تقييم تجربة قيادة اكسنت ار بي 2014

بسم الله الرحمن الرحيم

انا مقيم في دبي..وناوي اشتري عربية جديدة.. ميزانيتي من45 ل 50 الف..بالمبلغ ده في ادامي نيسان صني وكيا ريو وهيونداي اكسنت ولانسر بومة وشيفروليه سونيك..كان اقرب اختيار ليا هو اكسنت ار بي..بيسموها هنا Accent Blue .. بعد مدة معاناه من استخراج الرخصة لقيت بالصدفة جنب الشغل بتاعي مكتب تاجير سيارات كلهم تقريبا اكسنت..بكلمهم وانا مش ف دماغي قاللي موجود عربية لسه عاملة 400 كيلو موديل (العربيه بكيسها) 2014 .. قلت كويس اجرت العربية 5 ايام عشان احكم عليها وقطعت بيها حوالي 700 كيلو وحبيت اقولكو انطباعي عنها واتمنى اللي ليهم خبرة يشاركوني بخبرتهم في التقييم:
اولا: العربية بالنسبة للمساحة الداخلية كويسة ومعقولة (انا مقعدتش ورا خالص)
ثانيا: شكل التابلو والعدادات حلو بالنسبالي
ثالثا: التكيف كويس اوي لكنه مش ثلاجة بالمقارنه مع التويوتا
رابعا: كنت قريت مشكلة المساعدين اللي ورا واللي بيخليها تتنطط وبصراحة محستش بالتنطيط ده خالص...مش عارف يمكن عشان الشوارع اللي في الامارات كويسة
خامسا: صوت الموتو هادئ و العزل ممتاز جدا بالمقارنة مع لانسر بوما 2007 اللي سوقتها كتير في مصر لانها كانت مع اخويا
سادسا: النقلات في الفتيس الاوتوماتيك اربع سرعات كويس لكن جير الانسر افضل
سابعا: دايما كنت بسمع ان الموتور ده صارووخ والتسارع ممتاز..لكن مش عارف ليه محستش بده يمكن لان العربية لسه جديدة بتليين يعني الله اعلم..لكن تسارع الانسر بومة والله شايفه افضل
ثامنا: وده النقطة القاضية والفاصلة ودايقني اوي ان العربية خفيفة اوي اوي وده حاسه من اول مابركب وهي واقفه وانا باقفل الباب وع السرعات الهادية اوي كمان...حاسس انها عربية خفيفة اوي مش ماسكة نفسها (مش بتكلم ع الثبات وانما بتكلم ع الركوبة) يعني حتى صوت الباب وهو بيتقفل مش ولا بد..عكس كل العربيات اللي سوقتها زي لانسر 2007 و ميجان 2005 وبيجو 307 2003 ونيسان تيدا 2008 (كلهم تاجير ماعدا اللانسر والميجان)

الخلاصة بعد ماكنت حاطط العربية ده في دماغي لكذا سبب: السعر واعادة البيع هنا وفي مصر و اقل سعر الجمرك...لاقيت اني مش مطمن للعربية ده (مع اني كنت مبسوط وانا بسوقها) ود خلاني اتردد في قرار شرائها وفي نفس الوقت العربيات التانية الصني شكلها غبي اوي اوي وبرده خفيفة اوي لاني كنت بسوقها في مدرسة تعليم القيادة في دبي..والسونيك تقريبا مالهاش سوق ف مصر لو حبيت انزل بيها بعد كده ..والريو معتقدش هتفرق كتير عن الاكسنت بما انهم الاتنين نفس الشركة...ويبقى الاختيار الرابح في وجهة نظري لقرار الشراء لاسباب المذكورة هي لانسر بومة بس مش عارف اخر موديل لها في دبي كان 2013 مش عارف نزل منها 2014 ولا لا..وف نفس الوقت البوما برغم انها كسيارة في وجهة نظري زي ما بنقول ركوبتها افضل من الار بي الا اني برده حاسس انها قديمة وعفا عليها الزمن وده برده مدايقني..

