تكييف بيجو 301

**S.Hasan** · 19-10-2013 03:08 AM

يا جماعة الخير اريد تفسير منطقي وعلمي

اذا كانت السيارة البيجو 301 والستروين الاليزيه توام في كل حاجة عدا الشكل الخارجي فكيف ظهر مشكلة التكيف في الالاليسه بس ؟
ولو بيجو عملت ابديت للسوفت وير ومش ظاهر المشكلة فهما يعني مش عاوزين يدوا السوفت وير للاليسه ؟

يا جماعة لغاية دلوفتي في اعضاء شاريين ستروين اليسيه ولسه مشكلتهم ما اتحلتش والمضووع وصل لحماية المسنهلك والتوكيل بيماطل وانا صراحة مش فاهم ازاي العربيتين زي بعض وواحدة فيها المشكلة والتانية لا !!!!!!

**amrelsaqqa** · 19-10-2013 03:19 AM

والله يا باشا ولا احنا فاهمين بس ده فعلا حقيقى والا لو الـ 301 فيها نفس العيب زي الاليزيه يبقى الغريب اكتر ان كتير من ملاك الاليزيه يشتكو ويعملوا مواضيع ويروحوا حماية المستهلك ويعملوا قلق جامد ، وولا واحد من ملاك الـ 301 يشتكى او يعمل قلق مع ان عنده نفس المشكلة (فرضا طبعا)

**S.Hasan** · 19-10-2013 03:30 AM

انا حجزت ال 301 وخايف ان المشكلة دي تكون في 301 ومش ظاهرة وتظهر بعدين

واللي مجننني هي فعلا مشكلة سوفت وير في الالبزيه ؟؟ ولو مشكلة سوفت وير هما مش عارفين يحلوها ازاي ؟؟؟؟؟؟

وازاااااااااااااااااي وهي توأم ال 301

**amrelsaqqa** · 19-10-2013 03:33 AM

ياباشا الموضوع قتل بحثا هنا في المنتدى ، والمفروض اخر حاجة كنا اتفقنا عليها اننا هنصور فيديوهات تسارع بالتكييف وبدون عشان ننهى الموضوع ده تماما

**fourseasons** · 19-10-2013 05:25 AM

والله انا عرضت عليهم فكرة انهم يروحوا توكيل بيجو ويجربوا بالفلوس انهم يعملوا ابجريد للسوفت وير وده طبعا مش حل لاكن المفروض ده حل بسيط اذا كانت فعلا مشكلة سوفت وير

**modysasazin** · 19-10-2013 06:46 AM

السلام عليكم
انا من ملاك العربية بقالي ٢٥ يوم وبسوق العربية في ظروف مختلفة
ومن اول مااستلمتها وانا بشغل التكييف والى الان ماظهرتش اي مشكلة في العربية
والحمدلله العربيه لحد دلوقتي مستمتع بيها جدا وبحمد ربنا انه هداني لهذا الاختيار
اخوكم د . محمود صالح

**S.Hasan** · 19-10-2013 02:38 PM

المشاركة الأصلية كتبت بواسطة modysasazin

السلام عليكم
انا من ملاك العربية بقالي ٢٥ يوم وبسوق العربية في ظروف مختلفة
ومن اول مااستلمتها وانا بشغل التكييف والى الان ماظهرتش اي مشكلة في العربية
والحمدلله العربيه لحد دلوقتي مستمتع بيها جدا وبحمد ربنا انه هداني لهذا الاختيار
اخوكم د . محمود صالح

الف مبروك ياباشاا وربنا يباركلك فيها ويديك خيرها ويكيفيك شرها

**modysasazin** · 19-10-2013 04:18 PM

المشاركة الأصلية كتبت بواسطة moha_2k

الف مبروك ياباشاا وربنا يباركلك فيها ويديك خيرها ويكيفيك شرها

الله يبارك في حضرتك يافندم
شكرا جزيلا

**Akram.Gamal** · 19-10-2013 06:39 AM

و الله انا اصلا مش مقتنع انهم نفس العربيه
اينعم مفيش اختلافات جوهريه لكن يظل فيه اختلافات

و بعدين فرق السعر ( 7000 ج.م)يوضح بالتاكيد ان فيه فرق فحاجه معينه احنا لسا معرفنهاش

ده مجرد راي استنتاج شخصى ليس اكتر

**Ahmed Amin** · 20-10-2013 06:03 PM

المشاركة الأصلية كتبت بواسطة akram.gamal

و الله انا اصلا مش مقتنع انهم نفس العربيه
اينعم مفيش اختلافات جوهريه لكن يظل فيه اختلافات

و بعدين فرق السعر ( 7000 ج.م)يوضح بالتاكيد ان فيه فرق فحاجه معينه احنا لسا معرفنهاش

ده مجرد راي استنتاج شخصى ليس اكتر

الفرق دا تسويقي يا أكرم مش أكتر,,
أسم بيجو بيبيع عربيات أكتر من ستروين,, وسعر أعادة بيعة أعلي من ستروين,,

لكن العربيتين واحد, وهما في الشركتين بيجو وستروين بيبقي عندهم قسم دراسة للسوق وبيشوفو أيه السعر اللي ممكن ينزلوها بيها عشان تبيع ويكسبو منها علي قد ما يقدرو,,
العربيتين واحد في كل حاجة معادا التصميم الداخلي والخارجي,,

عندك تويوتا مثلاً بتبيع وهتبيع بالسعر اللي يريحها حتي لو مش منزله أي كماليات في عربياتها زي باقي الشركات في عربياتها الجديدة,
ولو نزلت الكاميليات الزيادة اللي السوق محتاجها هتبيع بسعر أعلي كمان عشان علامة تويوتا فقط,!

مع أنك لو قارنتها بشركة يابانية كبيرة ومحترمة زي الميتسوبيشي,
وطبعاً المقارنة اللي أقصدها تكون ما بين العربيات الياباني 100%
يعني نطلع باقي العربيات الياباني اللي بتتقفل برة اليابان من المقارنة,,
زي الجنوب أفريقي والتايلندي والمصري,,

هتلاقي أن سعر التويوتا مبالغ فيه جداً علي أمكانيتها, لأن الانسر متقلش حاجة عنها من ناحية الأمكانيات ولا الأعتمادية ولا الأداء وأقل منها في سعر العربية وقطع الغيار,,

وكمان أديك دلوقتي شايف أسعار الكيا في الطالع وأكتر من البيجو,, وفيه موديلات في الكيا بتوصل 130 ألف ومفهاش ABS زي الريو,, وموديلات بتوصل ل 150 ألف في الهيونداي ومفهاش أيموبلايزر.!!

شوف أسعار قطع غيار التويوتا الجديدة عاملة أزاي مقارنة بالفلوانس مثلاً,
http://www.nilemotors.net/nile/3875230140-post108.html