الموضوع: نيسان صني الشكل الجديد سمعتها بقت في الارض

بسم الله الرحمن الرحيم

الحمد لله على كل حال انا معايا نيسان صني الشكل الجديد
عامل صيانات من 1000 ل 10000 كيلو في التوكيل
غيرت صاجه التيل في الضمان
راشش الاكصدامين في الضمان لوجود عيب في الدهان
بشتكي من وجود صوت في الفرامل
ومهندس التوكيل قالي انه هيتغير كمان 3 الاف كيلو على حسابي مش عارف اعمل ايه في النقطه دي؟

قولت انزل السوق عندنا اسأل عن قطع غيارها

1- دخلت اسأل عن تيل فرامل نيسان صني الشكل الجديد ههههههه اتلقيت وش الاراجل اتغير كاني قولتله
حاجه لله وصعبت على الراجل قالي انته ايه اللي خلاك تجيبها هههههه قعدت اضحك قولتله التيل بتاعها موجود قالي موجود بكام 550 جنيه الاصلي اللي موجود في التوكيل يعني لو سواء جبته من عنده او من التوكيل كمان هيبقى هوه هواه قالي بيعها واشتري دماغك بيقولي واحد صاحبه كان معاه لانسر واشتراها وباعها ب 98 الف عامله 30 الف كيلو ورجع اشترى لانسر تاني قولتله كفايه كده ياعم الحج سلام عليكم
2-محل تاني اساله عن القطع الغيار متوفرة ولا لأ قالي لسه حاجتها منزلتش وحاسس ان جوه قلبه يارب متنزل

سؤال ليه كده يعني نيسان اليبانيه عارفه المهزله اللي موجوده في عربيتها عندنا في مصر

وكمان فيه مصيبه تانيه بدأت اسمع صوته وننه كده لما اقفل كل الازاز وسألت احد الناس الكبار وبيفهمو في العربيات قالي ان دي البليه فعاوز حد يفهمني اتاكد ازاي؟

بس والله والله العربيه حلوة جدا وانا حببها ومريحاني بس كل اما افرمل اكرههه واكره صاحبي اللي شار عليا اجيبها
بس برجع اقول قدر الله ماشاء فعل واطمن نفسي واقول اكيد نيسان هيحلو المشكله دي وهتبقى من احلى العربيات اللي في السوق

وشكرا

الواحد مش عارف يقول ايه .. بس الله يكون فى عونك يمكن علشان الواحد لسه مشفش اى حاجه وحشه منها الحمد لله لحد دلوقتى

بس انا ان شاء الله رايح غدا اعمل صيانه 1000 لسه وربنا يستر معانا جميعا

كان ليه استفسار بسيط بخصوص رش الاكصدام ( يعنى ايه كان فيه عيب دهان )

وهل عند حضرتك علم بسمكره ودهان التوكيل علشان عندى حكه ف الباب الخلفى وعايز اردها على البارد ؟

المشاركة الأصلية كتبت بواسطة yaya_tearoy

الواحد مش عارف يقول ايه .. بس الله يكون فى عونك يمكن علشان الواحد لسه مشفش اى حاجه وحشه منها الحمد لله لحد دلوقتى

بس انا ان شاء الله رايح غدا اعمل صيانه 1000 لسه وربنا يستر معانا جميعا

كان ليه استفسار بسيط بخصوص رش الاكصدام ( يعنى ايه كان فيه عيب دهان )

وهل عند حضرتك علم بسمكره ودهان التوكيل علشان عندى حكه ف الباب الخلفى وعايز اردها على البارد ؟

هو الدهان كان قششر لما كنت غسلت العربيه لوحده كده الاكصدامين والمصنع قال عيب دهان فعلا

كانو تقريبا اترشو الاتنين ب 900 جنيه تقريبا انا ماخدتش فاتورة بكده

لو خبطات بقى اعتقد هيردلك الحته المخبطه مثلا وهيرش الباب كله لكن معندهم ترميم

الاجابة واضحة يا بيه
العربية دي باعت كتير جدا على سمعة الشكل القديم مع اضافة بعض الاوبشنز في الشكل الجديد النلس فكرتها لقطة
انا والدي معاه الشكل القديم و مبسوط منه جدا ما شاء الله
و بعدين فيه حاجة -- سوق العربيات في مصر اكبر بكتير من المنتدى هنا
و مش كل اللي بيشتري عربية بيدخل يدرسها هنا
بس الاكيد ان مبيعاتها قلت عن اول ما نزلت طبعا حتى اسال الموزعين بتوعها

المشاركة الأصلية كتبت بواسطة د.عماد صلاح

عايز اسال حضرتك سؤال ...وقبل ما اساله انا مش معايا العربيه عشان ماتقولش بدافع عنها....ازاي عربيه سيئه تنتشر الانتشار الهستيري ده

سعرها الخرافي خلاني اشتريها والكماليات اللي فيها

بس بصراحه ممتازة جدا واللي موحشها الخامات الرديئة فقط اللي فيه او بمعنى اصح مصر اللي مقفلاها