مساعدة فى دهانات الشقة

**amrezzat82** · 20-10-2013 11:26 AM

السلام عليكم ،
ازيكم يا جماعة كل سنة وانتم طيبين
عايز تليفون نقاش شاطر و أمين
يا ترى ممكن الفنش الآخير ممكن يعمل كام المتر؟؟ اللون النهائي و الديكور بسييط جدا زي طباعة بسيطة أو غصن نبات بسيط و الشقة متأسسة كويس و فاضل الوش النهائي

و الأبواب الخشب بكام لو خام و لو متأسسة برضه كويس بس حتت الزوية طقت ؟ ا
.. و باب الشقة الأستر بكام؟
أنا شوفت كذا حد و سمعت أرقام فلكية - انا مش عارف الناس مش عايز تشتغل ليه بأسعار معتدلة ولا ايه اللى بيحصل؟؟

يا ريت تدلونى الله يخليكم

**amrezzat82** · 20-10-2013 11:55 AM

و أفضل أنواع بستلة دهانات ايه؟
يوتن ولا باكين و لا الجزيرة؟
و كام متوسط فرق السعر بينهم و بين الانواع العادية؟
و فى حد جالي قالي حيستخدم سايبس 700 و سايبس 2000 ايه رأيكم؟

**Eng_hatemfathy** · 20-10-2013 02:40 PM

سايبس جميل ويوتن اجمل بس اغلى كتير وعلشان تحصل على بلاستيك رخيص يتغسل بيتخلط سايبس 700 مع كيماتون والنتايج رائعة ومتحولش تلجأ ليوتن الا فى الالوان الجاهزة لو الصنايعى معرفش يعملها
بس الراجل اللى قلتلك عليه على الخاص عملى كل الوان يوتن بسايبس الا لون واحد نبيتى احتجته لحيطة الريسبشن اضطريت اشترى ليه كيلو ب 100 جنيه واللامع بتاعه نص بخمسين
اما كل حوائط الماتش والالوان التانية الفواتح اتعملت سايبس ولون وطلعت زى الوان يوتن اللى فى الكتالوج بالمللى

**Eng_hatemfathy** · 20-10-2013 05:00 PM

المشاركة الأصلية كتبت بواسطة midoabdeen

مع احترامى لكلام حضرتك ايه علاقه السايبس 700 بالكيماتون

علشان تحصل على حوائط لها اكبر قدره ممكنه للغسيل وانها تستحمل ياعنى عايز دهان نسبه الاكريليك فيه عاليه الكيماتون الاكريليك فيه عالى وال 700 قليل جدا ومتهيئلى معدومه اصلا

يبقى لو عايز تقلل التكلفه ممكن تخلط مثلا كيماتون مع سايبس 2000 او باكين 888

انما لو عايز تكسر اللمعه مانصحش انك تخلط البويا اللى فيها اكريليك مع اى حاجه تانيه فى دهان فى سابيس بيتغسل ومط بس مش فاكر اسمه حاليا بصراحه

ممكن يكون سايبس 2000 وانا نسيت
المهم كان خلط سايبس مع كيماتون على ما اذكر بحيث تحصل على قشرة الكيماتون فى السايبس ليكون قابل للغسل وبصلابة السايبس لان الكيماتون لوحده بفرقع بسهوله -معذرة معلوماتى من فتره فقد تكون مشوشة