ياريت اللي جرب الاربي يقول رايه فيها مقارنة بعربيات تانية وهل حد حس بخفية العربية كركوبة للدرجة اللي انا حاسسها وهل ده عيب يقفلني عنها ولا ممكن التغاضي عنه؟

-قفلت منها متجبهاش بس يا ترى عندك 1400cc زي السعودية ولا في 1600cc

الريو حاجة والاكسنت حاجة تاني خالص مين قالك الاتنين اخوات ؟؟؟؟؟؟؟؟؟؟

الشاسية مختلف يبقى ازاي العربية زيها !!!!!!!!!!!!
كيا غير هيوانداي نهائياً لعلمك دي بتعمل عربيات ودي بتعمل عربيات كل واحد بيحافظ على هيئته المختلفة عن التاني

انا معايا BMW X1 Sport 2014 يعني متقوليش تويوتا ولا لانسر ولا اي كلام من اللي سوقته ده ومعايا الريو وبصراحة لغاية ما قبل ما ابيعها وهي من احسن العربيات اللي سوقتها طبعاً قبل الـBMW

انصحك بتجربتها على الطبيعة !!!!!!!!

-يا أستاذ 2CODE راجع معلوماتك
The third generation Kia Rio debuted on March 1, 2011, at the Geneva Motor Show, again based on the Hyundai Accent and featuring a 1.4 L or 1.6 L Hyundai GDI Gamma engine
(reference: Kia Rio wiki)
طبعا هنقول معندناش GDI تمام بس ده الفرق الوحيد الشاسيه والتعليق واحد ولو في فرق يبقى الريو أقل لانها 1400CC و الاكسنت 1600C

-يا ريت تراجع أرقام السيارتين WheelBase 2.570mm في العربيتين

-فرق ال Width , Height ده فرق Shape مش أكتر

تقيم محدد
فبعض النقط بس الي مستغرب منها

اقتباس:

---

المشاركة الأصلية كتبت بواسطة toty_305

-يا أستاذ 2CODE راجع معلوماتك
The third generation Kia Rio debuted on March 1, 2011, at the Geneva Motor Show, again based on the Hyundai Accent and featuring a 1.4 L or 1.6 L Hyundai GDI Gamma engine
(reference: Kia Rio wiki)
طبعا هنقول معندناش GDI تمام بس ده الفرق الوحيد الشاسيه والتعليق واحد ولو في فرق يبقى الريو أقل لانها 1400CC و الاكسنت 1600C

---

مين قال ان التعليق واحد والشاسية !!!!!!!!!! ماتشوف وقت الاعلان عن نظام التعليق الجديد المعتمد في النيو سيراتو والنيو ريو ؟؟؟؟؟؟؟
التعليق اللي في الريو ده جديد وراكب في الريو والسيراتو الشكل الجديد بس :nemoflow::nemoflow: شوف موضوع الاعلان عن العربية في المعارض برا

كيا وهيوانداي بيتبادلوا حاجة واحده بس (المحركاااااااااااااااات) غير كده كل شئ مختلف وعلشان كده كل عربية بتتبني على التانية يعني تلاقي السيراتو يقول لك النترا لانهم بيتبادلوا حاجات بينهم وبين بعض لكن مش نفس الشاسية ومش نفس الخامات دي مصانع ودي مصانع تاني !!!!!!!

خامات مختلفة - مواصفات مختلفة - فرامل مختلفة كل حاجة مختلفة لان كل شركة عندها مهندسينها المنفصلين عن التانية

والاكسنت معروفة بمشكلة التعليق الخلفي اللي الكل بيلاحظها - طيب ليه مش بنلاحظها في الريو طالما زي ما انت بتقول الاتنين واحد !!!!!!!!!!!

