السيكيورتى كود

**ayman hamdy** · 22-10-2013 03:21 PM

المشاركة الأصلية كتبت بواسطة فادى محمد

ازيك يا ايمن كل سنه وانت طيب
اللي اعرفه يا ايمن انك لو هتسقط نفس موتورك لازم هتحتاج الvin من التوكيل علشان تبرمج شفره المفتاح
انما لو هتسقط موتور مختلف فده لازم يكون معاه كونتروله وفحمايه المفتاح اللي متبرمج عليها السكيويتي كود
وعرفت ان حسام البحقيري في المنصوره دلوقتي عنده جهاز لو سقطت موتور بكونتروله ومش معاك فحمايه الايموبلايزر بتاعته ممكن يبرمج الكونترول برقم خاص به ونفس الرقم يعرفه للفحمايه القديمه اللي كانت معاك
وبكده تقدر تدور الموتور

الحمد لله يا حبيب قلبى يا فادى وكل سنة وانت وجميع اسرتك بالف خير وصحة وسلامة
بالنسبة لل vin يا فادى دة بيبقى مكتوب على شاسيه العربية من قدام انت قصدك السيكورتى كود بتاع العربية دا علشان تجيبه لازم تروح التوكيل ومعاك رخصة العربية وال vin بتاع العربية علشان يطلعو لك السيكيورتى كود بتاع الvin دة حسب الموتور الاصلى اللى كان راكب فيها
ام لو مسقط موتور طبيعى ان الموتور بيجى بالكنترول بتاعه وبالفحماية او من غيرها وبالايموبلايزر او من غيره لان اى ايموبلايزر ممكن يتبرمج على اى موتور عادى وكمان الفحماية بس لازم السيكيوتى كود بتاع العربية
انا سؤالى انك لو عايز تعمل بنفسك مفتاح مشفر جديد وانت بتبرمج المفتاح الريموت الجديد على جهاز اوب كوم لازم يطلب منك السيكورتى كود بتاع العربية علشان يبرمج المفتاح
اما بالنسبة للجهاز اللى عند حسام البحقيرى دة كويس جدا وانا سمعت عنه وهو دة اللى حل مشكلة السيكورتى كود وهقول لك الجهاز دة بيعمل ايه
الجهاز دة بيحط الفحماية علية وبقرا الشفرة بتعته وهى عبارة عن ارقام كتيرة ممكن 20 رقم هى زى الباركود كدة وهى دى الشفرة اللى بيتعرف عليها الايموبلايزر عن طريق موجات كهرومغناطسية بيرسلها للفحماية علشان يقراها ويطابقها على اللى متبرج عليها الايموبلايزر علشان كدة لازم تكون الفحماية قريبة من الايموبلايزر علشان يتعرف عليها وبالتالى يعطى اشاررة للكمبيوتر العربية انه يقوم بوظائفه لتشغيل العربية المهم بعد ما بيضع الفحماية دى على الجهاز يقوم بمسح الشفرة دى خالص واكنه جايب فحماية جديدة فاضية وممكن كمان يجيب اى فحماية جديدة فاضية ويبرمج عيها وبعدين يروح على كمبيوتر العربية يبرمجه كله من جديد طبعا كدة مسح الشفرة بتاعة الفحماية نهائي وبعدين كدة اصبح عنده عربية زيرو يقوم مبرمج الفحماية دى مع كمبيوتر العربية ويحط اى سيكيورتى كود جديد وممكن يحط السيكيوتى كود اللى كان فى العربية الاساسى مفيش مشكلة وممكن يبرمج فى الحالة دى 5 فحمات لخمس مفاتيح بالسيكيورتى كود الجديد اللى هوحطه
دة فعلا حل المشكلة وشكرا يا فادى على الافادة وطول عمرك سباق بالخير ربنا يجعله فى ميزان حسناتك
تحياتى للجميع ولكل من شارك بمعلومة فى الموضوع ربنا يجعاها فى ميزان حسناته
شكرا جزيلا

