تسارع النترا 2010 - اوكتافيا a5 - فيكترا 2008

**Kareem.ElAraby** · 21-10-2013 03:15 AM

الالنترا ال hd
جنطها 205/55/16 بكاوتش نضيف مش كومهو و العك ده و الكلام ده يشمل الاكستا كمان !
هتضحي بالتسارع بتاعه بس في المقابل هتلاقي فرامل و ثبات تاني غير الاول
كاوتش نضيف = بريدجستون أو يوكوهاما
وو تعالوا نقطع الشك بالسكين و نجرب علي ال na
و تعالي يا سامح بالمره بس الهوندا هتركن جنب عربيتي الهيونداي و الاتنين يتفرجوم بس من بره ( انا بأجري لوحدي مش مع حد الا نادرا ) لكن تنزل انت تجرب لا مفيناش من كده

**Kareem.ElAraby** · 21-10-2013 03:29 AM

المشاركة الأصلية كتبت بواسطة adel1212;3875241368[size=5

استكمالا لهذا الموضوع الجيد[/size]
هل الثبات وهو يعتبر العيب الوحيد من وجه نظر منتقدي الالنترا hd يعتمد على اى من
- السيارة
- السائق
- الطريق
و بنسبه كام %
وهنا اقصد على وجه العموم مش الالنترا فقط
تحياتي

في حاله الالنترا ال hd وجهه نظري انا عيوبها
1. بتهبط مع أدني حموله ورا و مورياني الويل في المطبات (تقريبا مطروح كلها شتمتني و انا هناك )
2. فرامل زباله بس بتتحسن شويه مع التيل ال ebc و الطنابير
3. نازله بكاوتش عره كومهو تدوس فرامل كانك دوست بنزين بالضبط
4. البيه الخ.... غبور منزل الموديلات من abs ولا ebd ولا esc
فطبعا العربيه بتعوم بسهوله علي السرعات العاليه( أكتر من 120) مع أي تغيير مفاجيء للحارات
يمكن الهاي لاين فيها

بالنسبه للعموم
كله بستر ربنا

**msobhy** · 21-10-2013 11:05 AM

من كل قلبى باشكر كل الاخوه الاعضاء اللى شاركوا بردودهم فى الموضوع
للمره التانيه الموضوع مش للتشجيع على الجرى والشد ولكن فقط لمعرفة اى السيارات الثلاثه اسرع من حيث التجميع
.
.
وجهة نظرى الشخصيه
الالنترا HD رااااااائعه ولكن ينقصها ABS - EBD - ESP
Anti-lock Braking System --- ABS
Electronic brakeforce distribution --- EBD
Electronic Stability Programme---- ESP

يمكن المواصفات الاوروبى بتنزل كده - لكن المصرى فى الضياع
الجرى بأى عربيه مهما كانت مواصفات الامان فيها مخاطره كبيره جدااااااااااااااااااااااا اا - خاصه الالنترا وما تحتها

نيجى للسؤال بتاعى والردود
الالنترا عربيه جرايه بهبل ومش بتوقف - ده صحيح جدااااااااااااااااااااا مع العلم انى مركب كاوتش بريدجيستون 195 مش 185

الفيكترا والاوكتافيا ليهم هيبه غريبه جدا وانت سايقهم - وبصراحه انا اتكسفت اقول الكلمه ديه لغاية لما احد الاعضاء قالها - انا بحس ان الاوكتافيا بالذات وزيها الفيكترا عامله زى الرياضى القوى جدااااااااااااااااااااا اللى ماشى والكل عارفين امكانياته وهو نادرا ما بيطلع الامكانيات ديه

نيجى لعربيتى والتسارع بتاعها
انا هاوصف تسارع عربيتى بناءا على احساسى بالنقلات
الاول نسبيا كويس
التانى بتبدأ تحس بقوة الموتور وممكن توصل بيه لغاية 60-80
الثالث (الرائع) بجد انا لو بدأت أقرص على الموتور وانا على الغيار الثالث بالذات وسرعتى تبقى فوق ال 50 - انا باستمتع بشكل امبير السرعه وهو بيقلب من 50 الى 120