راجع بس انت الاعلان عن الريو الشكل الجديد وهم بيعرضوا نظام التعليق الخلفي والتصميم الجديد للـTorsion Beam

-أنت صح :tumb:

أنا متفق مع أخونا اللي قالك تجرب الريو , مش هاتخسر حاجة و أنا شخصيا بأفضلها عن الاكسنت أر بي

بالتجربة العملية و النهاردة تحديدا كنت راجع من السويس ز طبعا مش هأقول لك طريق السويس / القاهرة عامل أزاي
- مطبات هوا
- تموجات حادة في الطريق
- رياح شديدة
- منحنيات مالهاش لازمة
- بالاضافة الي الحفر و النقر

و طبعا كنت ماشي 140 كم/س و كان فيه أكسنت أر بي بيحاول يشد معايا لكن طبعا كنت منفض له كان بيعدي مني في الطريق المفتوح لكن أول ماكنا بندخل علي ملف أو حته بايظة من الطريق كنت بأعدي منه مما يعني أن أحساسه بثبات العربية في الضياع

الريو أعتقد هاتكون أفضل في موضوع الثبات بالاضافة لشكلها الجميل و كمالياتها ووسائل الامان

و ربنا يوفقك في الاختيار النهائي

الريو والله كنت راكبها ماشى 60 حساس انى ماشى 140 كم , صاحبى نفسة مضايق منها جداااااا , بسبب الموضوع دة , وكمان حاجة صاحب الموضوع نسى يعرضها وهية الفرامل ( ضعيفة وغير مناسبة تماما لسرعة السيارة )

بص على بيجو 301 عربية عاملة شغل عالى وهتعجك جدا وسعرها في حدود ميزانيتك وسوقها واعد جدا في مصر
لدرجة انها احتلت المركز 2 في مبيعات شهر 7 في مصر
تقدر تدخل منتدى بيجو هتلاقى اغلب المواضيع عنها :)

اقتباس:

---

المشاركة الأصلية كتبت بواسطة SAMEH_FOUAD

الريو والله كنت راكبها ماشى 60 حساس انى ماشى 140 كم , صاحبى نفسة مضايق منها جداااااا , بسبب الموضوع دة , وكمان حاجة صاحب الموضوع نسى يعرضها وهية الفرامل ( ضعيفة وغير مناسبة تماما لسرعة السيارة )

---

-ياه ده فيه أعضاء في قسم كيا كانوا بيتكلموا على وادي النطرون و 180 و الثبات رائع ...أصدق مين أنا بقى :hugging:

-بس أنا شخصيا عارف اللي فيها :36_1_40[1]:

اقتباس:

---

المشاركة الأصلية كتبت بواسطة sameh_fouad

الريو والله كنت راكبها ماشى 60 حساس انى ماشى 140 كم , صاحبى نفسة مضايق منها جداااااا , بسبب الموضوع دة , وكمان حاجة صاحب الموضوع نسى يعرضها وهية الفرامل ( ضعيفة وغير مناسبة تماما لسرعة السيارة )

---

الريو الريو ؟
ولا الاكسنت ؟

-الريو و الاكسنت واحد ما عدا الجنط 17 حبه ثبات زياده بالجنط

اقتباس:

---

المشاركة الأصلية كتبت بواسطة SAMEH_FOUAD

الريو والله كنت راكبها ماشى 60 حساس انى ماشى 140 كم , صاحبى نفسة مضايق منها جداااااا , بسبب الموضوع دة , وكمان حاجة صاحب الموضوع نسى يعرضها وهية الفرامل ( ضعيفة وغير مناسبة تماما لسرعة السيارة )

---

انت بتتكلم على فرامل الريو ولا الاكسنت ؟؟؟؟؟؟؟
انا هرد على نقطة السرعة لان انت حددت فيها الريو - صاحبك ده اللي كان ماشي على 60 وحاسس انه ماشي على 140 مش يمكن هو يكون ماشي على 140 ههههههههههههههههههههه
خليه ينزل يلعب في فورميولا 1 :tumb::tumb::tumb:


قول لي بس على موضوع الفرامل تقصد الريو اللي بـABS و EBD ولا تقصد الاكسنت علشان هي فاضية من غير اي وسائل امان ؟؟؟؟؟؟؟؟


ثم ان يا سامح معروف انك مش بتحب الكوري من زماااااااااااان فخلاص بقيت موضوع قديم كلامك عن الكوري اساساً وعارفينه وكنت بتقول وسائل الامان وسائل الامان نزلت لك الريو 122 الف جنية هاي لاين و abs و ebd و 2 ايرباج (انا بتكلم على سعرها الاساسي قبل زيادة الدولار ملياش دعوه بأقتصاد بلدك اللي في التراب اللي خلى اسعار السيارات كلها قربت توصل للضعف !!!!!!!!!!!!!)