**ayman hamdy** · 22-10-2013 03:48 PM

المشاركة الأصلية كتبت بواسطة eng\ahmed

الايموبلايزر عبار عن chip فى المففتاح عليها كود معين خاص بالعربية ...
لما بتحط المفتاح فى الكونتاكت الكمبيوتر بيقرا الشفرة اللى فى المفتاح , لو نفس المتسجلة عليه هيدور الموتور ... لو مختلفة هيفصل الموتور

لو هتجيب نفس الموتور على نفس الكونترول مش هتحتاج برمجة مفاتيح
لو موتور مختلف فا طبيعى هتجيبة بالكنترول وهييجى مفاه فحماية المفتاح او الـ chip

شكرا جزلا يا باشمهندس احمد على المعلومة ولكن فى حالة لو مفيش فحماية او المفتاح ضاع او عايز تعمل مفتاح جديد يبقى ايه الحل ؟
لازم السيكيوتى كود بتاع العربية اللى متبرمج عليه الفحماية والكمبيوتر والايموبلايزر فى الحالة دى لو معرفتش تجيبه بتروح عند حد من بتوع المفاتيح يكون عنده الجهاز اللى بتضع عليه الفحماية وبيقراها ويمسحها خالص وبيبرمج كمبيوتر العربية من جديد يعنى يعمل له ريست كدةمسح شفرة الايموبلايزر واصبح فاضى وبعدين يبرمج الايموبلايزر من جديد مع الفحماية الجديدة او الفاضية مع الكمبيوتر بسيكيورتى كود جديد او لو معاك القديم ممكن يتبرمج عليه عادى جدا وكدة ممكن تجيب لحد 5 فحمات جداد تبرمجهم مع 5 مفاتيح
اشكرك مرة ثانية باشمهندس احمد وربنا يجعل كل علم ينتفع به حسنة جارية له ولمن علمها وعلمها لغيره
تقبل خالص تحياتى

**ayman hamdy** · 22-10-2013 05:56 PM

المشاركة الأصلية كتبت بواسطة eng\ahmed

اعتقد الوضع مختلف بين انك معاك مفتاح وبتعمل عليه نسخة وبين انك معكش مفاتيح وعايز تعمل مفتاح

فى الحالة الاولى بتاع المفاتيح هياخد الشفرة من المفتاح ويبرمج التانى وخلاص وكده مجاش ناحية الكمبيوتر

الحالة التانية دى المشكلة ان لازم يكون عندك الكود اللى تقدر تدخل بيه على الكمبيوتر عشان تقدر تقرا كود الايموبلايزر والا كان اى حد معاه جهاز قدر انه يسرق اى عربية عن طريق انه يقرا الشفرة ويبرمج المفتاح

وعشان كده انت بتاخد الفحماية مع الكنترول والموتور الجديد ... الـ vin هنا والتوكيل مش هينفعوك لأنك معاك vin عربيتك ومتعرفش الموتور اللى انت شارية كان خارج من المصنع راكب على انهى vin عشان يقدر التوكيل يجيبلك الـ security code