انا سعيد جدااااااااااااااااااااا بالنقاش الرائع اللى الاعضاء شرفونى بيه - ويارب يكون دايما التفاعل بالطريقه ديه
وفى انتظار المقابله القادمه (الطويله ان شاء الله - عايزينها تبقى سفريه يا رجاله)

**profimh** · 21-10-2013 12:27 PM

المشاركة الأصلية كتبت بواسطة Survival

بما انى من الناس اللى بتحب تتفرج على العربيات و هى بتجرى و تشد هقولك رأئ من وجهة نظر تانية.

فعلا الالنترا عربية هبلة جرى بس جرى من غير وقار كده تحسها طالعة تجرى خايفه من حاجة جايه وراها.
لكن الفكترا و الاوكتافيا حاجة تانية جرى بثبات ووقار كده ليها هيبه.

مش مهم الكام ثانية فرق التسارع مش هتفرق كتير فى مصرنا العزيزة كله بيوصل بستر ربنا. الاحساس بالامان مع السرعة يساوى كتير و هو دا الفرق الحقيقي اللى يساوى فلوس.

حلو التشبيه هههههههههههه هى فعلا تحسها هربانة من عملة
جريها جرى خوف
اما بالنسبة للوقار اللى تقصده فده متوفر فى ال md

**SAMEH_FOUAD** · 21-10-2013 12:37 PM

المشاركة الأصلية كتبت بواسطة kareem.elaraby

الالنترا ال hd
جنطها 205/55/16 بكاوتش نضيف مش كومهو و العك ده و الكلام ده يشمل الاكستا كمان !
هتضحي بالتسارع بتاعه بس في المقابل هتلاقي فرامل و ثبات تاني غير الاول
كاوتش نضيف = بريدجستون أو يوكوهاما
وو تعالوا نقطع الشك بالسكين و نجرب علي ال na
و تعالي يا سامح بالمره بس الهوندا هتركن جنب عربيتي الهيونداي و الاتنين يتفرجوم بس من بره ( انا بأجري لوحدي مش مع حد الا نادرا ) لكن تنزل انت تجرب لا مفيناش من كده

انا كمان من ساعة بنزين 95 مابقى ب5.85 جنية , مابقيتش بجرى زى الاول الا قليل , واصلا هية فين الطرق اللى تجرى فيها , ياباشا الطرق مقفولة 24 ساعة حتى ساعة الحظر ههههههه

عموما انا لو جيت هاجى بس عشان اتشرف بمعرفتك ومعرفة الاخوة الاعضاء

**msobhy** · 21-10-2013 01:25 PM

المشاركة الأصلية كتبت بواسطة profimh

انا سعيد جدااااااااااااااااااااا بالنقاش الرائع اللى الاعضاء شرفونى بيه - ويارب يكون دايما التفاعل بالطريقه ديه
وفى انتظار المقابله القادمه (الطويله ان شاء الله - عايزينها تبقى سفريه يا رجاله)

احنا اللى سعداء بالموضوع الشيق اللى اثرانا بخيرة كل من اشترك سواء من داخل القسم او الاخوة الافاضل من الاقسام الشقيقة

اما بالنسبة للمقابلة اللى جاية ففعلا ياريت تكون وقتها اكبر بس بشرط تيجى بدرى هههههههه

جميل اقتراح السفرية لو مثلا السخنة أو إسكندرية نقضى اليوم هناك او زى ما اقترح الباشمهندس سمير انها تكون فى شرم تبقى فعلا فى الجون

ابراهيم الحبشى[/QUOTE]
بلاش شرم والحتت البعيده ديه - ممكن العين السخنه
وان شاء الله المقابله اللى جايه بإذن الله مفيش تأخير