اقتباس:

---

المشاركة الأصلية كتبت بواسطة toty_305

-الريو و الاكسنت واحد ما عدا الجنط 17 حبه ثبات زياده بالجنط

---

انت متأكد انك بتتكلم عن الريو !!!!!!!!!!!!!
مين اللي بينزل بجنط 17 ؟؟؟؟؟ يمكن تقصد السيراتو يا استاذي الفاضل الريو جنطها 15 اساسا :what::what::what::what:

شكرا للتعليقات...انا فعلا هجرب الريو خصوصا ان زميل ليا جرب الاتنين وقاللي الريو احسن من ناخية قعدة السايق والتسارع ونقطة التسارع ده غريبة لان الريو بتنزل 1400 بس بينما الاكسنت بينزل منها برده 1600 وده اللي انا جربتها.. وبرده هحط في الاختيارات البيجو 301 ولو ان يهمني سعر اعادة البيع بس برده هجربها وهقول رايي ان شاء الله. وباكد على انطباعي عن الاكسنت ان شاسيه بتاعها فعلا مايطمنش وده حاجة مهمة اوي مش عارف انساهاونفس الكلام للفرامل برده

ان شاء الله هقولكو انطباعي عن الريو والبيجو 301..ولو مفيش نصيب هتكل على الله واجيب لانسر بوما

ربنا معاك وبصراحة انا متشوق جدا لمعرفة النتايج وتقييماتك للعربيات دى كلها ، بالتوفيق :)

اقتباس:

---

المشاركة الأصلية كتبت بواسطة amrelsaqqa

الريو الريو ؟
ولا الاكسنت ؟

---

انا اسف جيت اكتب ال rb كتبت الريو

انا اقصد ال rb ياجماعة معلش غلطة مطبعية

اقتباس:

---

المشاركة الأصلية كتبت بواسطة 2CODE

انت بتتكلم على فرامل الريو ولا الاكسنت ؟؟؟؟؟؟؟
انا هرد على نقطة السرعة لان انت حددت فيها الريو - صاحبك ده اللي كان ماشي على 60 وحاسس انه ماشي على 140 مش يمكن هو يكون ماشي على 140 ههههههههههههههههههههه
خليه ينزل يلعب في فورميولا 1 :tumb::tumb::tumb:


قول لي بس على موضوع الفرامل تقصد الريو اللي بـABS و EBD ولا تقصد الاكسنت علشان هي فاضية من غير اي وسائل امان ؟؟؟؟؟؟؟؟


ثم ان يا سامح معروف انك مش بتحب الكوري من زماااااااااااان فخلاص بقيت موضوع قديم كلامك عن الكوري اساساً وعارفينه وكنت بتقول وسائل الامان وسائل الامان نزلت لك الريو 122 الف جنية هاي لاين و abs و ebd و 2 ايرباج (انا بتكلم على سعرها الاساسي قبل زيادة الدولار ملياش دعوه بأقتصاد بلدك اللي في التراب اللي خلى اسعار السيارات كلها قربت توصل للضعف !!!!!!!!!!!!!)

---

هههههههههههههههههه

هو انت لما صدقت ( بقدم اعتذارى اقصد الاكسنت rb )

اقتباس:

---

المشاركة الأصلية كتبت بواسطة sameh_fouad

هههههههههههههههههه

هو انت لما صدقت ( بقدم اعتذارى اقصد الاكسنت rb )

---

هههه حصل خير
اصل اللى خلانى اشك في الكلام اكتر انى عارف ان صاحبك معاه ار بي مش ريو ، ده اللى كان عمل حادثة بالعربية عشان الفرامل مش كدة ؟

اقتباس:

---

المشاركة الأصلية كتبت بواسطة amrelsaqqa

هههه حصل خير
اصل اللى خلانى اشك في الكلام اكتر انى عارف ان صاحبك معاه ار بي مش ريو ، ده اللى كان عمل حادثة بالعربية عشان الفرامل مش كدة ؟

---

تمام ياعمرو هو دة , والصراحة العربية مش مريحاة خالص بعد مرور سنة ونصف على شرائها , وعايز يغيرها ويبعد عن الكورى نهائى , بس الفلوس اللى حكماة خصوصا انة جايبها قسط

اقتباس:

---

المشاركة الأصلية كتبت بواسطة mahmoudahmed

ان شاء الله هقولكو انطباعي عن الريو والبيجو 301..ولو مفيش نصيب هتكل على الله واجيب لانسر بوما

---

هعمل برده تيست درايف لياريس 2014 الجديدة هي لسه مبقالهاش اسبوع في دبي سعرها تقريبا من سعر الار بي والبيجو 301 وان شاء الله يبقى في مقارنة بين الاربعة دول ادام لانهم في نفس الفئة السعرية تقريبا (ريو 1400 - بيجو 301 1600- ياريس1500 - اكسنت 1600)

الريو ممتازة ومحدش يقدر يقول غير كده اللى عاوز يجادل وخلاص
والار بى برده ممتازة وعالفكرة الاسطوانة المشروخة بتاعه وسائل الامان خلاص معدتش تاكل بعد لما بقت بتنزل ايمبولايزر وايه بى اس وايرباج
وانا بتاعى مانيوال 2013 ونازل فيها ايرباج
وعالفكرة بمناسبة حكاية قفله الباب دى كنت هشترى لانسر او ار بى المهم لقيت البياع بيقولى شوف قفله باب اللانسر الزبالة هههههههههه وشوف الار بى فالحكاية يا باشا نسبية بتختلف من واحد لواحد

اما الفرامل فدى لبانة ناس كتير بتقولها وفرامل الار بى والله ممتازة ما شاء الله والثبات لحد 140 الى 160 ده شخصيا عن تجربتى من 0 الى 23.000 كيلو يعنى موش فتى وخلاص
ما يعيب الار بى عفشتها موش حلوة وضعيفة بس انتا وقيادتك
ماتورها ما شاء الله قوى وكان مرشح من سنتين من اقوى 10 مواتير بالعالم
مساحتها الداخلية لا هى واسعة ولا هى ضيقة معقولة جدا لاسرة متوسطة


بس طالما انتا قفلت منها اوعى تشتريها

اقتباس:

---

المشاركة الأصلية كتبت بواسطة SAMEH_FOUAD

هههههههههههههههههه

هو انت لما صدقت ( بقدم اعتذارى اقصد الاكسنت rb )

---

ههههههههههههههههه
يخرب عقلك - وانا اقول لايمكن حد يقول على فرامل الريو وحشة لأنها فعلاً من اقوى الحاجات فيها وعربية ثابته نفسها بين العربيات وواكله الجو يعني دي بتبيع اكتر من السيراتو الجديدة مليون مره

فعلاً انا الريو دي خسارة اني بعتها بس يلا مش مشكلة ماهي مع اخويا مراحتش بعيد :baby07:

شكرا استاذ khabaas على تعليقك... انا مقفلتش من العربية..بالعكس انا مبسوط من نعومتها وهدوء صوت محركها وعزلها الاكثر من ممتاز..وعلى فكرة انا مشتكش من الثبات انا مشيت بيها لحد 145 اقصى حاجة وكانت معقولة اقل ثباتا من الانسر والميجان لكن مش بكتير اوي بفارق قليل ... وده حاجة مش شغلاني اوي لاني مش هجري اكتر من 140 عشان الردارات في الامارات وفي مصر برده مفيش طريق يصلح للسرعة ده....النقطة بس اللي بتكلم فيها هو خفية البودي والشاسيه وده شايفه سبب سرعة السيارة النسبية من الثبات ل 100 يرجع لخفة السيارة مش لقوة الموتورالجبار زي مابيقولو وده موضوع يدايق احساس السائق بالقيادة (بغض النظر عن الامان).. ومازالت السيارة احدى اختياراتي بس هقارنهم بالريو والبيجو والياريس الجديدة كليا.. وفي الاخر قد تكون لانسر بومة هي قراري الاخير.. مرة تانية شكرا لتفاعلك وربنا يديك خيرها ويكفيك شرها

