حبيب قلبي تعالي لحضن اخوك
نصيحه من واحد مقبل علي الجواز يا بنت الحلال الي تصونك وتحافظ عليك وتكون سعيده معاك في اي ظرف يا اما بلاش
واهم حاجه التربيه
وموضوع السن مفيش قلق منه
عرض للطباعة
حبيب قلبي تعالي لحضن اخوك
نصيحه من واحد مقبل علي الجواز يا بنت الحلال الي تصونك وتحافظ عليك وتكون سعيده معاك في اي ظرف يا اما بلاش
واهم حاجه التربيه
وموضوع السن مفيش قلق منه
انوي و سيبها على الله و لما ربك يريد حتلاقي نفسك متجوز
و ركز في هدفك الاساسي اللي سافرت عشانه و انك تكون نفسك كويس و تعمل اللي كان نفسك فيه
شكرا لكل اخ رد على الموضوع واضح ان فيه اجماع من الاراء ان ما اسيبش الشغل و انزل و انا كنت اميل للرأى ده برضه ولكن مشكلتى فى السفر انى مش عارف ادور و انا خارج مصر و زى ما وضحت اعتمادى على الغير ( القرايب و الاهل )فى موضوع البحث ده مش جايب نتيجه لحد الأن ...... الشهر الى بنزله اجازه ما بيكيفش و اخر شهر نزلته ضاع اغلبه فى حظر التجوال ...... لو ينفع الاقى حد فى البلد الى انا بشتغل فيها هيكون مناسب اكتر ....بس حد يفيدنى اقدر ادور ازاى اكيد مش هسأل اى حد فى الشارع على عروسة ...فى مصر بيبقى فيه فرصه ان الواحد يلاقى حد فى الشغل او فى نادى او فى اى مناسبه فرح مثلا لكن فى الغربه الموضوع مختلف ...
لو انت مسافر بره فتره مؤقته لحد ما تعمل مبلغ كويس تجيب بيه شقه وعربيه وتنزل مصر يبقى انت دور وكلم اصحابك فى الشغل وشوف لو حد عنده معرفه او برضه الشهر اللى بتنزله ابقى دور برضه حصل نصيب خير وبركه محصلش يبقى لما تنزل مصر نهائى
بس اهم حاجه اى بنت مادية متديهاش وش واخلع عالسريع لانك هتفضل طول عمرك تعبان معاها
اكنك لتتكلم علي نفس مشكلتي
من واحد مجرب
نصيحة 1: أوووووووووووعى تنزل مصر و تسيب شغلك اوووووووووعى انا كنت زيك و ناس كتير نصحتنى منزلش مصر (الكلام دا كمان كان قبل الثورة) و بردو ركبت دماغى و نزلت مصر و دلوقتى بندم انى سيبت السعودية لأنى مش عارف اعمل حاجة هنا و اللى جاى على قد اللى رايح و الدنيا فى غلاء و انحطاط مستمر
نصيحة 2: أصبر و نصيبك هيجيلك لحد عندك و مش مهم موضوع سن ال 30 دا لأن محدش دلوقتى لاقى جواز علشان يتأمر
انا مسافر من سنتين و بدور كل اجازه بنزل فيها شوفت فى الاجازتين حوالى 15 بنت مافيهومش حد مناسب للاسف الى بيتوسط بينا و بين العرايس يا ما بيبقاش شاف العروسة اساسا يا بيبقى شافها و بيستعبط و يقولك شوفها و كل شىء قسمه و نصيب
البنات مقبولة الشكل و التفكير عليها طلب طبعا و بيتأمروا على الى مسافر بره عايزين حد جاهز و قاعد فى مصر لدرجه انى شوفت بنت خريجه حقوق علشان شايفه شكلها مقبول مشترطه الى يتقدملها معيد فى الجامعه !!!
انا وقتى ضيق فى الاجازات و دلوقتى مابقاش يتعرض عليا حد قرايبى مش متعاونين فى البحث او مكبرين دماغهم و الاهل عندى فى البيت تقريبا كلموا طوب الارض ....
الموضوع ميئوس منه
اغلب الى بيبقوا مع اهاليهم بيبقوا صغيرين لأن كله بينزل مصر علشان الكليات و الى بيرجه بعد الكليه غالبا بيكون سنه كبير و مش مناسب
المشكلة دلوقتى انى اهلى مش متعاونين فى الموضوع ده و انا مسافر فمشعارف اصفى انزل ادور بنفسى انا ولا اعمل ايه
خايف مرور الوقت يجبرنى انى اقدم تنازلات فى اختيارى للعروسة و هبقى مش مبسوط فى الاخر
انا مش عارف هي العمليه وصلت لدرجة إنك تعمل موضوع في المنتدى ليه.
أولا إنت مش أول ولا أخر واحد شغال بره مصر و عايز يخطب.
غيرك عملها كتتييييييير و هيعملها بعد أكتر.
تاني حاجه..متوسط العقليات اللي بترفض تجوز بناتها لواحد مسافر مره حوالي 50%
يعني متقلقش..بس تعمل حساب إن أجازتك تشوفلك فيها حوالي 10.
و ربنا يوفقك يا صديقي