

صديقي المواطن
طبعا مش حنقول كلام كتير وكفتة مفيش وحنختصر كل أسألتك ونجاوبك عليها بنعم العربية حتنفعك رغم أني عمدة كارهي لانسر في مصر وكل اللي يهمني في مشاركتك عايز أفهم موضوع واحد فقط يعني إيه العربية حتجيلك من بره وهي 2004 إشرحلنا دي وأنا وكل اﻷخوة والقيادات في المنتدى حنعرفك ونوقف جنبك ونساعدك في كل حاجة عن ال لانسر
وبالتوفبق وإلى اﻷمام ومن نصر إلى نصر
ودمتم للنضال

اما بتاعه معرفه له(اول يد)
او بيتعملها ورق هناك انها اول يد (واحد اعرفه مستوردها من الامارات بالطريقه دى)

**mohamedxsayed** · 19-10-2013 05:22 AM

انا الى اعرفه ان مينفعش تنزل عربيه من الخليج موديلها عدا عليه اكتر من 4 سنوات تقريبا لأنى سألت عن الاجرائات ديه عشان كنت عاوز أنزل بى ام موديل 2002 وكانت رخيصه جداا بالنسبه لهنا

أما بالنسبه للانسر قطع غيارها غاليه اوى اوى لو هتجيب قطع توكيل العربيه بتتقل مع التكيف شويه بتسحب بنزين من وجهه نظرى الحمدلله الواحد كان راكب بره اكورد 2009 2400 سى سى وكنت حاسس انها احسن فى استهلاك البنزين (ممكن تكون تهيئات عندى ) الميزه فى سعر اعاده البيع ولو العربيه 1300 سى سى خليها هناك أحسن لانها فاااااااااااااااااااااااا اااشله

**mohamedxsayed** · 19-10-2013 05:25 AM

المشاركة الأصلية كتبت بواسطة mk3

اما بتاعه معرفه له(اول يد)
او بيتعملها ورق هناك انها اول يد (واحد اعرفه مستوردها من الامارات بالطريقه دى)

بيضرب الورق يعنى
أصل ورق اول يد لازم يطلع من الوكيل او معرض وبرضه لازم يكون معداش عالعربيه اكتر من اربع سنين

**amro0000** · 19-10-2013 07:16 AM

شوف ياباشا انا هختصر عليك الكلام واجبلك من الاخر العربية دي عمليه جدا جدا جدا وعربية ممتازة وعاوزك اما تنزل الشارع هتشوف كام واحد راكب لانسر واحب اقولك ان العربية عملية وقليل اوي انك تروح للميكانيكي بس اهم حاجة تلتزم بلصيانات بتاعتها الدورية وتغير الزيت والعربية ممتازة جدا في التكيف والسحب وقوة التحمل ومفيش مقارنة اصلا بينها وبين الرينو العربية فعلا ممتازة اتوكل علي الله وايا كانت انتة هتدخل العربية ازاي المهم ان العربية دي ممتازة واتوكل علي الله وانتة مغمض اهم حاجة اساسيات ودواخل سليمة والباقي امرة سهل

**أبو إياد** · 19-10-2013 02:08 PM

توكل على الله العربيه ممتازه جدا والسعر ده ممتاز وقطع الغيار متوفره مناول الصينى الى الاوريجنال مرورا باليابانى والتايوانى اسهل انواع السيارات صيانه وغير معقده

**أنصار السنة** · 19-10-2013 04:47 PM

الأخوة الكرام الله يجزيكم خيرا خيرا

-

الموضوع: إلي خبراء المتسوبيشي لانسر في المنتدي ،،، الله يجزيكم خيرا

LinkBack

أدوات الموضوع

عرض

-

المواضيع المتشابهه

حيراااااان لوط جيش سياره سوناتا 1998 2000 سي سي استشاره الله يجزيكم الخير

عندى مشكله فى ميتسوبيشى لانسر 2007 وارجو الرد عليا جزاكم الله خيرا

ممكن نعرف من خبراء المتسوبيشي ايه عيوب لانسر شارك 2009

ارجو المساعدة من خبراء الدايهاتسو.... جزاكم الله خيرا

لو سمحتو ياشباب حد يفدنى الله يجزيكم خير

الكلمات الدلالية لهذا الموضوع

المفضلات

المفضلات

ضوابط المشاركة