اقتباس:

---

المشاركة الأصلية كتبت بواسطة mahmoudahmed

شكرا استاذ khabaas على تعليقك... انا مقفلتش من العربية..بالعكس انا مبسوط من نعومتها وهدوء صوت محركها وعزلها الاكثر من ممتاز..وعلى فكرة انا مشتكش من الثبات انا مشيت بيها لحد 145 اقصى حاجة وكانت معقولة اقل ثباتا من الانسر والميجان لكن مش بكتير اوي بفارق قليل ... وده حاجة مش شغلاني اوي لاني مش هجري اكتر من 140 عشان الردارات في الامارات وفي مصر برده مفيش طريق يصلح للسرعة ده....النقطة بس اللي بتكلم فيها هو خفية البودي والشاسيه وده شايفه سبب سرعة السيارة النسبية من الثبات ل 100 يرجع لخفة السيارة مش لقوة الموتورالجبار زي مابيقولو وده موضوع يدايق احساس السائق بالقيادة (بغض النظر عن الامان).. ومازالت السيارة احدى اختياراتي بس هقارنهم بالريو والبيجو والياريس الجديدة كليا.. وفي الاخر قد تكون لانسر بومة هي قراري الاخير.. مرة تانية شكرا لتفاعلك وربنا يديك خيرها ويكفيك شرها

---

الله يخليك يا باشا انا حبيت بس ادى حضرتك صورة كاملة واى سؤال بخصوص العربية انا موجود :tumb:

اول حاجة كنت عايز اعرف برده سعر اعادة بيعها..انا اعرف ان الهيونداي عموما في مصر سعرها ماسك نفسه في سوق المستعمل..بس عايز اعرف مثلا ار بي موديل 2014 اتوماتيك 1600 فول اوبشن ماعدا فتحة سقف..ممكن تعمل كام بالظبط بعد سنتين تلاتة لان الموضوع ده يهمني اوي
تاني حاجة انت بتحس بمشكلة المساعدين اللي ورا دول والتنطيط لاني بصراحة محستش بالموضوع ده خالص..فمش عارف هو انا مخدتش بالي مثلا ولا ممكن الخليجي يختلف عن المصري او موديل 2014 عالجو فيه المشكلة ده فعلا؟
تالت حاجة انا اسمع ان قطع غيارها في مصر مش كلها بره التوكيل والتوكيل اسعاره غالية اوي. فياريت تفيدني في موضوع اسعار قطع الغيار ده برة وجوة التوكيل.
رابع حاجة لو جينا نتكلم ع الاعتمادية وسعر اعادة البيع اعتقد ان الاكسنت والياريس والانسر طبعا هيتفوقو ع الريو والبيجو.بالذات الياريس لانها هتبقى موديل جديد واسمها تويوتا ولا انت ايه رايك؟

في حاجة مهمة اوي اوي نسيت اقولها خلال التقييم انا حاسس ان العربية عايزة ظبط زوايا وترصيص العربية ساعتها كانت عاملة 400 كيلو وبتحدف جامد...حد حس بالمشكله ده ولا لآ...انا بس عايز الملاك تكلمو بصراحة من غير مجاملة

اقتباس:

---

المشاركة الأصلية كتبت بواسطة mahmoudahmed

اول حاجة كنت عايز اعرف برده سعر اعادة بيعها..انا اعرف ان الهيونداي عموما في مصر سعرها ماسك نفسه في سوق المستعمل..بس عايز اعرف مثلا ار بي موديل 2014 اتوماتيك 1600 فول اوبشن ماعدا فتحة سقف..ممكن تعمل كام بالظبط بعد سنتين تلاتة لان الموضوع ده يهمني اوي
تاني حاجة انت بتحس بمشكلة المساعدين اللي ورا دول والتنطيط لاني بصراحة محستش بالموضوع ده خالص..فمش عارف هو انا مخدتش بالي مثلا ولا ممكن الخليجي يختلف عن المصري او موديل 2014 عالجو فيه المشكلة ده فعلا؟
تالت حاجة انا اسمع ان قطع غيارها في مصر مش كلها بره التوكيل والتوكيل اسعاره غالية اوي. فياريت تفيدني في موضوع اسعار قطع الغيار ده برة وجوة التوكيل.
رابع حاجة لو جينا نتكلم ع الاعتمادية وسعر اعادة البيع اعتقد ان الاكسنت والياريس والانسر طبعا هيتفوقو ع الريو والبيجو.بالذات الياريس لانها هتبقى موديل جديد واسمها تويوتا ولا انت ايه رايك؟

---

بالنسبة لقطع الغيار كلها خارج التوكيل لانها منتشرة بغباء فى مصر وعالفكرة السعودية برده
المساعدين بتتغير مجانا بالتوكيل وتنتهى المشكلة دى لان المساعدين اللى فيها سوفت
سعر اعادة البيع موش هتخسر فيها ان شاء الله بس كام بالظبط دى صعب تحديدها
واسعار قطع الغيار الاصلى بره التوكيل ارخص بكتيييييييييييييييييييييي ييييييييييييييييييييييير :nemoflow: وفيه موضوع انا عمله ومتثبت وفيه الاسعار جوة وبره التوكيل

انا معايا العربيه بصراحه مفهاش اي حدفه انا كنت ماشي بيها علي الصحراوي180 وكانت تمام العربيه بلنسبه لي في مجملها جميله شكل وموتور وباور ناعم وبتاسب اسرتي بس عيوبها زي محضرتك قلت العربيه تعتبر خفيفه تخاف تجري بيها اعلي من 140 ولومعاك الفئه اللي فيها abs يبقي مفيش مشكله من الفرامل المساعدين انا غيرتهم في التوكيل والعربيه بقت تمام في الثبات وعدم التنطيط في الخلف الدهان يعتبر ضعيف اي حكه الطبقه البيضاء بتبان علي طول الفتيس الاوتو نقلاته سلسه لكن في الزحمه ممكن تحس بنقلاته من الاول للتاني علشان كدا انا بقلبه للوضع الرياضي في الزحمه العربيه تعتبر جميله لكن لو نفس سعر الياريس الافضل ياريس دي وجهه نظر وشكرا

اقتباس:

---

المشاركة الأصلية كتبت بواسطة mahmoudahmed

اول حاجة كنت عايز اعرف برده سعر اعادة بيعها..انا اعرف ان الهيونداي عموما في مصر سعرها ماسك نفسه في سوق المستعمل..بس عايز اعرف مثلا ار بي موديل 2014 اتوماتيك 1600 فول اوبشن ماعدا فتحة سقف..ممكن تعمل كام بالظبط بعد سنتين تلاتة لان الموضوع ده يهمني اوي
تاني حاجة انت بتحس بمشكلة المساعدين اللي ورا دول والتنطيط لاني بصراحة محستش بالموضوع ده خالص..فمش عارف هو انا مخدتش بالي مثلا ولا ممكن الخليجي يختلف عن المصري او موديل 2014 عالجو فيه المشكلة ده فعلا؟
تالت حاجة انا اسمع ان قطع غيارها في مصر مش كلها بره التوكيل والتوكيل اسعاره غالية اوي. فياريت تفيدني في موضوع اسعار قطع الغيار ده برة وجوة التوكيل.
رابع حاجة لو جينا نتكلم ع الاعتمادية وسعر اعادة البيع اعتقد ان الاكسنت والياريس والانسر طبعا هيتفوقو ع الريو والبيجو.بالذات الياريس لانها هتبقى موديل جديد واسمها تويوتا ولا انت ايه رايك؟

---

يعني هي سعرها جديده حوالي140 الف يعني اقصاها بعد سنتين او تلاته لو حاتها فابريكه مش هتقل عن 120 الي125الف

شكرا استاذ جون و khabaas على الردود الوافية