كيفية ضبط ابواب السيارات و من ضمنها (كوردوبا - ابيزا 2002)

السلام عليكم احبابي اعضاء نايل موتورز و قسم سيات خاصة

منذ فترة و بعد موضوع سمكرة و رش عربيتي بعد الحادث و انا عندي ابواب عربيتي فيهم باب مش مضبوط و مش بيقفل غير مع الخبط الجامد جدا و طبعا بقية الابواب كويسة و لكن مش قوي يعني مش 100 % فقلت لازم اشوف حل للموضوع ده

أولا نزلت امبارح بصيت علي المشكلة فين و حلها ازاي وجدت ان كل باب له كالون في الباب نفسه و ده اخرك فيه انك تزيته كويس و دي عملتها باني رشيته و غرقته wd40 و بقي شغال زي الفل و لكن برضه لسه المشكلة موجوده

ثانيا اكتشفت ان كل باب له قفل ببكرة مثبت في القايم و ده اللي بيلف عليه الكالون و بيثبت الباب بعد القفل و لقيت ان الجزء ده له علامات في القايم و هو كمان عليه تدريج مقابل لكل علامه ... اكتشفت ان معظم الاقفال دي او الجزء ده المثبت في القايم مش مضبوط كويس قمت جبت العده و هو بيتفك عندي بنجمه مقاس 6 او الانكيه مقاس 6 بس بحذر لأن استخدام الالانكيه مكان النجمه لو مش بحرفية هتفوت المسمار و مش هيفك

فكيت الاربع اقفال للاربع ابواب و ظبطت اللوك ده علي العلامات بحيث يكون الظاهر من العلامه متساوي و اللوك شبه معتدل تماما افقي و رأسي و الحمد لله الاربع ابواب بقم يفتحوا و يقفلوا بكل سهوله و من ابسط لمسه و من غير رزع خالص و الحمد لله

و دي بعض الصور مع الشرح عليها
اول صورة دي للوك مش مضبوط و باين فيها ايضا العلامات اللي بيتظبط عليها

http://img837.imageshack.us/img837/8224/zboe.jpg

Uploaded with ImageShack.us

و دي صورة للوك مضبوط بعد تظبيطه

http://img405.imageshack.us/img405/2949/d0j4.jpg

Uploaded with ImageShack.us

و دي صورة كمان للتوضيح
http://img811.imageshack.us/img811/1672/cdxq.jpg

Uploaded with ImageShack.us

و طبعا في النهاية ممكن يكون الباب محتاج ان اللوك يتقدم قليلا او بتأخر شوية او ينزل لتحت شويه او او او اللي هيبين معاك ان الباب مضبوط تماما هو ثلاث حاجات

1- بيقفل و بيفتح بسهولة و من اول لمسه
2- الباب مضبوط مع خطوط العربية و مع القايم مش بارز عنه ولا داخل لجوه و الباب مش ساقط ولا طالع لفوق
و دي صورة لباب مضبوط صح مع القايم
http://img163.imageshack.us/img163/3046/gtti.jpg

Uploaded with ImageShack.us

3- حرف الباب من فوق قافل صح مع السقف و مش داخل من ناحية و خارج من أخري

و بالتوفيق للجميع و اي سؤال في الخدمه

شكرا على التوضيح

شكرا على نقل التجربة

تسلم ايدك يا هندسة

مش فاضل غير أنك تتعلم الدوكو وتبقى مركز متكامل :tumb:

الله ينور عليك انا بتاع الابواب ظبطلي ابواب الابيزا كده لما كانت معايا. حاجه كمان كان باب السواق القطعه البلاستيك اللي بيمسك فيها لسان الباب كانت متاكله وكان بيخلي الباب مش ثابت .. غيرتها بواحده استعمال وكله كان تمام .

اقتباس:

---

المشاركة الأصلية كتبت بواسطة silent~dream

شكرا على التوضيح

---

اقتباس:

---

المشاركة الأصلية كتبت بواسطة أحمد جودة

شكرا على نقل التجربة

---

اقتباس:

---

المشاركة الأصلية كتبت بواسطة syd

تسلم ايدك يا هندسة

---

جزاكم الله خيرا و اتمني تكون فيها افاده للجميع

اقتباس:

---

المشاركة الأصلية كتبت بواسطة hossamalsadik

مش فاضل غير أنك تتعلم الدوكو وتبقى مركز متكامل :tumb:

---

ربنا يكرمك يا حسام بيه .... علي فكرة اكتشفت ان كل حاجه مش اختراع يعني بس العده و ال tools و الامكانيات و الوقت و شكرا اي حاجه في الدنيا تتعمل و الحمد لله كل اللي بعمله بايدي هي عيوب لصنايعيه دفعتلهم كتير عشان يظبطوها و للأسف طلعت من تحت ايديهم عوجه ... الحمد لله

اقتباس:

---

المشاركة الأصلية كتبت بواسطة grumby78

الله ينور عليك انا بتاع الابواب ظبطلي ابواب الابيزا كده لما كانت معايا. حاجه كمان كان باب السواق القطعه البلاستيك اللي بيمسك فيها لسان الباب كانت متاكله وكان بيخلي الباب مش ثابت .. غيرتها بواحده استعمال وكله كان تمام .