مع كل احترامى وتقديرى لكلام حضرتك
الوضع مش مختلف الوضع هو هو فى الحالتين سواء معاك مفتاح بتعمل عليه مفتاح او معكش مفتاح وعايز تعمل مفتاح مش هتقدر تعمل مفتاح الا اذا دخلت على كمبيوتر العربية بمعنى :
اولا : فى الحالة الاولى مينفعش بتاع المفاتيح ياخد الشفرة بتاعت المفتاح المشفر علشان ياخد شفرته من الفحماية ويبرمج الفحماية الجديدة عليها لسبب ان الكمببيوتر له لحد خمس مفاتيح بس علشان يسجلهم وبالتالى اى مفتاح مشفر جديد يضاف لازم الشفرة الجديدة بتاعته يكون كمبيور العربية على علم بيها ولازم يسجلها ويسجل عنده كدة عندى مفتاحين انا كدة عندى ثلاثة وهكذا ودة بيبان فى جهاز كشف الاعطال كم مفتاح مسجل على الكمبيوتر وعلشان يسجلها عنده لازم السيكيورتى كود اللى اتعملت به الشفرة دى والا اى حد بتاع مفاتيح واحد حرامى جابله مفتاح عربية يعمله عليه ودة طبعا مش هيحصل تيجى هنا بقى الوظيفة الاساسية للايموبلايزر وهى تامين العربية ضد السرقة
الحالة الثانية : لو المفتاح ضاع والعربية متورها الاصلى زى الحالة الاولى لازم السيكيورتى علشان يدخل على كمبيوتر العربية علشان يقدر يبرمج مفتاح بفحماية جديدة ولو ماعندكش السيكورتى كود مثلا او مسقط موتور جديد فى الحالة دى بيتعمل للكمبيوتر ريست اكنك منزل سوفت وير جديد وبالتالى تم مسح جميع شفرات المفاتيح اللى عليه واعادة برمجته مع فحماية جديدة وشفرة جديدة [وسيكيورتى كود] جديد علشان مش اى حد يقدر يعمل مفتاح على المفتاح بدون السكيورتى كود اللى اتعمل به شفرة المفتاح دة ودى الوظيفىة الاساسية للايموبلايزر وهى الامان ضد السرقة وعلشان حرامى يجى لواحد بتاع مفاتيح علشان يعمل له مفتاح على عربية لازم يجيب معاه كمبيوتر العربية والموتور والايموبلايزر يعنى هيجيب العربية كلها معاة اظن دى عملية فى منتهى الصعوبة والخطورة بالنسبة له
ارجو ان اكون وضحت الصورة اكثر علشان الكل يستفيد

**ayman hamdy** · 22-10-2013 06:38 PM

ملحوظة مهمة جدا نست اقولها لكم وهى :
اى فحماية اتبرمجت مع مفتاح فى لها شفرة خاصة داخل الايموبلايزر والكمبيوتر مختلفة عن شفرات فحمات المفاتيح الاخرى لنفس العربية علشان كدة بتاع المفاتيح مينفعش ياخد شفرة فحماية ويطلع عليها مفتاح مشفرجديد لانها مسجلة بالايموبلايزر والكمبيوتر بشفرة معينة لمفتاح واحد وعلشان تبرمج مفتاح بفحماية جديد لازم السيكيورتى كود علشان يدخل ويسجل على الايموبلايزر والكمبيوتر بشفرة جديدة لمفتاح جديد ولنفترض انه مفتاح رقم 2 او مفتاح رقم 3 وهكذا وعلشان كدة لما المفتاح بيضيع او معندكش السيكيورتى كود يقوم بتاع المفاتيح [ دة متخصص طبعافى هذا النوع من المفاتيح ] بعمل ريست للكمبيوتر واعادة برمجة الايموبلايزر والفحماية الجديدة عليه

**TheUnknown** · 23-10-2013 05:16 PM

المشاركة الأصلية كتبت بواسطة pilotahmed1

اخي حدلك على طريقه جربها اذا السياره فيها شاشه تقبل setting mode تفتحه وحتلاقي السيكورتي كود في الصفحه الثالثه او الرابعه وتلاقيه كاتب لك كلمة كود إن شاء الله تنحل مشكلتك

الكلام ده لحاجه اسمها code index مش security code مفيش طريقه مباشره لمعرفه الsecurity code الا عن طريق الVIN و التوكيل او عن طريق حد يقدر يسحبه, صابر عنده الجهاز اللي بيسحب بيه

**TheUnknown** · 23-10-2013 07:14 PM

المشاركة الأصلية كتبت بواسطة pilotahmed1

الجهاز اللي حضرتك تحكي عنه هو tech 2 يضاف عليه سوفت وير اسمه ABRITEٍS لجميع الكترونيات السيارات وللعلم على فكترا سي يمكن من خلال الستنغ مود تطلع السيكورتي كود

انا عارف الجهاز علي فكره.

فين الsecurity code؟

ديه Vectra C

Opel Gizli Menü - Hidden Menu (Vectra C) - YouTube

ديه Astra H

Opel Astra H secret menu - YouTube