الموضوع: ماذا يحدث لو نفذت هذه الفكرة؟

المشاركة الأصلية كتبت بواسطة eng\ahmed

حمل على دورة المية وممكن تضرب من اضعف حتة مع الحرارة والضغط لأنك خانق الـ flow
ده غير انك فى وقت معين هتبقى محتاج flow rate اعلى عشان تلحق تبرد العربية وده مش هيحصل فى الحالة دى

اشكرك يا باشمهندس على الايضاح
ولكني كنت اعتقد ان التدفق سيكون أسرع عند وجود ضغط ناتج عن زيادة حجم الماء
تخيلت أنها مثل سرعة جريان الماء في النهر عندما يمر بمنطقة ضيقة
ولكن اعذرني لانني غير متخصص فنيا
ولكنها فكرة راودتني وأردت تقييمها من أصحاب العلم والخبرة
تحياتي لمرورك الكريم

معجب جدا بفكرتك وتعال نتناقش مع بعض
الوظيفة الأساسية لترموستات الكوعة هي الحفاظ على وصول حرارة الماء للدرجة المناسبة لبيئة عمل الموتور ، شوف كدا

المشاركة الأصلية كتبت بواسطة maam

لي تعليق هنا صغنن يا اتش
طلمبة المية أي نعم بتبرد الموتور من خلال انه بتدخله مية الريداتير ، لكن مش هي اللي بتخرج المية السخنة
المسئول عن خروجها هو ترموستات الكوعة ودا في حالة انها تعدت الدرجة المناسبة لبيئة عمل الموتور بشكل سليم

وأضيف كمان ان الطلمبة بتسحب المية اللي موجودة في أسفل الريداتير وتدخلها لـ الموتور من تحت من أول البلوك لأعلى الموتورلأن المية بتبقى داخلة باردة فتبدأ تكتسب السخونة الناتجة عن عملية الإحتراق أثناء صعودها لغاية اما توصل للسلندر وبالتالي تحفاظ على أجزاء الموتور
ولما تيجي تطلع من الكوعة لأنها منفذ الخروج ، هنا تمنع خروجها الترموستات وزي ما اتقفنا انها بتحافظ على وصول المية للدرجة المناسبة لبيئة عمل الموتور وأول ماتعدي الدرجة ديه تبدأ الترموستات بالفتح بشكل تدريجي ، فالمية تطلع من خلالها وتروح على الريداتير من أعلاه وتبدا في النزول الى أسفل الريداتير وأثناء نزولها بتكتسب حرارة الجو المار بجانبها وتحسبا لعدم وجود هواء هنا وظيفة المروحة واللي بدورها بتسحب الهواء بالعافية بسرعة معينة وبالتالي يحصل التبادل الحراري ما بين المية الموجودة في أنابيب الرادياتير والهواء اللي بيعدي جنبها
يعني المية تكتسب حرارة الجو (واللي هو أقل منها) والهواء يكتسب حرارة المية (واللي هي أعلى منه) عشان كدا لو حطيت ايديك قدام المروحة (بين المروحة والفرن) هاتلاقيها بتدخل هواء سخن

ولما تنزل المية في أسفل خزان الريداتير تسحبه تاني طلمبة المية وهكذا تتكرر الدورة

يبقى هنا الترموستات ضربت عصفورين بحجر واحد
(العصفور الأول والمهم) هو الحفاظ على وصول درجة الحرارة المناسبة للمية اللي داخل الموتور
(وأما التاني) وفي نفس الوقت اعطاء فرصة للمية اللي موجودة داخل الريداتير انها تبرد بشكل جيد

وبالتالي ، ان احتمال وارد أثناء الشتاء وبالليل (بتكلم عن بلدنا) وماشي على السريع والحرارة طبعا على 82 ، فممكن تنزل لأقل من كدا وتوصل لـ 70 أو 65 مثلا
هنا بقى يكمن الخطر ، لأن لو حطينا تايمر زي اللي بتقول عليه هايفتح والمية الساقعة هاتدخل من الطرمبة وأصلأ المية اللي كانت جوا كانت لسا باردة يبقى ايه اللي هايحصل ؟ اكيد مع الوقت هايضر أجزاء الموتور ومكوناته

وتاني بأحييك على الفكرة ومعجب بيها
وفي حالة لا قدر الله الترموستات قفلت زي ما الناس بتقول
هالاحظ درجة الحرارة بتعلى عندي بشكل سريع وملحوظ جدا
ساعتها اركن العربية وابص على المراوح شغالين تمام والمية في المنسوب بتاعها تمام يبقى اكيد الترموستات قافلها ، فك الكوعة وافك الترموستات منها واركب واجرب

ولو لا قدر الله مافيش فايدة يبقى ربنا يكون في عوني بقى

وكلام المهندس أحمد مهم جدا على فكرة

المشاركة الأصلية كتبت بواسطة maam

احتمال وارد أثناء الشتاء وبالليل (بتكلم عن بلدنا) وماشي على السريع والحرارة طبعا على 82 ، فممكن تنزل لأقل من كدا وتوصل لـ 70 أو 65 مثلا
هنا بقى يكمن الخطر ، لأن لو حطينا تايمر زي اللي بتقول عليه هايفتح والمية الساقعة هاتدخل من الطرمبة وأصلأ المية اللي كانت جوا كانت لسا باردة يبقى ايه اللي هايحصل ؟ اكيد مع الوقت هايضر أجزاء الموتور ومكوناته

وتاني بأحييك على الفكرة ومعجب بيها
وفي حالة لا قدر الله الترموستات قفلت زي ما الناس بتقول
هالاحظ درجة الحرارة بتعلى عندي بشكل سريع وملحوظ جدا
ساعتها اركن العربية وابص على المراوح شغالين تمام والمية في المنسوب بتاعها تمام يبقى اكيد الترموستات قافلها ، فك الكوعة وافك الترموستات منها واركب واجرب

ولو لا قدر الله مافيش فايدة يبقى ربنا يكون في عوني بقى

شكرا أستاذ محمود على التحليل الرائع
تقبل تحياتي واحترامي لهذا التناول العلمي الرفيع