---

رائع يا احمد بيه فعلا اكتشفت كده امبارح ان القطعه دي بتتغير لما تتاكل و لكن ممكن تتفادي ده انك تفكها و ترجعها للخلف سنه واحده علي التدريج و بتحكم الباب تاني زي الفل من غير ما تحتاج تغيرها

يا دماغك العالية
الله ينور والله

تسلم ايدك يا باشا موضوع هايل كالعادة

الله ينور هشترى عدة واحاول اعملها ان شاء الله

اقتباس:

---

المشاركة الأصلية كتبت بواسطة grumby78

الله ينور عليك انا بتاع الابواب ظبطلي ابواب الابيزا كده لما كانت معايا. حاجه كمان كان باب السواق القطعه البلاستيك اللي بيمسك فيها لسان الباب كانت متاكله وكان بيخلي الباب مش ثابت .. غيرتها بواحده استعمال وكله كان تمام .

---

بعد اذن حضرتك ممكن تقولي المكان اللي حضرتك ظبط فيه ابواب الابيزا عشان انا محتاج اظبط ابواب عربيتي الابيزا

موضوع مفيد فعلا

موضوع جميل
انا جربتها لأن لاقيت عندى العلامة مش مظبطة ، لكن الألنكيه هو اللى اتاكل، المسمار ناشف جدا معرفتش افكه ومرشتش wd40 لأن المسمار مكبوس جدا معتقدش ان الرش هيتخلل الفراغات ويساعدنى انه يفك التعشيقة دى.

العربية ابيزا 94

طلما ناشف لازم مفتاح نجمه مقاس 6 ويكون من النوعيه الجيده هشان ماينحلش مثل الأنواع الرديئة وبلاش استخدام الألنكيه
أنا لسى جايب طقم نجمه يابانى اصلى هوا بيبقى غالى بس بيفى بالغرض ويعيش

شكرا لنقل التجربه

اقتباس:

---

المشاركة الأصلية كتبت بواسطة hossamalsadik

طلما ناشف لازم مفتاح نجمه مقاس 6 ويكون من النوعيه الجيده هشان ماينحلش مثل الأنواع الرديئة وبلاش استخدام الألنكيه
أنا لسى جايب طقم نجمه يابانى اصلى هوا بيبقى غالى بس بيفى بالغرض ويعيش

---

الله ينور ياايهاب اكيد ) بس سؤال ياحسام انت بتقول بلاش الانكيه وهات طقم نجمة هو شكل طقم النجمة زي المفك يعني شكله مختلف عن الالنكيه ازاي؟ ويعمل كام

اقتباس:

---

المشاركة الأصلية كتبت بواسطة windofchange

الله ينور ياايهاب اكيد ) بس سؤال ياحسام انت بتقول بلاش الانكيه وهات طقم نجمة هو شكل طقم النجمة زي المفك يعني شكله مختلف عن الالنكيه ازاي؟ ويعمل كام

---

ده شكل المفتاح النجمه ومقاساته بال T5 - T10 -T20-T25 -T30هكذا

http://nileup.com/up/uploads/nilemotors_14008436911.jpg
http://nileup.com/up/uploads/nilemotors_14008436914.jpg

ده شكل المفتاح الألنكيه سداسى الاضلاع ومقاساته 1-2-3-4-5-6 وهكذا

http://nileup.com/up/uploads/nilemotors_14008436912.jpg
http://nileup.com/up/uploads/nilemotors_14008436915.jpg

http://nileup.com/up/uploads/nilemotors_14008436913.jpg


بالنسبه للأسعار الطقم العادى من 15ج -25ج والجيد منه مش أقل من 75ج وفى ألمانى ويابانى

والفكره ان الطقم العادى لايصلح للخدمه الشاقه وبيبوظ بسرعه وترميه عشان كده بنصح بالعده المحترمه وتنساها

بس ده غير ده في شكل الراس...هما مختلفين عن بعض فانت المفروض تجيب الاثنين بقي النجمة والالنكيه

معظم مسامير عربيتنا أما ألنكيه أو نجمه فأنصحك تجيب الاتنين

حسام بيه
انت جبت الطقم اللأصلي منين ؟؟

اقتباس:

---

المشاركة الأصلية كتبت بواسطة syd

حسام بيه
انت جبت الطقم اللأصلي منين ؟؟

---

من شارع الجمهوريه فيه هناك شركات كتير ومن ضمنهم توكيل بوش للعدد

اقتباس:

---

المشاركة الأصلية كتبت بواسطة hossamalsadik

من شارع الجمهوريه فيه هناك شركات كتير ومن ضمنهم توكيل بوش للعدد

---

تسلم

شكراً يا باشا علي الرد

اقتباس:

---

المشاركة الأصلية كتبت بواسطة hossamalsadik

معظم مسامير عربيتنا أما ألنكيه أو نجمه فأنصحك تجيب الاتنين

---

يسلمو ****)

اقتباس:

---

المشاركة الأصلية كتبت بواسطة syd

تسلم

شكراً يا باشا علي الرد

---

اقتباس:

---

المشاركة الأصلية كتبت بواسطة windofchange

يسلمو ****)

---

العفو الشكر لله
وعدتى تحت امركم

علي فكرة
مسمارين النجمه للجزء المثبت في قايم باب السائق عندي كانوا اتهروا و باظوا و مش عايزين يفكوا و عشان اضبط باب عربيتي بعد الحادث اضطريت اغيرهم و نزلت اشتريت جوز مسمامير نفس السن و لكن برأس الانكيه مقاس 5 و استانلس و الواحد بجنيه و زي الفل

الحمد لله

من وجهة نظري الالانكيه افضل بكتيييييييييييييييييييييي ير من النجمه

شغل عالي جدا