النور العالي ظعيف..والكهربائي عاوز يركب كتاوت؟؟؟

**aldesha989** · 20-10-2013 08:01 PM

ممكن تأثر لو البطاريه عندك صغيره وشحن الدينمو ضعيف تلاقيى العربيه بتسحب منك او بترجرج لما تشغل النور العالى لكن لو البطاريه عندك كويسه والدينمو شحنه سليم مش هتحس بأى مشكلة

**saddam** · 20-10-2013 09:39 PM

صديقي المواطن
لا يوجد أي تأثير بالعكس دي من المستحبات ولكن كلمة السر في الكهربائي النظيف عشان المنظر العام وبنعملها كتير في عربياتنا ولكل حاجة تقريبا مش بس للأنوار
وبالتوفيق وإلى اﻷمام ومن نصر إلى نصر
ودمتم للنضال

**hilal** · 20-10-2013 09:44 PM

أعتقد أنه لازم تجرب تقوية الارضي أولا
فلقد قرأت أن له دور في تقوية النور وتحسين كفاءة الاداء بصفة عامة

**Hesham.H** · 20-10-2013 10:36 PM

تركيب الكتاوت فى حد ذاته حاجه كويسه وعمرها ما بتبقى سلبيه ... دى نمره واحد
ثانيا لازم تركب عند كهربائى كويس وتكون السلوك نضيفه ومحمله وتكون مقاس ٦ ملى ومش اقل من كده عشان تكون ليها لازمه

الحاجه التالته والأهم انك ما تسلمش نفسك للمبات اللى يكتبلك دى ٢٦٠ وات و١٠٠ وات وخلافه ... دى نصبايه كبيره يا اخوانا صدقونى عن تجربه مافيش احسن من اللمبه الماركه حتى ولو وات قليل

انا بعد معاناه روحت جبت طقم لمبات غالى شويه بس بصراحه فى منتهى الروعه وللعلم اللمبه ٥٥ وات !!!
اللمبه اسمها osram night breaker
لو عاوزها هتلاقيها عند الابيارى فى التوفيقيه وانا جايبها من هناك
تحياتى

**bebo12** · 21-10-2013 05:51 AM

شكرا يااستاذ صدام وهشام على النصحيه..وان شاء الله هروح للكهربائي لعمل التقويه في اقرب وقت واوافيكم بالنتائج..
و
شكرا يااستاذ هلال على هذا التوضيح..وانا هطلب من الكهربائي..ياخذ باله من هذه النقطه اولا قبل تركيب اي شيء.

شكرا جزيلا للجميع على المساعده...